கர்நாடக இசை உலகில் கால்பதித்து வரும் சுஷ்மா

- கி.ஜனார்த்­த­னன்

தேசிய கலை­கள் மன்­றம் வழங்­கிய ‘இளங்­க­லை­ஞர் விருதை’ வென்ற நால்­வ­ரில் 33 வயது முழு­நேர கர்­நா­டக இசைக்­க­லை­ஞர் சுஷ்மா சோம­சே­க­ரும் ஒரு­வர்.

இருப்­பி­னும், தமக்­குக் கிடைத்த இச்­சி­றப்பு அங்­கீ­கா­ரத்­தைப் பற்றி அதி­கம் பேசா­மல், கற்­றுக்­கொண்ட பாடல்­க­ளின் இசை, பொரு­ளின் அழ­கைப் பற்றி எங்­க­ளு­டன் மெய்­

ம­றந்து பகிர்ந்­து­கொண்­டார் சுஷ்மா. தமி­ழில் இயற்­றப்­பட்ட பாடல்­க­ளின் மீது தனி விருப்­பம் இருப்­ப­தா­கக் கூறு­கி­றார் இவர்.

சிங்­கப்­பூரில் கல்­வி­ பயின்று பகு­தி­நே­ர­மாக இசை­யைக் கற்­று­வந்த திரு­வாட்டி சுஷ்மா கடந்­து­வந்த பாதை அரிது. டாக்­டர் பாக்யா மூர்த்­தி­யு­டன் தமது கற்­றல் பய­ணத்தை நான்கு வய­தில் தொடங்­கிய திரு­வாட்டி சுஷ்மா, பின்­னர் சிங்­கப்­பூர் இந்­திய நுண்­க­லைக் கழ­கத்­தில் 2004ஆம் ஆண்­டு­வரை பயின்று இசைத் துறையில் பட்­ட­யம் பெற்­றார்.

அதன் பிறகு சுஷ்மா, பொதுக்­கல்­விச் சான்­றி­தழ் மேல்­நி­லைத் தேர்வை முடித்த பின்­னர் இசை யில் மேல்பய­டிப்­புக்­காக சென்னை சென்­றார்.

அங்கு அவர் பிர­பல பாடகி நித்­ய­ஸ்ரீ­யின் தாயார் லலிதா சிவ­கு­மார், ஆர் கே ஸ்ரீராம் குமார் ஆகி­யோ­ரி­ட­மி­ருந்து கற்­றுக்­கொண்­டார். சென்­னை­யில் பன்­மொ­ழித்­தி­றன் மிக்க தமது குரு ஸ்ரீராம் குமா­ரால் சங்­கீ­தப் படைப்­பு­க­ளின் ஆழத்தை மேலும் ரசிக்க இயன்­ற­தாக திரு­வாட்டி சுஷ்மா கூறி­னார்.

“பாடல் வரி­க­ளின் பொருளை அவர் விளக்­கும்­போது அதி­லேயே அவர் மெய்­ம­றந்து கண்­ணீர் சிந்­து­வார்,” என்று பூரிப்­பு­டன் கூறி­னார்.

சென்­னை­யில் ஆயி­ர­மா­யி­ரம் பேர் இசையை வாழை­யடி வாழை­யா­கக் கற்­ப­தைக் காணும்­போது அங்கு என்­ன­தான் கற்­றுக்­கொள்­கி­றார்­கள் என்று தெரிந்­து­கொள்­ளும் வெறி தமக்­குள் எழுந்­த­தாக இந்த இளை­யர் கூறி­னார். கணக்­காய்­வா­ள­ரான தமது தந்­தை­யைப் போல் சுஷ்மா, நன்­யாங் தொழில்­நுட்­பப் பல்­க­லைக்­க­ழ­கத்­தில் கணக்­காய்­வுத் துறை­யில் சேர ஆரம்­பத்­தில் திட்­ட­மிட்­டி­ருந்­தார். ஒரு நிறு­வ­னத்­தில் ஆறு மாதங்­கள் வேலை செய்த பிறகு சங்­கீ­தத்­தி­லேயே முழு­மூச்­சாக ஈடு­ப­ட­வேண்­டும் என்ற முடி­வு­டன் அங்­கி­ருந்து வில­கி­னார்.

பின் 2009ஆம் ஆண்டு சென்­னைக்கு மீண்­டும் சென்று அங்கு ஐந்து ஆண்­டு­க­ளா­கத் தங்கி சங்கீத சபை­களில் இசை நிகழ்ச்­சி­க­ளைப் படைத்து வந்­தார்.

