பாட்டாளிக் கட்சியின் பொறுப்புகளில் இளைய உறுப்பினர்கள்

பாட்­டா­ளிக் கட்­சி­யில் இளைய உறுப்­பி­னர்­கள் புதிய பொறுப்­பு­களை ஏற்­றுக்­கொண்­டுள்­ள­னர். செவ்­வாய்க்­கி­ழமை நடை­பெற்ற கட்­சி­யின் கொள்கை வகுக்­கும் குழு­வின் கூட்­டத்­தில் அவர்­க­ளுக்­குப் பத­வி­கள் வழங்­கப்­பட்­டன.

செங்­காங் குழுத்­தொ­குதி நாடா­ளு­மன்ற உறுப்­பி­ன­ரான 37 வயது திரு­மதி ஹி டிங் ரு, சென்ற தேர்­த­லில் ஈஸ்ட் கோஸ்ட் தொகு­தி­யில் போட்­டி­யிட்ட 43 வயது திரு கென்னத் ஃபூ ஆகிய இரு­வ­ரும் கட்­சி­யின் மத்­திய செயற்­கு­ழு­வின் துணை அமைப்­புச் செய­லா­ளர்­களாக நிய­மனம் பெற்ற­னர். இந்­தப் பத­வியை வகித்த திரு­மதி ஹியின் கண­வ­ரான திரு டெரன்ஸ் டான் தற்போது மத்­திய செயற்குழு­ உறுப்­பி­ன­ராக இல்லை.

செங்­காங் குழுத்­தொ­கு­தி­யின் மற்­று­மொரு நாடா­ளு­மன்ற உறுப்­பி­ன­ரான 27 வயது திருமதி ரயீஷா கான், துணைப் பொரு­ளா­ளர் பத­வி­யி­லி­ருந்து வில­கிய குமாரி லீ லி லியன் பொறுப்பை ஏற்­றுள்­ளார். அல்­ஜு­னிட் குழுத்­தொ­குதி நாடா­ளு­மன்ற உறுப்­பி­னர் திரு லியோன் பெரேரா, கட்­சி­யின் ஊட­கக் குழு­வின் தலை­வ­ரா­கி­யுள்­ளார். அவர் முன்பு அக்­கு­ழு­வின் துணைத் தலை­வ­ரா­க­வும் கட்­சி­யின் இளை­யர் பிரி­வின் தலை­வ­ரா­க­வும் இருந்­தார்.

முன்­னாள் தொகு­தி­யில்லா நாடா­ளு­மன்ற உறுப்­பி­னர் இணைப் பேரா­சி­ரி­யர் திரு டேனி­யல் கோ, ஊட­கக் குழு­வின் தலை­வ­ராக இருந்­தார். செங்­காங் குழுத்­தொ­கு­தி­யின் நாடா­ளு­மன்ற உறுப்­பி­னர் திரு லுயிஸ் சுவா, 33, ஊட­கப் பிரி­வின் துணைத் தலை­வ­ரா­க­வும் ஈஸ்ட் கோஸ்ட் குழுத்­தொ­கு­தி­யின் வேட்­பா­ளர் திரு­மதி நிக்­கோல் சியா 34, அக்­கட்­சி­யின் இளை­யர் பிரி­வின் தலை­வ­ராகவும் பத­வி­யேற்­றுள்­ளனர்.

பாட்­டா­ளிக் கட்சி, இரண்டு புதிய பத­வி­களை உரு­வாக்­கி­யுள்­ளது. கொள்கை ஆய்­வுக் குழு­வின் தலை­வ­ராக அல்­ஜு­னிட் குழுத்­தொ­குதி நாடா­ளு­மன்ற உறுப்­பி­னர் திரு ஜெரால்டு கியாம், 44, அக்­கு­ழு­வின் துணைத் தலை­வ­ராக செங்­காங் குழுத்­தொ­குதி நாடா­ளு­மன்ற உறுப்­பி­னர் திரு ஜேமஸ் லிம், 44, ஆகி­யோர் பொறுப்­பேற்­றுள்­ள­னர்.

திரு கியாம் கட்­சி­யின் பொரு­ளா­ள­ராக நீடிக்­கி­றார். கட்­சி­யின் மத்­திய செயற்­கு­ழு­வின் மற்ற பத­வி­களில் மாற்­றங்­கள் இல்லை. அல்­ஜு­னிட் குழுத்­தொ­கு­தி­யின் நாடா­ளு­மன்ற உறுப்­பி­னர் திரு ஃபைசல் மனாப், 45, துணைத் தலை­வ­ரா­க­வும் ஹவ்­காங் தொகுதி நாடா­ளு­மன்ற உறுப்­பி­னர் திரு டென்­னிஸ் டான் அமைப்­புச் செய­லா­ள­ரா­க­வும் மீண்­டும் பதவி நிய­ம­னம் பெற்­ற­னர்.

மத்­திய செயற்­குழு உறுப்­பி­னர்­க­ளாக முன்­னாள் கட்­சித் தலை­வர் திரு லோ தியா கியாங், 64, முன்­னாள் ஹவ்­காங் நாடா­ளு­மன்ற உறுப்­பி­னர் திரு பிங் எங் ஹுவாட் இரு­வ­ரும் தொடர்­கின்­ற­னர். கடந்த டிசம்­பர் மாதம் 27ஆம் தேதி­யன்று நடந்த உட்­கட்­சித் தேர்­த­லில் பாட்­டா­ளிக் கட்­சி­யின் பொதுச்­செ­ய­லா­ள­ராக 44 வயது திரு பிரித்­தாம் சிங்­கும் தலை­வ­ராக 55 வயது திரு­மதி சில்­வியா லிம்­மும் போட்­டி­யின்­றித் தேர்­வு­செய்­யப்­பட்­ட­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!