வீவக வீடுகளில் வசிப்போரின் எண்ணிக்கை குறைந்துள்ளது

வீட­மைப்பு வளர்ச்­சிக் கழக வீடு­களில் வசிக்­கும் சிங்­கப்­பூர்­வா­சி­களின் எண்­ணிக்கை, 2003ஆம் ஆண்­டுக்­குப் பிறகு முதல்­மு­றை­யாக 3.04 மில்­லி­ய­னுக்­குக் குறைந்­துள்­ளது. வீவக வீடு­க­ளின் எண்­ணிக்கை தொடர்ந்து அதி­க­ரித்­துக்­கொண்டே போனா­லும் அவற்­றில் குடி­யி­ருப்­போ­ரின் எண்­ணிக்கை குறைந்து வரும் போக்கு இதன் மூலம் தெரிய வந்­துள்­ளது.

ஐந்­தாண்­டுக்கு ஒரு முறை நடத்­தப்­படும் வீவ­க­வின் ‘மாதிரி குடும்­ப­நிலை ஆய்வு’ மூலம் மொத்­தம் 3.04 மில்­லி­யன் சிங்­கப்­பூர்­வா­சி­கள், அதா­வது பத்­தில் எண்­மர் 2018ல் வீவக வீடு­களில் வசித்­த­தா­கத் தெரி­விக்­கப்­பட்­டது. 2013ல் இந்த எண்­ணிக்கை 3.06 மில்­லி­ய­னாக இருந்­தது.

ஒவ்­வொரு வீட்­டுக்­கும் உரிய உறுப்­பி­னர்­க­ளின் எண்­ணிக்கை சரா­ச­ரி­யாக 3.4லிருந்து 3.1ஆகக் குறைந்­துள்­ளதே அண்­மைய ஆய்வு முடி­வு­க­ளுக்­குக் கார­ண­மாக இருக்­க­லாம் என்று கூறப்­ப­டு­கிறது.

அத்­து­டன், வீவக வீடு­களில் வசிப்­போ­ரில் மேலும் பலர் தனி­யார் வீடு­க­ளுக்கு மாறு­வ­தும் ஒரு கார­ண­மாக இருக்­க­லாம் என்று கூறப்­ப­டு­கிறது.

சுமார் 7,800 வீடு­களை 2018ஆம் ஆண்­டில் ஆராய்ந்த வீவக அறிக்கை, பொது வீட­மைப்பு தொடர்­பான விவ­கா­ரங்­க­ளைக் கையாண்­டது. இவை குடி­யி­ருப்­பாளர்­க­ளின் சொந்த எதிர்­கால வீட­மைப்­புத் திட்­டங்­கள் முதல் குடும்ப உற­வு­கள், குடும்­பத்­தா­ரின் வீட­மைப்­புத் திட்­டங்­கள் ஆகி­ய­வற்றை அடிப்­ப­டை­யா­கக் கொண்டு அமைந்­தி­ருந்­தன.

தனி­யாக வசிப்­போ­ரின் எண்­ணிக்கை 2013ல் இருந்த 8.4 விழுக்­காட்­டி­லி­ருந்து 2018ல் 11.9 விழுக்­கா­டாக அதி­க­ரித்­தி­ருந்­தது. தகுதி­பெ­றும் ஒற்­றை­யர்­கள் ஈரறை பிடிஓ வீடு­களை 2013ஆம் ஆண்டு முதல் முதிர்ச்­சி­ய­டை­யாத வட்­டா­ரங்­களில் வாங்­க­லாம் என்று வீவக அனு­மதித்­தது இதற்­குக் கார­ண­மாக இருக்­கலாம்.

இவ்­வாறு ஒற்­றை­யர் வசிக்­கும் வீடு­களில் 47.5 விழுக்­காட்­டி­னர் 65 வயது அல்­லது அதற்கு மேற்­பட்­ட­வர்­கள். 45.5 விழுக்­காட்­டி­னர் ஒற்­றை­யர்­கள்.

அத்­து­டன் ஒரே வீட்­டில் வசிக்­கும் கூட்­டுக் குடும்­பங்­க­ளின் எண்­ணிக்­கை­யும் குறைந்­தி­ருப்­ப­தாக அறிக்கை தெரி­வித்­தது.

