அறிவியல், தொழில்நுட்பம், ஒத்துழைப்பு மிக முக்கியம்; சவால்களைச் சமாளிக்க துணைப் பிரதமர் யோசனை

அறி­வி­யல், தொழில்­நுட்­ப­மும் உலக ஒத்­து­ழைப்­பும் கொவிட்-19 கிரு­மித்­தொற்றைத் துடைத்­தொ­ழிப்­ப­தில் மிக முக்­கி­ய­மா­னவை என்­பதை அந்­தக் கிருமி வெளிச்­சம் போட்டு காட்டி இருக்­கிறது என்று துணைப் பிர­த­மர் ஹெங் சுவீ கியட் தெரி­வித்து இருக்­கி­றார்.

அந்த அம்­சங்­களும் வலு­வான சமூ­கச் செயல்­பா­டு­களும் சமூ­கங்­கள் அதிக மீள்­தி­ற­னு­டன் திகழ உத­வும் என்­றும் எதிர்­கா­லத்­தில் ஏற்­ப­டக்­கூ­டிய கிரு­மித்­தொற்­றை­யும் இதர சவால்­க­ளை­யும் திறம்­பட சமா­ளிக்க வழி வகுக்­கும் என்­றும் திரு ஹெங் தெரி­வித்­தார்.

“கொவிட்-19 தொற்­றை­யும் எதிர்­கா­லத்­தில் தலை­யெ­டுக்­கக்­கூ­டிய அடுத்த தொற்­றை­யும் சமா­ளித்து அதி­லி­ருந்து மீண்டு வரு­வ­தற்­கான அனு­கூ­லத்தை அறி­வி­ய­லும் தொழில்­நுட்­ப­மும் எல்லா நாடு­களுக்­கும் வழங்­கும்.

“பொரு­ளி­யல் இறங்­கு­மு­க­மாக இருந்­தா­லும் ஆய்வு உரு­வாக்­கத்­தில் தொடர்ந்து முத­லீடு செய்ய வேண்­டும் என்­பதே இதி­லி­ருந்து நாம் கற்­றுக்­கொள்­ளும் பாடம்,” என்று திரு ஹெங் தெமா­செக் அற­நி­று­வ­னம் ஏற்­பாட்­டில் நடந்த ஒரு நிகழ்ச்­சி­யில் குறிப்­பிட்­டார்.

“உயி­ரி­யல் மருத்­துவ அறி­வி­யல் துறை­யி­லும் தொற்­று­நோய் தடுப்­புத் துறை­யி­லும் சிங்­கப்­பூர் கொண்டுள்ள ஆற்­ற­லின் கார­ண­மாக கொவிட்-19ஐ சமா­ளிப்­ப­தில் நமக்கு ஆத­ரவு கிடைத்து இருக்­கிறது.

“அதோடு மட்­டு­மின்றி கொவிட்-19க்கு எதி­ரான உல­கப் போராட்­டத்­துக்குத் தோள் கொடுக்­க­வும் சிங்­கப்­பூ­ரால் முடிந்துள்ளது,” என்­பதை துணைப் பிர­த­மர் சுட்­டிக்­காட்­டி­னார்.

எதிர்­கா­லத்­திற்­கான திட்­டங்­களை உல­க சமூ­கம் வகுக்க வேண்­டிய தேவை இருக்­கிறது என்று தெரி­வித்த அவர், மனித இயந்­தி­ரங்­க­ளின் முக்­கி­யத்­து­வத்தை எடுத்துக் கூறினார்.

வெளியே அறி­குறி தெரி­யா­மல் கொவிட்-19 கிருமி பர­வியதன் மூலம் நாம் கற்­றுக்­கொண்ட பாடங்­களை வைத்து நோய்­க­ளைக் கண்­ட­றி­யக்­கூ­டிய பரி­சோ­த­னை­களை மிக விரை­வாக உரு­வாக்க முடி­யும்.

அதே­வே­ளை­யில், அடிப்­படை ஆய்­வு­களைத் தொடர்ந்து நிலை­நாட்டி வரு­வ­தும் நமது ஆய்வு அற­நி­று­வ­னங்­களை விரி­வு­ப­டுத்த வேண்­டி­ய­தும் அந்த அள­வுக்கு முக்­கி­யம் என்று பொரு­ளி­யல் கொள்­கைக்­கான ஒருங்­கி­ணைப்பு அமைச்­ச­ரு­மான திரு ஹெங் கூறி­னார். பல­த­ரப்பு கோவெக்ஸ் தடுப்பு மருந்து உரு­வாக்­கம் போன்ற உல­கப் பங்­கா­ளித்­துவ உறவு பல­மடை­வ­தும் மற்­றொரு ஊக்­க­மூட்­டும் நில­வ­ரம் என்றார் அவர்.

ஒரு பொது­வான நோக்­கத்­திற்­காக நாம் ஐக்­கி­ய­மா­கச் செயல்­படும்­போது இத்­த­கைய உலக ஒத்­து­ழைப்பு சாத்­தி­ய­மா­கும் என்று தெரிவித்த அவர், இத்­த­கைய பங்­கா­ளித்­துவ உறவை ஊக்­க­மூட்டி பேணி மேம்­ப­டுத்த வேண்­டிய தேவை இருப்­ப­தா­க­வும் கூறினார்.

“கொவிட்-19 கிருமி பல சமூ­கங்­க­ளின் ஒற்­று­மை­யைப் பரி­சோ­தித்துப் பார்த்து இருக்­கிறது. சில சமூ­கங்­களில் பிள­வு­களை ஆழப்­படுத்­தி­விட்­டது,” என்­றும் திரு ஹெங் கூறி­னார்.

சிங்­கப்­பூ­ரர்­கள் பாத­க­மான சூழ­லி­லும் ஐக்­கி­யத்­தை­யும் ஒற்­று­மை­யை­யும் பலப்­ப­டுத்தி இருக்­கி­றார்­கள் என்­பது தமக்கு மகிழ்ச்சி அளிப்­ப­தாக திரு ஹெங் குறிப்­பிட்­டார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!