“தொடக்­கத்­தில் முழு­நே­ரக் கலை­ஞ­ராக இருந்­தது சிர­ம­மாக இருந்­த­தால் சென்­னை­யி­லுள்ள நிறு­வ­னம் ஒன்­றில் நான் கணக்­காய்­வா­ள­ரா­கப் பணி­யாற்­றி­னேன்,” என்று இவர் கூறுகிறார்.

தக­வல் தொழில்­நுட்­பத் துறை­யில் தமது கண­வர் சிங்­கப்­பூ­ரில் வேலை பார்ப்­ப­தால் இங்கும் அங்குமாக தங்குவதாகத் தெரி ­வித்­தார்.

இவர் 2009ல் ஐரோப்­பா­வி­லும் இலங்கை போருக்­குப் பிறகு 2010ல் யாழ்ப்­பா­ணத்­தி­லும் 2011ல் அமெ­ரிக்கா மற்­றும் பிரிட்­ட­னி­லும் இசை நிகழ்ச்­சி­களில் பாடி­யுள்ளார். பிறகு, 2013ஆம் ஆண்­டில் கர்­நா­டக சங்­கீ­தத்­தைப் பற்­றிய புரி­தலை மக்­கள், குறிப்­பாக இளை­யர்­கள் மத்­தி­யில் அதி­கப்­ப­டுத்த சொந்­த­மாக மேடை நிகழ்ச்சி ஒன்­றை­யும் நடத்தினார்.

“எனது திறன்­க­ளின் மூலம் சிங்­கப்­பூ­ருக்கு ஏதே­னும் செய்­ய­வேண்­டும் என எனக்கு அறி­வுரை வழங்க­பட்­டி­ருந்­தது,” என்கிறார் இவர்.

தமது தாயா­ருக்­கும் இரண்டு பாட்­டி­க­ளுக்­கும் பாடத் தெரி­யும் என குறிப்­பிட்ட சுஷ்மா, தமது தாயா­ரின் அம்­மா­வி­டம் திருப்­பு­கழ் பாடல்­களை மேலும் ஆழ­மா­கக் கற்­க­வில்லை என்ற வருத்­தம் தம்­முள் தொடர்ந்து இருப்­ப­தா­கத் தெரி­வித்­தார்.

நல்ல கலை­ஞர்­கள் இயற்கை எய்­து­வ­தற்கு முன் அவர்­க­ளது திறன்­க­ளைப் பற்றி வருங்­கால சந்­த­தி­யி­ன­ருக்­குத் தெரி­யும் வகை­யில் ஆவ­ணப்­ப­டுத்­து­வது முக்­கி­யம் எனக் கூறு­கி­றார் சுஷ்மா. எனவே, 1940கள் முதல் சிங்­கப்­பூ­ரில் செயல்­பட்டு வந்த கர்­நா­டக இசைக்­க­லை­ஞர்­க­ளின் படைப்­பு­களை மின்­னி­லக்க வடி­வில் ஆவ­ணப்­ப­டுத்­தும் திட்­டத்தை இவர் 2017 முதல் 2018 வரை வழி­ந­டத்­தி­னார்.

“சமு­தா­யம் பயன்­பெ­றும் வகை­யில் நானும் என் சக கலை­ஞர்­களும் ஏதே­னும் விட்­டுச்­செல்­ல­வேண்­டும் என்ற விருப்­பத்­தால் இதில் ஈடு­பட்­டேன்,” என்று இவர் தெரி­விக்கிறார்.

“கலைத்­து­றை­யில் சிறந்து விளங்க நினைப்­ப­வர்­கள், நல்ல கலை­யார்­வம் கொண்­டுள்­ளோ­ரு­டன் நட்­பு­வட்­டத்தை வளர்த்­துக்­கொள்ள வேண்­டும். அத்­து­டன் கற்­பிக்­கும் குரு­வி­டம் வெளிப்­ப­டை­யாக பேசி அவர்­கள் கூறும் கருத்­து­க­ளுக்­குச் செவி­சாய்க்­க­வேண்­டும்,” என்று சுஷ்மா தெரி­வித்­தார்.

“வாழ்க்­கை­யில் என்ன நடந்­தா­லும், எதை நீங்­கள் தொடர்ந்து செய்ய விரும்­பு­கி­றீர்­களோ அதுவே உங்­க­ளது ஆர்­வம் என உணர்ந்து செயல்படுங்கள்,” என்­றார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!