தேசிய இந்திய இசைப் போட்டியில் 48 வெற்றியாளர்கள்

இசைத் திற­னில் சிறந்து விளங்­கும் 48 இளம் கலை­ஞர்­கள் இவ்­வாண்­டின் தேசிய இந்­திய இசை போட்­டி­யில் விரு­து­கள் பெற்­ற­னர்.

1988ஆம் ஆண்டு முதல் நடந்து வரும் இப்­போட்டி முதல் முறை­யாக இணை­யம் வழி நடை­பெற ஏற்­பாடு செய்­தது தேசி­யக் கலை மன்­றம்.

சிங்­கப்­பூ­ரின் பரந்த இந்­திய இசை வகை­க­ளைக் கொண்­டா­டும் நிகழ்வு இது. மூன்று ஆண்­டு­களுக்கு ஒரு முறை நடக்­கும் இப்­போட்­டிக்கு இம்­முறை எட்டு இசைப் பிரி­வு­களில் 170 விண்­ண­ப்பங்­கள் கிடைத்­தன. 14 முதல் 20ஆம் தேதி வரை போட்­டி­யின் படைப்­பு­கள் மெய்­நி­கர் பாணி­யில் நடந்­தே­றின.

கலை­ஞர்­கள் தமது திறன்­களை வெளி­ப்ப­டுத்­தும் போட்­டி­யாக மட்டு­மில்­லா­மல் புதிய இசை திறன்­க­ளைக் கண்­ட­றி­ய­வும் பங்­கேற்­பா­ளர்­கள் பெயர்­பெற்ற அனைத்­து­லக கலை நீதி­ப­தி­க­ளுக்கு முன் படைக்­கும் வாய்ப்­பை­யும் வழங்­கும் நோக்­கத்­து­டன் இந்த போட்டி நடை­பெற்று வரு­கிறது. இவ்­வாண்டு இந்­தி­யா­வைச் சேர்ந்த ஏழு இசைப் பிர­ப­லங்­கள் உள்­ள­டக்­கிய நீதி­பதி குழு போட்டி ­யா­ளர்­க­ளின் படைப்­பு­களை இணை­யம் வழி மதிப்­பிட்­ட­னர்.

கர்­நா­டக பாட­க­ர் சுதா ரகுநாதன், கர்­நா­டக, வயலின் நிபு­ண­ர் எம்­பர் எஸ்.கண்­ணன், கிராமி விரு­து­க­ளுக்கு முன்­மொ­ழி­யப்­பட்ட புல்­லாங்­கு­ழல் கலை­ஞர் ஷஷாங் சுப்­பி­ர­ம­ணி­யம், விருது பெற்ற வீணை கலை­ஞர், இசை அமைப்­பா­ளரும் பயிற்­று­விப்­பா­ள­ருமான ஜெயந்தி கும­ரேஷ், சிறந்த சம­கால மிரு­தங்க இசைக் கலை­ஞ­ரான மன்­னார்­குடி ஈஸ்­வ­ரன், சிறந்த இளம் தபேலா கலை­ஞ­ரான அனுப்­ரதா சாட்­டர்ஜி, இந்­துஸ்­தானி பாட­க­ரும் சித்­தார் கலை­ஞ­ரு­மான ரயீஸ் கான் ஆகி­யோர் நீதி­பதி­க­ளாக இருந்­த­னர்.

போட்­டி­யில் கர்­நா­டக பாடல், இந்­துஸ்­தானி பாடல், வீணை, புல்­லாங்­கு­ழல், வய­லின், மிரு­தங்­கம், சித்­தார், தபேலா ஆகிய இசைப் பிரிவு­கள் இருந்­தன.

ஒவ்­வோர் இசைப் பிரி­வி­லும் ‘ஜூனி­யர்’ (12 வய­துக்­கும் கீழ்), ‘இண்­டர்­மி­டி­யட்’ (18 வய­துக்­கும் கீழ்), ‘ஓப்­பன்’ (30 வய­துக்­கும் கீழ்) என்று மூன்று வயது பிரி­வு­களில் பங்­கேற்­பா­ளர்­கள் பிரிக்­கப்­பட்­ட­னர்.

கர்­நா­டக பாட­லில் ‘இண்­டர்­மி­டி­யட்’ பிரி­வி­லும் இந்­துஸ்­தானி பாட­லில் ஜூனி­யர் பிரி­வி­லும் முதல் இடத்­தைப் பிடித்­த­வர் திரு மணி­கண்­டன் கௌஸ்­துப் சந்­திர மௌலி, 11.

