புத்தாக்கத் தீர்வுகள்: இளையருக்கு அழைப்பு

நிறு­வ­னங்­க­ளி­லும் சமூ­கத்­தி­லும் நீடித்த நிலைத்­தன்­மையை ஊக்­கு­விக்க இளை­யர்­கள் புது­மை­யான தீர்­வு­க­ளைக் கண்­ட­றிய வேண்­டும் என்று சிங்­கப்­பூர் எதிர்­பார்க்­கிறது.

இதற்­காக ‘எகோ-பிசி­னஸி’ன் லாப­நோக்­கற்ற பிரி­வான ‘ஈபி இம்­பாக்ட்’ ஒரு ஒரு வழி­காட்­டல் திட்­டத்தை அறி­மு­கப்­ப­டுத்­தி­யுள்­ளது. இதில், பசு­மைத் துறை சார்ந்த நிபு­ணர்­க­ளின் வழி­காட்­டு­த­லின் கீழ், சிறு இளை­யர் குழுக்­கள் நிறு­வ­னங்­க­ளுக்­கான சுற்­றுச்சூழல் பிரச்­சி­னை­க­ளைத் தீர்க்க வேண்­டும்.

அக்­டோ­பர் நடுப்­ப­கு­தி­யில் இருந்து இது­வரை 63 இளை­யர்­களும் 53 வழி­காட்­டி­களும் பதிவு செய்­துள்ள இந்த திட்­டம் நேற்று அதி­கா­ர­பூர்­வ­மாக தொடங்­கப்­பட்­டது. உரை­யா­ட­லில் நீடித்த நிலைத்­தன்மை, சுற்­றுப்­புற மூத்த துணை அமைச்­சர் டாக்­டர் ஏமி கோரு­டன் மாண­வர்­கள், பரு­வ­நிலை ஆர்­வ­லர்­கள் மற்­றும் தெமா­செக் ஃபேஸ்புக், எஸ்பி குழு­மத்­தைச் சேர்ந்த நிபு­ணர்­கள் ஆகி­யோர் பங்­கேற்­ற­னர்.

‘நீடித்த நிலைத்­தன்மை பரி­மாற்­றம்’ (சஸ்­டை­ன­பி­லிட்டி எக்ஸ்­சேஞ்ச்) என்று அழைக்­கப்­படும் இந்த வழி­காட்­டல் திட்­டம் நேற்று ‘ஈபி இம்­பாக்ட்’ இணை­யத்­த­ளத்­தில் இரண்­டா­வது சுற்று விண்­ணப்­பங்­க­ளுக்கு அழைப்பு விடுத்­தது. விண்­ணப்­பங்­களை அனுப்பி வைக்க வேண்­டிய இறு­தி­நாள் டிசம்­பர் 11. 19 முதல் 30 வய­திற்­குட்­பட்ட இளை­யர்­கள் இத்­திட்­டத்­திற்கு விண்­ணப்­பிக்­க­லாம். அவர்­கள் நீடித்த நிலைத்­தன்மை பிரச்­சி­னை­கள் குறித்து ஆர்­வம் கொண்­டி­ருக்­க­வேண்­டும். அத்­து­டன், பசு­மைப் பாது­காப்­பில் ஈடு­பட்­டி­ருக்க வேண்­டும். வழி­காட்டி களா­கப் பதி­வு­செய்­வோர், பசு­மைப் பாது­காப்பு தொடர்­பான துறை­யில் குறைந்­தது ஐந்து வருட அனு­ப­வம் இருக்க வேண்­டும்.

ஒவ்­வொரு வழி­காட்­டி­யும் மூன்று முதல் நான்கு இளை­யர்களுக்கு, அவர்­க­ளது ஆர்­வத்­தின் அடிப்­ப­டை­யில் வழி­காட்­டு­வார்­கள். இந்த மூன்று மாத கால திட்­டம் அடுத்த ஆண்டு ஜன­வரி 11 ஆம் தேதி தொடங்கி ஏப்­ரல் மாதத்­தில் முடி­வ­டை­யும்.

நிகழ்ச்­சி­யின் முடி­வில், இளை­யர்­கள் தங்­கள் தீர்­வு­களை விளக்­கும் எழுத்­து­பூர்வ அறிக்­கையை சமர்ப்­பிக்க வேண்­டும். குழுக்­கள் சமர்ப்­பித்த திட்­டங்­க­ளின் வெற்றி, செயல்­தி­றன் குறித்து அடுத்த ஆண்டு செப்­டம்­ப­ரி­லும், 2022ஆம் ஆண்­டி­லும் ‘ஈபி இம்­பாக்ட்’ அவர்­க­ளு­டன் பேசும்.

இந்த கலந்­து­ரை­யா­ட­லில் இளை­யர்­கள் ஆரா­யக்­கூ­டும் என தாம் நம்­பும் நான்கு சுற்­றுச்­சூ­ழல் பிரச்­சி­னை­களை ​டாக்­டர் ஏமி கோர் முன்­வைத்­தார்.

முத­லா­வது, வரும் 2030ஆம் ஆண்டுவாக்­கில், செம­காவ் நில­மீட்புக்கு மூன்­றில் ஒரு பங்கு குறை­வான கழி­வு­களை அனுப்­பும் நாட்­டின் இலக்கை மேம்­ப­டுத்­து­வ­தற்­கான கழிவே இல்­லா­மல் செய்­யும் உத்தி. கழி­வு­களை பய­னுள்ள பொரு­ளாக மாற்­று­வ­தில் அதிக ஆராய்ச்சி, தொழில்­நுட்­பங்­கள். பரு­வ­நிலை அறி­வி­யல், கடல்மட்ட உயர்­வைத் தடுக்க கடற்­க­ரை­க­ளைப் பாது­காப்­ப­தற்­கான பல வழி­கள்.

பரு­வ­நிலை மாற்­றத்­தின் தாக்­கங்­களை அறிந்­து­கொள்­வ­து­டன், இளை­யர்­கள் “கொள்­கை­கள், வர்த்­த­கத் தீர்­வு­களில் நீடித்த நிலைத்­தன்­மையை இணைத்­துக்­கொள்­ளும்­போது பெரும்­பா­லும் எதிர்ப்­ப­டும் சிக்­கல்­கள், பரி­சீ­ல­னை­கள், வர்த்­தக பரி­மாற்­றங்­கள்” ஆகி­ய­வற்­றைப் புரிந்து கொள்ள வேண்­டும் என்­றும் டாக்­டர் கோர் வலி­யு­றுத்­தி­னார்.

“இது பரு­வ­நிலை மாற்­றத்­திற்கு எதி­ரான செயல்­பாட்டை திறம்­பட தலைமை தாங்க உத­வும்,” என்­றார் அவர். சுற்­றுச்­சூ­ழல் அழிவு பற்றி பெருங்­க­வலை இளை­யர்­க­ளி­டையே வளர்ந்து வரு­கிறது என்­ப­தை­யும் டாக்­டர் கோர் சுட்­டி­னார். ஆனால் அந்த கவ­லை­களை செய­லாக மாற்­று­வ­தற்­கான வாய்ப்­பு­களும் வாழ்க்­கைப் பாதை­களும் உள்­ளன என்­றார் அவர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!