மாணவர் ஒருவரை உள்ளாடை அணிந்து படம் எடுத்து அதை அனுப்ப சொல்லிய பயிலரங்குப் பயிற்றுவிப்பாளர் டே யீ ஹுவிக்கு (படம்) நேற்று இரண்டு மாத சிறைத் தண்டனை விதிக்கப்பட்டது.
கடந்த ஆண்டு மே 30ஆம் தேதி டே நடத்திய தலைமைத்துவப் பயிலரங்குக்குப் பிறகு அந்த 15 வயது மாணவரின் இன்ஸ்டகிராம் பக்கத்தைத் தாம் தொடர விரும்புவதாக டே கூறினார். டேயின் கோரிக்கையை அந்த மாணவர் ஏற்றார். இருவருக்கும் இடையிலான உரையாடலை ரகசியமாக வைத்துக்கொளும்படி டே கேட்டுக்கொண்டார்.
அந்த மாணவரை உள்ளாடையில் தோன்றும் படம் ஒன்றை அனுப்பும்படி டே கேட்டுக்கொண்டார். அந்த மாணவர் டேயின் இந்தக் கோரிக்கைக்கு இணங்கவில்லை. இருப்பினும், அந்த மாணவருடன் பாலியல் தொடர்பிலான தலைப்பில் டே தொடர்ந்து உரையாடினர்.
டேயின் தகாத வேண்டுகோளால் சங்கடம் அடைந்த அந்த மாணவர் நடந்தவற்றைத் தமது ஆசிரியரிடம் கூறினார். அந்த ஆசிரியர் காவல்துறையிடம் புகார் அளித்தார். மாணவரிடம் தகாத முறையில் நடந்துகொள்ள முயற்சி செய்த குற்றத்திற்கு டேக்கு ஐந்து ஆண்டுகள் வரை சிறைத் தண்டனையோ $10,000 வரை அபராதமோ அல்லது இரண்டுமோ விதிக்கப்பட்டிருக்கலாம்.