3,500 மாணவருக்கு கல்வி உதவிப்பொருள் பற்றுச்சீட்டு; ‘மீண்டும் பள்ளிக்குச் செல்வோம்’ செயல்திட்டம் மூலம் சிண்டா வழங்கியது

சிண்டா எனப்­படும் சிங்­கப்­பூர் இந்­தி­யர் மேம்­பாட்­டுச் சங்­கம், தன்­னுடைய வரு­டாந்­திர ‘மீண்­டும் பள்­ளிக்­குச் செல்­வோம்’ விழா என்ற செயல் திட்­டத்­தின் மூலம் இந்த ஆண்­டில் 3,500 வசதி குறைந்த மாண­வர்­களுக்குக் கல்­வி உதவிப் பொருட்­களை வழங்­கி­யது.

புதிய கல்வி ஆண்­டில் நன்கு படித்­துத் தேர்ச்சி பெற மாண­வர்­களை ஊக்­கு­விக்­க­வும் புதிய கல்வி ஆண்­டுக்­குத் தயா­ரா­கும் வசதி குறைந்த குடும்­பங்­க­ளின் நிதிச் சுமை­யைக் குறைக்­க­வும் குறைந்த வருவாய் குடும்­பங்­க­ளி­லி­ருந்து வரும் பிள்­ளை­க­ளுக்­குக் கல்வி ஓர் எட்­டாக் கனி­யா­கி­வி­டக்­கூ­டாது என்­பதை உறு­திப்­ப­டுத்­த­வும் ஆண்டு­தோ­றும் சிண்டா இந்த உத­வியை வழங்கி வரு­கிறது.

தனி­ந­பர் வரு­மா­னம் $1,000க்கும் குறை­வா­க உள்ள குடும்­பங்­க­ளைச் சேர்ந்த பிள்­ளை­கள் இந்­தத் திட்­டம் மூலம் பற்­றுச்­சீட்­டு­க­ளைப் பெற தகுதி பெறு­கின்­ற­னர்.

ஒவ்­வொரு மாண­வ­ருக்­கும் எழுது­பொ­ருட்­கள், புத்­த­கங்­கள் வாங்க $120 பற்­று­ச்சீட்­டும், காலணிகள் வாங்க $60 பற்­றுச்­சீட்­டும் வழங்­கப்­ப­டு­கிறது.

இப்போ­தைய கொவிட்-19 பாது­காப்பு நட­வ­டிக்­கை­க­ளின் கார­ண­மாக ‘மீண்­டும் பள்­ளிக்­குச் செல்­வோம்’ விழா நவம்­பர் 30 வரை 11 நாட்­கள் நடக்­கும்.

இந்த 11 நாட்­களில் குடும்­பங்­கள் குறிப்­பிட்ட நாட்­களில் வந்து பற்­று­ச்சீட்­டுகளை பெற்­றுக்­கொள்­ள­லாம்.

கொவிட்-19 கிருமி பர­வ­லால் பாதிக்­கப்­பட்ட இந்­தி­யர்­க­ளுக்கு உதவ சிண்டா $7 மில்­லி­யன் நிதியை ஒதுக்­கி­யி­ருந்­தது. இதனை தவிர்த்து இப்­போது இந்த ‘மீண்­டும் பள்­ளிக்­குச் செல்­வோம்’ திட்­டத்­திற்­காக கூடு­த­லாக $630,000 ஒதுக்­கி­யுள்­ளது.

கல்வி பெரும் மாண­வர்­க­ளின் நல­னுக்­காக பல திட்­டங்­களை சிண்டா முன்­வைத்து வரு­கிறது.

இந்த ஆண்டு மார்ச் மாதத்­தி­லி­ருந்து வசதிகுறைந்த குடும்­பங்­களி­லி­ருந்து வந்த 300 மாண­வர்­க­ளுக்குக் கணினி வழங்கி அவர்­க­ளின் கல்விப் பய­ணத்தை மேம்­ப­டுத்­தி­யி­ருக்­கிறது.

1,000 தொடக்கநிலை, உயர் நிலை, உயர் கல்வி பயி­லும் வசதி குறைந்த மாண­வர்­க­ளுக்கு $400,000 நிதி­யு­தவி வழங்­கி­வருகிறது.

இத­னி­டையே, பற்­றுச்­சீட்டு பெற்­ற­வர்­களில் ஒரு­வ­ரான திருமதி செந்­தா­மரை வி சுப்­பி­ர­ம­ணி­யன் என்ற மாது, சிண்டா அளிக்­கும் இப்­பற்­று­ச்சீட்­டு­கள் ஒவ்­வோர் ஆண்டும் தமது நான்கு பிள்­ளை­களுக்­கும் பள்ளி துவங்­கும்­போது நிறைய புத்­த­கங்­களையும் தேவை­யான அத்­தி­யா­வ­சிய பொருட்­களை யும் வாங்க உத­வி­யாக இருக்­கிறது என்­றார்.

தன்­னை­யும் தன்னு­டைய இரண்டு தம்­பி­கள், ஒரு தங்­கை­யை­யும் கவ­னித்து வரும் அம்­மா­விற்கு நிதி­ய­ள­வில் அதிக சுமையைத் தரக்­கூ­டாது என்ற எண்­ணத்­து­டன் ரோவன் ரிஷி, 21, என்ற மாணவர் கடந்த சில ஆண்டு­க­ளாக படித்­துக்­கொண்டே பகுதி நேர வேலை­களைப் பார்த்து வரு­கி­றார்.

ரோவன் ரிஷி, ரிபப்­ளிக் பல­து­றைத் தொழிற் கல்­லூ­ரி­யில் வெளிப்­புற நட­வ­டிக்­கை­க­ளுக்­கான கற்­றல் துறை­யில் பட்­ட­யப் படிப்பு படித்து வருகிறார்.

இவர், தமக்­கும் தனது சகோ­த­ரர்­க­ளுக்­கும் பள்­ளிக்குத் தேவை­யான புத்­த­கங்­க­ளை­யும் கால­ணி­களை­யும் வாங்­கு­வ­தற்­கான பற்றுச்சீட்­டு­களை நேற்றுக் காலை சிண்டா தலை­மை­ய­கத்­திற்குச் சென்று பெற்றுக்கொண்டார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!