கொவிட்-19 ஆதரவு மானியத் திட்டத்தின் மூலம் 95,000 பேர் பலனடைந்துள்ளனர்

கொவிட்-19 ஆத­ரவு மானி­யத் திட்­டத்­தின் மூலம் இது­வரை சுமார் 95,000 பேருக்கு நிதி­யு­தவி கிடைத்­துள்­ளது. இரண்­டா­வது முறை இத்­திட்­டத்­திற்­குத் தகு­தி­பெற்ற 22,000 பேரும் இதில் அடங்­கு­வர் என்று சமு­தாய, குடும்ப மேம்­பாட்டு அமைச்­சர் மச­கோஸ் ஸுல்­கி­ஃப்லி தமது ஃபேஸ்புக் பதிவு ஒன்­றில் நேற்று குறிப்­பிட்­டி­ருந்­தார்.

கொவிட்-19 கொள்­ளை­நோ­யால் வேலை­யி­ழந்­தோர், நிறு­வ­னத்­தின் உத்­த­ர­வில் சம்­ப­ள­மில்லா விடுப்­பில் இருந்­தோர் அல்­லது குறிப்­பிடத்­தக்க வரு­மான இழப்பு நேர்ந்­தோ­ருக்கு மானி­யத் திட்­டம் கைகொ­டுத்­துள்­ளது.

முழு­நேர அல்­லது பகு­தி­நேர வேலை­யில் உள்ள சிங்­கப்­பூ­ரர்­களும் நிரந்­த­ர­வா­சி­களும் பல­ன­டை­யக்­கூ­டிய இத்­திட்­டத்­தின்­படி, மாதம் தலா $800 வரை ஒரு­வருக்­குக் கிடைக்­கக்­கூ­டும். இத்­தொகை மூன்று மாதங்­க­ளுக்கு வழங்­கப்­படும். அத்­து­டன் மூன்று மாதங்­களுக்கு குறைந்­தது 30 விழுக்­காட்டு ஊதிய இழப்பு ஏற்­பட்­டிருந்­தால், மூன்று மாதங்­க­ளுக்கு $500 வழங்­கப்­படும்.

வழங்­கப்­பட்ட ஒட்­டு­மொத்த தொகை எவ்­வ­ளவு என்­பதை அமைச்­சர் குறிப்­பி­ட­வில்லை. இருப்­பி­னும், இந்த மானி­யத் திட்­டம் வழி 83,000 பேருக்கு மேல் கிட்­டத்­தட்ட $148 மில்­லி­யன் வழங்­கப்­பட்­டுள்­ள­தாக அக்­டோ­பர் மாதத்­தில் தெரி­விக்­கப்­பட்­டது.

கொவிட்-19 ஆத­ரவு மானி­யத் திட்­டத்­திற்­குத் தகு­தி­பெ­றக்­கூ­டி­ய­வர்­கள், உதவி தேவைப்­படும் நிலை­யில் இருந்­தால் டிசம்­பர் 31ஆம் தேதி மாலை ஆறு மணிக்­குள் விண்­ணப்­பிக்­க­லாம் என்­றும் திரு மச­கோஸ் தம் பதி­வில் குறிப்­பிட்­டார். ‘சிங்­பாஸ்’ மற்­றும் தேவை­யான ஆவ­ணங்­க­ளு­டன் go.gov.sg/CSG என்ற இணை­யத்­த­ளத்­தில் விண்­ணப்­பிக்­க­லாம்.

கிருமி முறி­ய­டிப்பு நட­வ­டிக்­கை­களுக்­குப் பின் பாது­காப்­பான மறு­தொ­டக்­கத்­தின் மூன்­றாம் கட்­டத்­துக்­குள் சிங்­கப்­பூர் அடி­யெ­டுத்து வைத்­துள்­ளது. இந்­நி­லை­யில் கொள்­ளை­நோ­யால் ஏற்­பட்ட பொரு­ளி­யல் தாக்­கத்­தால் பாதிக்­கப்­பட்ட சிங்­கப்­பூ­ரர்­க­ளின் நிலை­யைச் சுட்­டி­னார் திரு மச­கோஸ்.

சுய­தொ­ழில் புரி­வோ­ருக்­கான வரு­மான நிவா­ர­ணத் திட்­டம், கொவிட்-19 ஆத­ரவு மானி­யத் திட்­டம் போன்ற நிதி­யு­த­வித் திட்­டங்­கள் இவ்­வாண்டு இறு­தி­யில் ஒரு முடி­வுக்கு வர­வுள்­ள­தால், புதி­தா­கத் தொடங்­கப்­பட்ட கொவிட்-19 மீட்சி மானி­யம் சற்று ஆறு­தல் அளிக்­கும் என்று அமைச்­சர் கூறி­னார்.

வேலை அல்­லது வரு­மான இழப்­புக்கு ஆளா­கி­யுள்ள குறைந்த வரு­மான, நடுத்­தர வரு­மான சிங்­கப்­பூ­ரர்­கள் மற்­றும் நிரந்­த­ர­வா­சி­களுக்கு இப்­பு­திய திட்­டம் உத­வும்.

கொவிட்-19 மீட்சி மானி­யத்­திற்­குத் தகு­தி­பெ­று­வோர், மூன்று மாதங்­க­ளுக்­குத் தலா $700 பெறு­வர். ஆட்­கு­றைப்பு, வேலை ஒப்­பந்­தம் நிறுத்­தப்­ப­டு­தல், கட்­டாய சம்­ப­ள­மில்லா விடுப்­பில் இருத்­தல் போன்ற சூழல்­களில் குறைந்­தது மூன்று மாதங்­கள் தொடர்ச்­சி­யாக இருப்­போ­ருக்­கு­ரி­யது இப்­பு­திய திட்­டம். புதிய திட்­டத்­திற்­கான விண்­ணப்­பங்­கள் ஜன­வரி 18ஆம் தேதி­மு­தல் சமர்ப்­பிக்­கப்­ப­ட­லாம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!