விரைவில் அதிக தடுப்பூசிகள் வந்துசேரும் என எதிர்பார்ப்பு

‘குறிப்பிட்ட நிறுவனத்தின் கொவிட்-19 தடுப்பூசிதான் வேண்டும் எனத் தேர்வுசெய்ய முடியாது’

அமெ­ரிக்­கா­வின் மொடர்னா, சீனா­வின் சினொ­வெக் உட்­பட அடுத்த சில மாதங்­களில் அதி­க­ள­வில் கொவிட்-19 தடுப்­பூ­சி­கள் சிங்­கப்­பூரை வந்­த­டை­யும் என எதிர்­பார்க்­கப்­ப­டு­வ­தா­கச் சுகா­தார அமைச்­சர் கான் கிம் யோங் நாடா­ளு­மன்­றத்­தில் இன்று தெரி­வித்­தார். திட்­ட­மிட்­ட­படி எல்­லாம் நடந்­தால் இவ்­வாண்­டின் மூன்­றாம் காலாண்­டிற்­குள் சிங்­கப்­பூ­ரர்­க­ளுக்­கும் நீண்­ட­கா­லக் குடி­யி­ருப்­பா­ளர்­க­ளுக்­கும் போது­மான அள­வில் கொரோனா தடுப்­பூ­சி­கள் இருக்­கும் என்று அமைச்­சர் கான் கூறி­னார்.

“கொரோனா தொற்று விகி­தம் அதி­க­மாக உள்ள நாடு­களில் தடுப்­பூ­சிக்­கான தேவை அதி­க­மாக இருக்­கும் நிலை­யில், சிங்­கப்­பூ­ருக்­குத் தடுப்­பூ­சி­கள் தொகுதி தொகு­தி­யாக வந்து சேரும்,” என்று திரு கான் சொன்­னார்.

தடுப்­பூசி தயா­ரிப்­பை­யும் விநி­யோ­கிப்­பை­யும் அதி­க­ரிக்க மருந்து தயா­ரிப்பு நிறு­வ­னங்­க­ளுக்­கும் கால அவ­கா­சம் தேவைப்­ப­டு­கிறது என்று அவர் குறிப்­பிட்­டார். முத­லா­வ­தாக ஃபைசர்-பயோ­என்­டெக் நிறு­வ­னங்­க­ளின் கூட்­டு முயற்சியில் உரு­வான தடுப்­பூ­சி­யைப் பயன்­ப­டுத்த அனு­மதி அளிக்­கப்­பட்ட நிலை­யில், அதன் முதல் தொகுதி கடந்த மாதம் இங்கு வந்து சேர்ந்­தது.

கடந்த புதன்­கி­ழமை தேசிய தொற்­று­நோய்த் தடுப்பு நிலைய ஊழி­யர்­கள் 40 பேருக்கு அந்தத் தடுப்­பூசி போடப்­பட்­டது. 21 நாள்­களுக்­குப் பிறகு அவர்­க­ளுக்கு அந்தத் தடுப்பூசி இரண்­டாம் முறையாகப் போடப்­படும்.

“கிருமித்தொற்றுக்கு எதி­ரான அதி­க­பட்ச பாது­காப்­புத் திறனை எட்ட, இரண்டாவது தடுப்பூசி போடப்பட்ட பிறகு 14 நாள்­கள் தேவைப்­படும்,” என்று திரு கான் சொன்­னார்.

தடுப்­பூசி போட்­டுக்­கொள்­வது தன்­வி­ருப்­பத்­திற்­கு­ரி­யது என்­றா­லும் தங்­க­ளுக்­குக் கிடைக்­கும்­போது அதைப் போட்­டுக்­கொள்­ளு­மா­றும் பொது­மக்­களை அவர் வலி­யு­றுத்­தி­னார்.

தடுப்­பூசி அட்டை

கொரோனா தடுப்­பூசி போட்­டுக்­கொள்ள விரும்­பு­வோ­ருக்­குத் தடுப்­பூசி அட்டை வழங்­கப்­படும் என்று திரு கான் கூறி­யுள்­ளார். தடுப்­பூசி கிடைக்­கும்­போது அதைப் போட்­டுக்­கொள்ள கிட்­டத்­தட்ட 60 விழுக்­காட்­டி­னர் தயா­ராக இருப்­பது கருத்­தாய்­வு­கள் மூல­மா­க­வும் அர­சாங்­கத்­தின் இதர சென்­ற­டை­தல் முறை­கள் மூல­மா­க­வும் தெரி­ய­வந்­துள்­ளது என்று அமைச்­சர் கான் குறிப்­பிட்­டார்.