இருப்­பி­னும், தங்­க­ளின் பெற்­றோர் வீட்­டுக்கு அரு­கில் வசிக்­கும் இளம் தம்­ப­தி­யி­ன­ரின் எண்­ணிக்கை அதி­க­ரித்­துள்­ளது.

குடும்­பப் பிணைப்பு, பரா­ம­ரிப்பு, ஆத­ரவு போன்­ற­வற்றை அரு­கில் வசிப்­ப­தால் காண முடி­வ­தாக ஆய்­வுக் கண்­டு­பி­டிப்­பு­கள் கூறு­வதை வீவக பேச்­சா­ளர் சுட்­டி­னார்.

வீவக வீடு­களில் வசிப்­போ­ரில் முதி­ய­வர்­க­ளின் எண்­ணிக்­கை­யும் அதி­க­ரித்­துள்­ளது. ஆறில் ஒரு­வருக்கு 65 அல்­லது அதற்கு மேலான வயது. 2013ல் 13 பேரில் ஒரு­வர் மட்­டுமே இப்­பி­ரி­வில் இருந்­த­னர். ஆய்­வில் பங்­கேற்ற மூத்­தோ­ரில் 86 விழுக்­காட்­டி­னர், தாங்­கள் தற்­போது இருக்­கும் வீட்­டி­லேயே தொடர்ந்து இருக்க விரும்­பு­வ­தா­கத் தெரி­வித்­த­னர். 2013ஆம் ஆண்­டில் இது 80 விழுக்­கா­டாக இருந்­தது. பரிச்­ச­ய­மான இடம், வீட்­டு­டன் ஏற்­பட்­டுள்ள ஒரு பிணைப்பு ஆகி­யவை கார­ணங்­க­ளா­கக் கூறப்­பட்­டன.

தின­சரி நட­வ­டிக்­கை­களில் ஈடு­பட அவர்­க­ளுக்கு உதவி தேவைப்­பட்­டா­லும், சொந்த வீடு­களில் இருக்­கவே பெரும்­பா­லா­னோர் விருப்­பம் தெரி­வித்­த­னர்.

குடும்ப உறுப்­பி­னர்­கள், இல்­லப் பணிப்­பெண்­கள் ஆகி­யோர் தங்­களின் பரா­ம­ரிப்­புத் தேவை­களை ஆத­ரித்த வண்­ணம், இவ்­வாறு தொடர்ந்து தங்­க­ளின் சொந்த வீடு­களில் வசிக்க விரும்­பு­வ­தாக ஐந்­தில் மூவர் கூறி­னர்.

ஐந்­தறை வீடு­கள், எக்­சி­கி­யூட்­டிவ் வீடு­கள் ஆகி­ய­வற்­றில் வசிப்­போ­ரைக் காட்­டி­லும் சிறிய வீவக வீடு­களில் இருக்­கும் சிங்­கப்­பூர்­வாசி­க­ளுக்­குத் தங்­க­ளின் வீட­மைப்­புத் திட்­டத்­தைப் பொறுத்­த­வரை கூடு­தல் இலக்­கு­கள் உள்­ள­தாக ஆய்­வில் தெரிய வந்­துள்­ளது. பெரிய வீடு, தனி­யார் வீடு, வாடகை வீட்­டுக்­குப் பதி­லா­கச் சொந்த வீடு போன்ற குறிக்­கோள்­களை ஓரறை, ஈரறை போன்ற சிறிய வீவக வீட்டு­வா­சி­கள் கொண்­டுள்­ள­னர்.

இந்­நி­லை­யில், ஆய்­வில் பங்­கேற்ற குடி­யி­ருப்­பா­ளர்­களில் பெரும்­பா­லா­னோர் அடுத்த ஐந்து ஆண்டு­களில் வீடு மாறத் திட்­டம் இல்லை என்று தெரி­வித்­தி­ருந்­த­னர். மாற விரும்­பி­ய­வர்­களில் இளம்­பிள்­ளை­கள் உள்ள குடும்­பங்­களும் அடங்­கின.