ஆளில்லா வானூர்தி: மேற்கத்தியர்களைவிட சிங்கப்பூரர்களே கூடுதல் ஆதரவு தருகின்றனர்

சிங்­கப்­பூ­ரில் பாது­காப்­புப் பணி­கள், உணவு விநி­யோ­கம், தேசிய தின அணி­வ­குப்பு போன்ற பெரிய அள­வி­லான நிகழ்ச்­சி­களில் ஆளில்லா வானூர்­தி­கள் பயன்­ப­டுத்­தப்­ப­டு­வதை இங்கு பெரும்­பா­லா­னோர் ஏற்­றுக்­கொள்­கின்­ற­னர்.

ஆளில்லா வானூர்­தி­க­ளின் பர­வ­லான பயன்­பாட்­டிற்கு இங்கு பத்­தில் அறு­வ­ருக்­கும் மேலா­னோர் தயா­ராக உள்­ள­னர்.

மேற்­கத்­திய நாடு­க­ளைச் சேர்ந்­த­வர்­க­ளு­டன் ஒப்­பு­நோக்க, கடந்த 2019ஆம் ஆண்­டில் நன்­யாங் தொழில்­நுட்­பப் பல்­க­லைக்­கழகம் 1,050 சிங்­கப்­பூ­ரர்­கள், நிரந்­த­ர­வாசி­களி­டம் நடத்­திய ஆய்­வில், சிங்­கப்­பூர்­வ­சி­கள் அதி­க­மா­னோர் வணிக ரீதி­யாக ஆளில்லா வானூர்­தி­கள் பயன்­ப­டுத்­தப்­ப­டு­வ­தற்கு ஆத­ர­வு அளித்­தது தெரி­ய­வந்­தது.

இது­கு­றித்து சுவிட்­சர்­லாந்­தில் நடத்­தப்­பட்ட ஆய்­வில், 23 விழுக்­காட்­டி­னர் வானூர்­தி­க­ளின் பயன்­பாட்­டிற்கு ஆத­ர­வ­ளித்­த­னர். மாறாக, சிங்­கப்­பூ­ரில் 73.6 விழுக்­காட்­டி­னர் அதற்கு ஆத­வ­ளித்­த­னர்.

பொது­வாக வானூர்­தி­களை அர­சாங்­கமோ நிறு­வ­னங்­களோ தனி­நபர்­களோ யார் பயன்­ப­டுத்­தி­னா­லும் சரி, அவற்­றின் பயன்­பாட்­டிற்­குத் தாங்­கள் ஆத­ர­வ­ளிப்­ப­தாக இங்கு 65 விழுக்­காட்­டிற்­கும் அதி­க­மானோர் தெரி­வித்­த­னர்.