தொலைத்தொடர்புச் சேவைகளை வழங்கும் எம்1 நிறுவனம் வாடிக்கையாளர்கள் தங்கள் விருப்பத்துக்கு ஏற்ப தேர்ந்து எடுத்துக்கொள்ளும் வகையில் அதிக நீக்குப்போக்குடன் கூடிய புதிய கைபேசிக் கட்டணத் திட்டங்களை நடப்புக்குக் கொண்டு வந்துள்ளது.
அத்தகைய புதிய 3 திட்டங்களில் தங்கள் விருப்பதிற்கேற்ப இணையப் பயன்பாட்டு அளவையும் உரையாடல் நேரத்தையும் வாடிக்கையாளர்கள் தேர்ந்தெடுத்துக்கொள்ளலாம். மாதம் $15.95 செலுத்தக் கூடிய திட்டமும் இருக்கிறது.
இந்தத் திட்டங்கள் முந்தைய திட்டங்களுக்கு மாற்றாக இடம்பெறுகின்றன. திட்டங்களின் ஒரு பகுதியாக தாங்கள் பெறுகின்ற கையடக்கச் சாதனங்களுக்குத் தாங்கள் முதலில் செலுத்த விரும்பும் தொகையையும் எவ்வளவு காலத்திற்கு மீதம் உள்ள கட்டணத்தைச் செலுத்த விரும்புகிறார்கள் என்பதையும் பயனீட்டாளர்கள் முடிவு செய்துகொள்ளலாம். நேற்று நடந்த செய்தியாளர் கூட்டத்தில் புதிய திட்டங்கள் பற்றி எம்1 அறிவித்தது.
புதிய கட்டணத் திட்டங்களைப் பார்க்கையில், அவை போட்டித்திறன் மிக்கவையாக இருக்கின்றன என்று ஸ்ட்ரெய்ட்ஸ் டைம்ஸ் தெரிவித்துள்ளது. ஒரு மாதம் $24.95 செலுத்தினால் 100 நிமிடங்கள் பேசிக்கொள்ளலாம். 30 ஜிபி இணையத்தைப் பயன்படுத்த திட்டம் உள்ளது.