பூங்காவில் வெள்ளம் வராமல் மழை நீர் வடிய சிறப்பு வசதி

பீஷான்-அங் மோ கியோ பூங்­கா­வில் நீர்­மட்­டம் உயர்ந்­த­தைக் காட்­டும் படங்­களை நேற்று இணை­யத்­தில் பார்த்த சிலர், அங்கு வெள்­ளம் ஏற்­பட்­டு­விட்­டது என்று நினைத்­து­விட்­டார்­கள்.

ஆனால் அந்­தப் பூங்கா அதன் பணி­யைச் செவ்­வனே செய்­து­வந்­தது என்பதுதான் உண்மை. மழை நீரை வடி­ய­வி­டும் ஒரு கால்­வா­யாக அந்­தப் பூங்கா செயல்­ப­டு­கிறது.

தொடர்ந்து மழை பெய்து வரு­வ­தால் நேற்று நீர்­மட்­டம் உயர்ந்­தது. இருந்­தா­லும் அந்­தப் பூங்­கா­வின் நீர்­வழி வழக்­க­மா­கச் செயல்­பட்­டது.

காலாங் ஆற்­றின் ஒரு பகுதி அந்­தப் பூங்கா வழி­யா­கச் செல்­கிறது. அந்­தப் பகுதி 3 மீட்­டர் அள­வுக்கு நீர்­மட்­டம் ஏறி இறங்­கி­னா­லும் அதைச் சமா­ளிக்­கும் வகை­யில் வடி­வ­மைக்­கப்­பட்டுள்ளது.

இத­னி­டையே, அந்­தப் பூங்­கா­வில் பல பாது­காப்பு அறி­விப்­பு­களைக் காண­லாம் என்­றும் அதன்­மூ­லம் பொது­மக்­கள் நீர்­மட்­டம் உயர்­வ­தைப் பற்றி தெரிந்­து­கொள்­ள­லாம் என்­றும் தேசிய பூங்­காக் கழகம் தனது இணை­யத்­த­ளத்­தில் குறிப்­பிட்­டது.

அங்கு ஆற்­றுக் கண்­கா­ணிப்­புச் சாதன முறை அமைக்­கப்­பட்டு இருக்­கிறது. கடும் மழை பெய்து நீர்­மட்­டம் உயர்ந்­தால் அது பற்றி முன்­ன­தா­கவே எச்­ச­ரிக்கை செய்­யும் உணர்­வுச் சாத­னங்­கள் அதில் உள்­ளன. அந்த ஆற்றுப் பகுதி நெடு­கி­லும் எச்­ச­ரிக்கை அறி­விப்பு­கள், சிவப்பு எச்­ச­ரிக்கை அடை­யா­ளங்­கள், உயிர்­காப்­புச் சாத­னங்­கள், பிரத்­தி­யேக படச் சாத­னங்­கள் எல்­லாம் அமைக்­கப்­பட்டு இருப்­பதாக அந்த இணை­யத்­த­ளம் தெரி­வித்­தது.

'துடிப்­பு­மிக்க, அழ­கு­மிக்க, தூய்­மை­மிக்க நீர்­நி­லைச் செயல்­திட்­டம்' என்ற ஒரு திட்­டத்­தின் கீழ் பொதுப் பய­னீட்­டுக் கழ­க­மும் தேசிய பூங்காக் கழ­க­மும் சேர்ந்து அந்த ஆற்­று வடிகால் பகு­தியை 2009 முதல் 2012 வரை கூட்­டுத் திட்­ட­மாக உரு­மாற்­றின.

நக­ரின் பல வடி­கால் கட்­ட­மைப்­பு­டன் அந்த ஆற்று வடி­கால் தொடர்­பு­டை­யது என்று பொதுப் பய­னீட்­டுக் கழக இணை­யத்­த­ளம் குறிப்­பி­டு­கிறது.

அந்­தப் பூங்கா வழி­யா­கச் செல்­லும் ஆற்­றுப் பகுதி 'நீர் உள் வாங்­கும் தரைப்­ப­குதி' என்ற கோட்­பாடு அடிப்­ப­டை­யில் அமைக்­கப்­பட்டு உள்­ளது.

இதன்படி ஓர் ஓடைக்கு அல்­லது ஆற்­றுக்கு அருகே ஒரு நிலப்­பகுதி அமைக்­கப்­படும். ஆற்­றில் அதி­க­மாக வெள்­ளப்­பெ­ருக்கு ஏற்­படும்போது அந்த நீரை, அந்த நிலப்­ப­குதி உள் வாங்­கிக்­கொண்டு பிறகு வடி­ய­விட்டு­வி­டும்.

மழை இல்­லாத வெயில் காலத்­தின்­போது அப்பூங்காவில் நடுவே இருக்­கும் ஓடை போன்ற சிறு பகுதி­ யில்­தான் தண்­ணீர் ஓடும்.

கடும் மழை பெய்­யும்­போது பக்­கத்­தில் இருக்­கும் தரைப்­ப­குதி நீரை உள் வாங்­கிக்­கொண்டு பிறகு கொஞ்­சம் கொஞ்­ச­மாக வடிய செய்து­வி­டும்.