அதிபர் ஹலிமா: பின்தங்கியவர்கள் புதிய திறன்களைக் கற்றுக்கொள்வதற்கு முதலாளிகள் உதவ வேண்டும்

பின்­தங்­கி­ய­வர்­க­ளுக்­கும் மாற்­றுத்­தி­ற­னா­ளி­க­ளுக்­கும் வேலை வாய்ப்­பு­களை உரு­வாக்­கித் தரும் 'ஸ்பிக் & ஸ்பேன்' தூப்­பு­ரவு நிறு­வ­னத்­துக்கு நேற்று வருகை மேற்­கொண்ட அதி­பர் ஹலிமா யாக்­கோப், இன்­னும் அதி­க­மான சமூக நிறு­வ­னங்­கள் தொழில்­நுட்­பத்­தின் உத­வி­யு­டன் தங்­கள் வர்த்­த­கத்தை மேற்­கொண்டு அதன் மூலம் நல்ல காரி­யங்­க­ளைச் செய்ய முன் வர­வேண்­டும் என்று கேட்­டுக்­கொண்­டார்.

இந்­த கொவிட்-19 காலத்­தில், தங்­கள் நேரத்­தைப் பயன்­ப­டுத்தி வேலை செயல்­மு­றை­யை­யும் வேலை களை­யும் மறு­வ­டி­வ­மைத்து, அவற்றை எதிர்­கா­லத்­தில் பயன்­படும் வேலை­க­ளாக உரு­மாற்றி, அவற்­றின் மூலம் பின்­தங்­கி­ய­வர்­கள் புதிய திறன்­களை வளர்த்­துக்­கொள்ள பங்­க­ளிக்­க­லாம் என்று திரு­வாட்டி ஹலிமா விவ­ரித்­தார்.

காலாங் பிளே­ஸில் உள்ள ஸ்பெக்கோ எக்ஸ்­பீ­ரி­யன்ஸ் நிலைய காட்­சி­ய­றைக்­குச் சென்ற அதி­ப­ருக்கு அந்த சமூக நிறு­வ­னத்­தின் புதிய பொருட்­கள் பற்றி விளக்­கம் அளிக்­கப்­பட்­டது. அதி­பர் அந்­நி­று­வ­னத்­தின் ஊழி­யர்­க­ளி­டம் பேசி அவர்­க­ளின் அனு­ப­வத்­தை­யும் தெரிந்­து­கொண்­டார்.

பின்­னர் அந்­நி­று­வ­னத்­துக்கு தாம் மேற்­கொண்ட வருகை பற்றி ஃபேஸ்புக்­கில் பகிர்ந்­து­கொண்ட திரு­வாட்டி ஹலிமா, "ஸ்பிக் & ஸ்பேன் நிறு­வ­னம், முன்­னாள் கைதி­கள், மன­நலம் மற்­றும் உடல் அள­வில் குறை உள்­ள­வர்­கள் போன்ற பின்­தங்­கி­ய­வர்­க­ளுக்கு வேலை வாய்ப்பு வழங்­கி­யி­ருப்­ப­தைக் கண்டு மன­நி­றை­வ­டைந்­தேன். இது அவர்­கள் ஒரு கண்­ணி­ய­மான வரு­மா­னத்தை ஈட்டி, அர்த்­த­முள்ள வாழ்க்கை வாழ்­வ­தற்கு வாய்ப்­ப­ளித்­தி­ருக்­கிறது," என்று குறிப்­பிட்­டி­ருந்­தார்.

ஸ்பிக் & ஸ்பேன் நிறு­வன ஊழி­யர்­களில் 80 விழுக்­காட்­டி­னர் பின்­தங்­கிய பிரி­வைச் சேர்ந்­த­வர்­கள். அந்­நி­று­வ­னம், 60க்கு மேற்­பட்ட சமூக சேவை அமைப்­பு­க­ளு­டன் பங்­கா­ளித்­து­வத்தை ஏற்­ப­டுத்தி, அதன் மூலம் தனது ஊழி­யர்­களில் 300க்கு மேற்­பட்­ட­வர்­க­ளுக்கு பயிற்சி, திறன் மேம்­பாடு, வேலை வாய்ப்­பு­களை வழங்­கி­யுள்­ளது.

அத்­து­டன் தாதிமை இல்­லங்­களில் உள்ள 64,000 முதி­ய­வர்­களின் பாது­காப்பை உறுதி செய்­யும் வகையில் அங்கும் சிறிய நடுத்தர நிறுவனங்களிலும் கிருமி நீக்கப் பணியை இலவசமாக செய்து வரு கிறது.