கூடு­தல் தர­வு­கள் வந்த பிறகு தடுப்­பூசி போட்­டுக்­கொள்­வது குறித்து முடிவு செய்­வோம் என்று மூன்­றில் ஒரு பங்­கி­னர் தெரி­வித்­துள்­ள­னர்.

இந்­நி­லை­யில், எந்­தத் தடுப்­பூ­சி­யைப் போட்­டுக்­கொள்­வது என மக்­களே தேர்­வு­செய்­து­கொள்ள முடி­யாது என்­றார் அமைச்­சர்.

எந்­தத் தடுப்­பூசி போடப்­படும், தடுப்­பூ­சி­யின் இரண்­டாம் பகுதி எப்­போது போடப்­படும், தடுப்­பூசி போட்­ட­பி­றகு செய்ய வேண்­டி­யவை குறித்த ஆலோ­ச­னை­கள் ஆகி­யவை தடுப்­பூசி அட்­டை­யில் இடம்­பெற்­றி­ருக்­கும் என அவர் குறிப்­பிட்­டார்.

ஒரு­வர் தடுப்­பூசி போட்­டுக்­கொண்­டது தொடர்­பான விவ­ரங்­கள் தேசிய நோய்த்­த­டுப்­புப் பதி­வேட்­டில் சேர்க்­கப்­படும் என்­றும் அவர் சொன்­னார்.

முன்­ப­திவு அவ­சி­யம்

கொவிட்-19 தடுப்­பூசி போட்­டுக்­கொள்ள தடுப்­பூசி மையங்­க­ளுக்­குச் செல்­லு­முன் அதற்கு முன்­பதிவு செய்­து­கொள்ள வேண்­டும் என்று அமைச்­சர் கான் தெரி­வித்து உள்­ளார். “இதன்­மூ­லம் நடை­மு­றைச் செயல்­தி­றன் உறு­தி­செய்­யப்­ப­ட்டு, காத்­தி­ருப்பு நேர­மும் குறை­யும்,” என்று திரு கான் கூறி­னார்.

சுகா­தா­ரப் பரா­ம­ரிப்பு ஊழி­யர்­கள் உள்ளிட்ட முன்­க­ளப் பணி­யா­ளர்­க­ளுக்­குத் தடுப்­பூ­சி­யில் முன்­னு­ரிமை அளிக்­கப்­பட்டு வரு­கிறது. இவ்­வே­ளை­யில், தங்­க­ளது முறை வரும்­போது பொது­மக்­கள் தடுப்­பூசி போட்­டுக்­கொள்ள ஏது­வாக மருந்­த­கங்­க­ளை­யும் தடுப்­பூசி மையங்­க­ளை­யும் அர­சாங்­கம் தயார் செய்து வரு­வ­தாக அமைச்­சர் குறிப்­பிட்­டார்.இத­னி­டையே, புதிய, அதி­கம் பர­வும் திறன்கொண்ட, உரு­மா­றிய கொரோனா கிரு­மிக்கு எதி­ரான தடுப்­பூ­சி­கள் செயல்­தி­றன் குன்­றி­ய­வை­யாக இருக்­கும் என்­ப­தற்கு இப்­போ­தைக்கு எந்த ஆதா­ர­மும் இல்லை என்று திரு கான் கூறி­இருக்­கி­றார்.

உரு­மா­றிய கிரு­மிக்கு எதி­ரா­க­வும் தங்­க­ளது தடுப்­பூசிகள் பாது­காக்­க­லாம் என்று ஃபைசர் - பயோ­என்­டெக், மொடர்னா நிறு­வனங்­கள் தெரி­வித்­தி­ருப்­ப­தை­யும் அதை உறு­திப்படுத்துவதற்கான ஆய்வு­களில் அவை ஈடு­பட்­டி­ருப்­பதை­யும் அவர் சுட்­டிக்­காட்­டி­னார். அதே நேரத்­தில், கொரோனா தடுப்­பூசி போட்­டுக்­கொண்ட பிறகு கடு­மை­யான பக்க விளை­வு­கள் ஏற்­ப­டு­வோ­ருக்கு ஆத­ரவு வழங்­கும் நோக்­கில் புதிய திட்­டம் அறி­மு­கப்­ப­டுத்­தப்­படும் என்­றும் அவர் தெரி­வித்­து இருக்கிறார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!