'பலதிறனுள்ள ஊழியரே முதலாளிகளின் விருப்பம்'

எதிர்­கா­லத்­தில் பல்வேறு திறன்­கள் பெற்ற ஊழி­யர்­களை வேலைக்கு அமர்த்­தவே பத்­தில் ஏழு முத­லா­ளி­கள் உத்­தே­சித்­துள்­ள­னர் என்று ஓர் ஆய்வில் தெரி­ய­வந்­துள்­ளது. தேசிய தொழிற்­சங்க காங்கிரசின் (என்­டி­யுசி) லர்­னிங்­ஹப் நடத்­திய இந்த ஆய்­வின் முடி­வு­கள் நேற்று வெளி­யி­டப்­பட்­டன. அதில் கிட்­டத்­தட்ட எல்லா முத­லா­ளிகளும் மாறு­பட்ட பணி­களில் ஈடு­படக்­கூடிய ஊழி­யர்­க­ளுக்கு அதிக தேவை இருப்­ப­தாக ஒப்புக்கொண்­டனர்.

கொவிட்-19 சூழ­லின் நெருக்­கடிகளுக்கு இடை­யி­லும் தங்­கள் நிறு­வ­னங்­களில் காலி­யாக உள்ள இடங்­களை நிரப்­பு­வ­தில் உள்ள சிர­மங்­க­ளை­யும் ஆய்­வில் பங்­கேற்­ற­வர்­களில் சுமார் 72 விழுக்­காட்­டி­னர் சுட்­டிக்­காட்­டி­னர்.

உற்­பத்தி, வர்த்­த­கம், இணைப்பு உள்­ளிட்ட ஆறு பெரிய தொழில்­துறை குழு­மங்­களில் தொற்­று­நோயின் தாக்­கத்தை மதிப்­பி­டு­வ­தற்­காக 367 வர்த்­க­கத் தலை­வர்­கள், 567 முழு­நேர ஊழி­யர்­க­ளி­டம் அக்டோ­பரில் இணை­யத்­தில் ஆய்வு நடத்­தப்­பட்­டது. இதில் பங்கெடுத்த வர்­களில் ஏறக்­கு­றைய 80 விழுக்­காட்­டி­னர் தனி­யார் துறை­யினர்.

கிட்­டத்­தட்ட 69% ஊழி­யர்­கள் தங்­கள் அன்­றாட வேலை­களில் புதிய திறன்­க­ளைப் பயன்­ப­டுத்த வேண்­டி­யி­ருப்­ப­தா­கக் கூறி­னர். 71 விழுக்காட்டினர் வேலைச் சந்­தை­யில் போட்­டித்­தன்­மை­யு­டன் இருக்க உயர்­திறன், மறு­தி­றன்­களின் அவ­ச­ரத்தை உணர்ந்­த­தா­கக் கூறி­னர்.

பெரும்­பான்­மை­யான முத­லா­ளி­கள்(84 விழுக்காட்டினர்) தொற்­று­நோயின் விளை­வாக தொழில்களில் ஏற்­பட்ட மாற்­றங்­க­ளால் ஊழி­யர்­கள் புதிய திறன்­க­ளைப் பெறு­வது அவசியம் என்ற­னர்.

பய­னுள்ள தக­வல் தொடர்பு, குழுப்­பணி அல்­லது ஒத்­து­ழைப்பு, தர­வுப் பகுப்­பாய்வு ஆகி­ய­வற்றை பணி­யா­ளர்­க­ளுக்­கான மூன்று மிக மதிப்­பு­மிக்க துணைத் திறன்­க­ளாக முத­லா­ளி­கள் குறிப்­பிட்­ட­னர்.

புத்­தாக்­கம், பகுப்­பாய்வு பகுத்­த­றிவு, சிக்­க­லான சிக்­கல் தீர்க்­கும் திறன், படைப்­பாற்­றல் ஆகி­யவை ஊழியர்களிடம் போதுமான அளவு இல்லாத முதல் மூன்று திறன்கள் என்­றும் அவர்­கள் கூறினர்.

ஆய்­வில் கலந்­து­கொண்ட ஊழி­யர்­களில் பாதிப் பேர், பணி­யி­டத்­தில் அல்­லது ஒட்­டு­மொத்த வேலைச் சந்­தை­யில் போட்­டித்­தன்­மை­யு­டன் திகழ கடந்த ஆறு மாதங்­களில் திறன்­களை மேம்­ப­டுத்­தி­ய­தா­கக் கூறி­னர். எனி­னும் அவர்­களில் 74% தங்­கள் நிறு­வ­னங்­கள் திறன்­கள் மேம்­பாட்­டில் கூடு­தல் ஆத­ரவை வழங்­க­லாம் என என்ற­னர்.

"தொடர்ந்து மாற்­றம் கண்­டு­வரும் உல­கில், வேலை­க­ளைப் பொறுத்­த­வ­ரை­யில் ஒற்றைப் பாதை­யில் தொடர்ந்து நீடிக்க முடி­யாது. புதிய வழக்­க­நி­லை­களில் செயல்­ப­ட­வும் வாய்ப்­பு­க­ளைப் பெற­வும், அண்­மைய வேலை­கள், தேவைப்­படும் திறன்­க­ளைப் பற்­றித் தெரிந்­து­கொள்­வது முக்­கி­யம். பின்­னர் முத­லாளி விரும்­பும் பல பணி­கள், துணைத் திறன்­களை மேம்­ப­டுத்­து­வ­தற்­கான உயர்­தி­றன்­க­ளைப் பெற நட­வ­டிக்கை எடுக்க வேண்­டும்," என்­றார் 'என்­டி­யுசி லர்­னிங்­ஹப்'பின் தலை­வர் யூஜின் வோங்.