சீனாவுக்காக அமெரிக்காவில் வேவு பார்த்தவர் சிங்கப்பூர் வந்ததும் கைது

சீனா­வுக்­காக அமெ­ரிக்­கா­வில் வேவு பார்த்த சிங்­கப்­பூ­ரர், நேற்று இங்கு வந்­த­தும் உள்­நாட்­டுப் பாது­காப்­புத் துறை­யால் (ஐஎஸ்டி) கைது செய்­யப்­பட்­டார். வேவு பார்த்­த­தன் தொடர்­பில் 39 வயது டிக்­சன் இயோ ஜுன் வெய் என்­ப­வ­ருக்கு 14 மாதச் சிறைத் தண்­டனை விதிக்­கப்­பட்­டது.

விசா­ரணை அதி­கா­ரி­க­ளி­டம் இயோ, “அமெ­ரிக்­கா­வைத் தவிர வேறு நாடுக­ளி­லும் உளவு பார்க்­கும் பணி­கள் தரப்­பட்­டன,” என்று கூறி­யி­ருந்­த­தாக ஐஎஸ்டி நேற்று வெளி­யிட்ட அறிக்­கை­யில் குறிப்­பிட்­டது.

எனவே, ‘சிங்­கப்­பூ­ரின் பாது­காப்­புக்­குக் கேடு விளை­விக்­கும் நட­வ­டிக்­கை­களில்’ ஈடு­பட்­டுள்­ளாரா என்­ப­தைக் கண்­ட­றிய இயோவை ஐஎஸ்டி விசா­ரிக்­க­வுள்­ளது.

“நேர்­மை­யற்ற முறை­யிலோ அந்­நி­யர்­க­ளாலோ நம் பாது­காப்பு மற்­றும் தேசிய அம்­சங்­க­ளுக்­குத் தீங்கு விளை­விக்­கக்­கூ­டிய நட­வ­டிக்­கை­களில் குடி­மக்­கள் ஈடு­ப­டு­வதை சிங்­கப்­பூர் ஒரு­போ­தும் அனு­ம­திக்­காது,” என்­றது துறை.

அந்­நிய நாட்டு அர­சாங்­கத்­து­டன் ரக­சி­யத் தொடர்பை ஏற்­ப­டுத்தி வேவு பார்ப்­பது அல்­லது அந்­நி­யர் உத்­த­ர­வில் சீர்­கு­லைக்­கும் நட­வ­டிக்­கை­களில் ஈடு­படும் சிங்­கப்­பூரர்­கள் மீது அர­சாங்­கம் கடு­மை­யான நட­வ­டிக்கை எடுக்­கும் என்­றும் கூறப்­பட்­டது.

இதற்­கி­டையே விசா­ர­ணை­ தொடர்ந்து நடை­பெ­று­வ­தால் மேல்­வி­வ­ரங்­கள் கூறப்­ப­ட­வில்லை.

சீன உள­வுத்­துறை அதி­கா­ரி­களின் உத்­த­ர­வின்பேரில் அமெரிக்­கர்­களி­ட­மி­ருந்து ரக­சி­யத் தக­வல்­களைப் பெற்­றுக்­கொண்­ட­தாக இயோ இவ்­வாண்டு ஜூலை மாதம் ஒப்­புக்­கொண்­டார்.

வழக்கு விசா­ர­ணை­யின் இறு­திக்­கட்­டம்­வரை, சீனா­வுக்­குத் தன் ஆத­ர­வைத் தெரி­வித்து வந்த இயோ, சிங்­கப்­பூ­ருக்­குத் துரோ­கம் இழைக்­க­வில்லை என்­றும் கூறி­யிருந்­தார்.

சீன உள­வுத்­து­றை­யால் 2015ஆம் ஆண்­டில் சேர்க்­கப்­பட்ட இயோ, நான்கு ஆண்­டு­க­ளாக அமெ­ரிக்­கா­வில் வேவு பார்த்­தார்.

தனக்­குத் தரப்­பட்ட பணி­யின்­படி பொது­மக்­க­ளுக்­குக் கிட்­டாத முக்­கி­ய­மான தக­வல்­களை அறிந்­தி­ருக்­கக்­கூ­டிய அமெ­ரிக்க ராணுவ வீரர்­கள், அர­சாங்க ஊழி­யர்­கள் போன்ற அமெ­ரிக்­கர்­களை அடை­யா­ளங்­கண்டு மதிப்­பி­டு­வதே ஆகும். அறிக்­கை­கள் எழு­து­வத­ற்காக அமெ­ரிக்­கர்­க­ளுக்­குத் தான் பணம் கொடுத்­த­தா­க­வும் அந்த அறிக்­கை­க­ளைப் பின்­னர் எழு­தி­ய­வர்­க­ளுக்­குத் தெரி­யா­மல் சீன அர­சாங்­கத்­திற்கு அனுப்­பி­ய­தா­க­வும் இயோ ஒப்­புக்­கொண்­டி­ருந்­தார்.

இதற்­கா­கவே அர­சி­யல் ஆலோ­ச­னைப் பிர­தி­நிதி என்ற போலி அடை­யா­ளத்தை இயோ பயன்­ப­டுத்­திக்­கொண்­டார். யாரைக் குறி­வைப்­பது என்­பதை அறிய சமூ­கத் தொடர்­புத் தளங்­களை அலசி ஆராய்ந்­தார்.

இறு­தி­யில் 2019ஆம் ஆண்டு நவம்­பர் மாதம் அமெ­ரிக்­கா­வில் இயோ பிடி­பட்­டார். இயோ கைதான செய்தி வெளி­வந்­ததை அடுத்து, வேவு பார்ப்­ப­தற்­காக அவ­ரைச் சேர்க்­க­வில்லை என்று சீனா கூறி மறுத்­தது. அத்­து­டன் ‘அதீ­த­ சந்­தே­கப்­படும் நிலையை’ அடைந்­து­விட்­ட­தாக அமெ­ரிக்­காவை சீனா குற்­றம் சாட்­டி­யது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!