விற்பனையில் இருந்து மீட்டுக்கொள்ளப்பட்ட 'கிரேப்' சின்னமுடைய மிளகுப் புட்டிகள்

இந்­தோ­னி­சி­யா­வில் இருந்து தரு­விக்­கப்­படும் கிரேப் சின்­னத்­தைக் கொண்ட கறுப்பு மிளகு, கடை­களில் இருந்து மீட்­டுக்­கொள்­ளப்­ப­டு­வ­தாக சிங்­கப்­பூர் உணவு முகவை நேற்று அறி­வித்­துள்­ளது.

அந்த மிள­கில் உண­வில் நச்­சுத்­தன்­மையை ஏற்­ப­டுத்­தக்­கூ­டிய ஒரு­வ­கைக் கிருமி இருப்­பது ஆய்­வில் தெரி­ய­வந்­துள்­ள­தால் உணவு முகவை இந்த நட­வ­டிக்­கையை எடுத்­துள்­ளது.

கிரேப் சின்­னத்­தைக் கொண்ட இந்த மிளகு 50 கிராம், 90 கிராம் என புட்­டி­களில் அடைக்­கப்­பட்டு விற்­பனை செய்­யப்­ப­டு­கின்­றன.

பாதிக்­கப்­பட்ட அந்த மிள­குப் புட்­டி­கள் 2021 நவம்­பர் 1 ஆம் தேதி­யும் 2021 அக்­டோ­பர் 1ஆம் தேதி­யும் காலா­வ­தி­யா­கின்­றன.

சிங்­கப்­பூர் உணவு விதி­மு­றை­க­ளின்­படி உள்ள நுண்­ணு­யி­ரி­யல் தரம் இந்­தப் பொரு­ளில் அதி­கம் இருப்­ப­தாக உணவு ஆணை­யம் தெரி­வித்­தது.

எனவே, சியெம் டிரேடிங் நிறு­வ­னத்­தால் இறக்­கு­ம­தி செய்யப்­பட்டு விற்பனைக்கு விடப்பட்ட அந்த மிள­குப் புட்­டி­கள் யாவும் மீட்­டுக் கொள்­ளப்­பட்­டு­விட்­டன.

உணவில் நச்சை ஏற்­ப­டுத்தவல்ல இந்­தக் கிரு­மி­க­ளால் பாதிக்­கப்­பட்ட இந்த மிளகை உண­வில் சேர்த்­துக்­கொள்­வ­தால் உண­வில் நச்­சுத்­தன்மை ஏற்­ப­டுத்தி வயிற்று வலி, வயிற்­றுப்­போக்கு, குமட்­டல், வாந்தி போன்­றவை ஏற்­படும்.

இவ்­வ­கைக் கிரு­மி­கள் மண், விளை­பொ­ருட்­கள், விலங்­கு­கள் மீதான உன்னி போன்­ற­வற்­றில் காணப்­படும் என்­றும் முகவை தெரி­வித்­தது. இந்த மிள­கு­களை யாரே­னும் வாங்­கி­யி­ருந்­தால் அதைப் பயன்­ப­டுத்த வேண்­டாம். அவ்­வாறு அந்த மிள­கைப் பயன்படுத்திய உணவை உட்­கொண்­டி­ருந்­தால் மருத்­து­வ­ரைப் பார்த்து ஆலோ­சனை பெறு­மா­றும் முகவை கேட்­டுக் கொண்­டுள்­ளது.