“இசை என்­பது என் மூச்சு போல. இசை என் வாழ்­வில் மிக­வும் முக்­கி­ய­மா­னது. லால்­குடி ஜெய­ரா­மன், ரவி­கி­ரன், சஞ்­சய் சுப்­ர­மண்­யன் போன்ற மாபெ­ரும் கலை­ஞர்­க­ளைப் போல ஒரு நாள் நானும் ஆக விரும்­பு­கி­றேன். எதிர்­கா­லத்­தில் ஒரு நல்ல இசைக் கலை­ஞ­ரா­வது என் நோக்­கம்,” என்­றார் கௌஸ்­துப்.

இந்­திய இசை என்­பது இந்­தி­யர்­க­ளுக்கு மட்­டும் அல்ல, எல்லா இனத்­த­வர்­க­ளுக்­கும்­தான் என்­ப­தைப் பறை­சாற்­றும் வகை­யில் சீன இனத்­த­வ­ரான 15 வயது திரு வூ ஷாவ் குவான், தபேலா இசைக் கரு­விக்­கான ‘இண்­டர்­மி­டி­யட்’ பிரி­வில் இரண்­டாம் நிலை­யைப் பிடித்­தார். ஒன்­பது ஆண்­டு­க­ளாக ‘நுண்­க­லைக்­க­ளுக்­கான கோயி­லில்’ தபேலா கற்று வரு­கி­றார் இவர்.

“ஒருபோதும் நான் இதை செய்­யக்­கூ­டாது. இது எனக்­கா­னது இல்லை என்று நான் சிந்­தித்­ததே இல்லை. என் தந்தை, குரு, என்று அனை­வ­ரும் உறு­து­ணை­யாக இருக்­கி­றார்­கள்,” என்­றார் திரு குவான்.

18 வயது இரட்டை சகோ­த­ரி­க­ளான குமாரி ஸ்ருதி குமார், குமாரி ஸ்வாதி குமார் வய­லின் இசைக் கரு­வி­யைக் கடந்த 11 ஆண்­டு­களாக சிங்­கப்­பூர் இந்­திய நுண்­ க­லைக் கழ­கத்­தில் கற்று வரு­கின்­ற­னர். இண்­டர்­மி­டி­யட் பிரி­வில் ஸ்ருதி இரண்­டாம் பரி­சை­யும் ஸ்வாதி மூன்­றாம் பரி­சை­யும் பெற்­ற­னர். 12 வய­தாக இருக்­கும்­போது ஸ்ருதி பள்­ளி­யில் ஓடும்­போது விழுந்­த­தில் அவ­ரின் கையில் காயம்பட்­டது. ஆறு மாதங்­க­ளுக்கு அவ­ரால் வய­லின் வாசிக்க முடி­யாத நிலை அத­னால் ஏற்­பட்­டது. அந்த சம்­ப­வம் தமக்கு வய­லின் இசை மீதான நாட்­டத்தை அதி­க­ரித்­தது என்று குறிப்­பிட்­டார் ஸ்ருதி.

“கையில் காயம்பட்ட நேரத்­தில் என் சகோ­த­ரி­யு­டன் வய­லின் வகுப்­புக்கு சென்று மற்­ற­வர்­கள் இசைப் பயிற்சி மேற்­கொள்­வ­தைக் கேட்­பேன். அந்த நேரத்­தில் என்­னால் வய­லி­னைப் பயன்­ப­டுத்த முடி­ய­வில்லை என்ற ஏக்­கம் எனக்­குள் இருந்­தது. நான் குண­மா­ன­வு­டன் பயிற்சி செய்து, நிகழ்ச்சி ஒன்­றி­லும் குறைந்த பயிற்­சி­யு­டன் கலந்து ­கொண்­டேன். அந்த அனு­ப­வம் எனக்கு தன்­னம்­பி­க்கை­யைத்தந்­தது,” என்­று உற்சாகம் பொங்க கூறினார் ஸ்ருதி.

“கடந்த சில ஆண்­டு­களாக இசையின் சிறப்­பை மேம்படுத்து வதில் தேசிய இந்­திய இசைப் போட்டி ஒரு முக்­கிய தள­மாக அமைந்­துள்­ளது. சிங்­கப்­பூர் இந்­திய இசை­யில் ஆர்வமுள்ள இளம் இசைக் கலை­ஞர்­க­ளின் படைப்­பாற்­றலை மேம்­ப­டுத்­து­வது, புதிய இசைத் திறன்­களைக் கண்­ட­றி­வது, இசை­யின் தரத்தை உயர்த்­து­வது ஆகிய அம்­சங்­களில் இசைப் போட்டி உத­வி­யுள்­ளது,” என்­றார் தேசிய இந்­திய இசைப் போட்­டி­யின் ஆலோ­ச­கர் குழு­வின் தலை­வர் டாக்­டர் உமா ராஜன்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!