சொத்து உடன்பாட்டு நிவாரண காலம் மேலும் நீட்டிப்பு

சில வர்த்­தக தொழில்­துறை சொத்து­களை வாங்கி இருப்­ப­வர்­கள், கொவிட்-19 பாதிப்பு கார­ண­மாக தங்­க­ளு­டைய ஒப்­பந்­தக் கடப்­பா­டு­களை நிறை­வேற்ற முடி­யா­மல் இருக்­கக்­கூ­டும்.

இவர்­க­ளுக்கு எதி­ராக சட்ட அம­லாக்க நட­வ­டிக்­கை­கள் எடுக்­கப்­ப­டா­மல் இருப்­ப­தற்­கான தற்­காலிக நிவா­ரண காலம் மேலும் இரண்டு முதல் மூன்று மாதத்­திற்கு நீட்­டிக்­கப்­ப­டு­கிறது. சட்ட அமைச்சு நேற்று இதனை அறி­வித்­தது. கொவிட்-19 தற்­கா­லிக நட­வ­டிக்­கை­கள் சட்­டத்­தின்கீழ், குறிப்­பிட்ட கொள்­மு­தல் ஒப்­பந்­தங்­க­ளுக்­கான நிவா­ர­ணக் காலம் நீட்­டிக்­கப்­படும்.

அண்­மை­யில் அறி­விக்­கப்­பட்ட கடன் அடைப்பு ஏற்­பாடு நடப்­புக்கு வரும் வரை­, சட்ட அம­லாக்க நட­வ­டிக்­கை­களில் இருந்து தற்­கா­லிக நிவா­ர­ணம் கிடைப்­பதை இது உறு­திப்­ப­டுத்­தும்.

புதிய கடன் அடைப்பு ஏற்­பாடு பற்றி நாடா­ளு­மன்­றத்­தில் நவம்­பர் 3ஆம் தேதி விவா­திக்­கப்­பட்­டது.

கொவிட்-19 கார­ண­மாக வரு­மா­னம் குறிப்­பி­டத்­தக்க அள­வுக்­குப் பாதிக்­கப்­பட்டு உள்ள சிறிய, மிகச் சிறிய நிறு­வ­னங்­கள் மீண்டும் பேச்சு­ நடத்தி சில ஒப்­பந்­தங்­களை மாற்றி அமைத்­துக் கொள்ள­வும் அல்­லது தண்­டத்­தொகை எதுவு­மின்றி அவற்றை முன்­ன­தாகவே முடித்­துக்­கொள்­ள­வும் அந்த ஏற்­பாடு உதவும்.

வர்த்­தக சாத­னங்­கள் அல்­லது வர்த்­தக வாக­னங்­க­ளுக்­கான தவணைக் கட்டண வாங்கு முறை, நிபந்­தனைக்­குட்­பட்ட விற்­ப­னை­கள், வாடகை ஏற்­பா­டு­கள் ஆகி­ய­வற்­றுக்­கான இப்­போ­தைய நவம்­பர் 19 காலக்­கெடு அடுத்த ஆண்டு ஜன­வரி 31ஆம் தேதி வரை நீட்­டிக்­கப்­படும்.