பட்டியலின் கடைசி இடத்தில் தெம்பனிஸ் நகர மன்றம்

ஆக அண்­மை­யில் வெளி­வந்­துள்ள நகர மன்ற நிர்­வாக அறிக்­கை­யில், தெம்­ப­னிஸ் நகர மன்­றமே கடைசி இடத்­தைப் பிடித்­துள்­ளது. ஆளுமை, குடி­யி­ருப்­புப் பேட்­டை­யின் பரா­மரிப்பு ஆகிய அம்­சங்­களில் நகர மன்­றத்­தின் செயல்­பா­டு­கள் திருப்­தி­க­ர­மாக இல்லை என்று தெரி­விக்­கப்­பட்­டுள்­ளது. அத்­து­டன் 'ஏம்­பர்' நிறத் தரக்­கு­றி­யீடு அதற்கு வழங்­கப்­பட்­டுள்­ளது.

குடி­யி­ருப்­புப் பேட்டை பரா­ம­ரிப்பு தொடர்­பில் அல்­ஜு­னிட்-ஹவ்­காங் நகர மன்­றத்­திற்­கும் 'ஏம்­பர்' தரக்­கு­றி­யீடு கிடைத்­தது.

இம்­மு­டி­வு­கள் யாவும் 2020ஆம் ஆண்டு மார்ச் 31ஆம் தேதி­யன்று முடி­வ­டைந்த 2019 நிதி­யாண்­டுக்­கு­ரிய நகர மன்ற நிர்­வாக அறிக்­கை­யில் வெளி­யி­டப்­பட்­டன. குடி­யி­ருப்­புப் பேட்­டை­யின் தூய்மை, அதன் பரா­ம­ரிப்பு, மின்­தூக்­கிச் செயல்­பாடு, சேவை பரா­ம­ரிப்­புக் கட்­ட­ணத்­தில் நிலு­வைத் தொகை நிர்­வா­கம், நிறு­வன ஆளுமை ஆகிய ஐந்து அம்­சங்­க­ளின் அடிப்­படை­யில் நகர மன்­றங்­க­ளின் செயல்­பா­டு­கள் இந்த வரு­டாந்­திர அறிக்­கை­யில் மதிப்­பி­டப்­படும்.

நகர மன்­றங்­களும் அவற்­றின் கணக்­காய்­வா­ளர்­களும் சமர்ப்­பித்­தி­ருந்த அள­வி­டக்­கூ­டிய, நடு­நி­லை­யான தகு­தி­வி­தி­க­ளைக் கொண்டு பச்சை, 'அம்­பர்', சிவப்பு ஆகிய நிறங்­களில் தரக்­கு­றி­யீ­டு­கள் வழங்­கப்­படும்.

நிறு­வன ஆளுமை தொடர்­பில் 'ஏம்­பர்' தரக்­கு­றி­யீட்­டைப் பெற்ற ஒரே நகர மன்­றம், தெம்­ப­னிஸ் நகர மன்­றம்­தான். குடி­யி­ருப்­புப் பேட்­டை­யின் நிர்­வா­கத்­தி­லும் அது சிறப்­பா­கச் செயல்­ப­ட­வில்லை. பொது இடங்­களில் இடை­யூறு, எளி­தில் தீப்­பற்­றிக்­கொள்­ளும் தன்­மை­யு­டைய பொருள்­கள் பொது இடங்­களில் காணப்­ப­டு­தல் உட்­பட சில குறை­பா­டு­கள் காணப்­பட்­டன.

மாதாந்­திர சேவை, பரா­ம­ரிப்­புக் கட்­ட­ணத்­தில் 40 முதல் 50 விழுக்­காடு நிலு­வை­யில் இருந்­த­தால் சுவா சூ காங் நகர மன்­றத்­திற்கு இந்த அம்­சம் தொடர்­பில் 'ஏம்­பர்' தரக்­கு­றி­யீடு வழங்­கப்­பட்­டது.

தேசிய வளர்ச்சி அமைச்சு வெளி­யி­டும் இந்த அறிக்கை, இம்­முறை தாம­த­மாக வெளி­வந்­துள்­ளது. கொவிட்-19 கொள்­ளை­நோயால் தணிக்கை செய்­யப்­பட்ட தங்­க­ளின் நிதி அறிக்­கை­க­ளை­யும் நிறு­வன ஆளுமை சரி­பார்ப்பு பட்டியல்­க­ளை­யும் சமர்ப்­பிக்க நகர மன்­றங்­க­ளுக்­குக் கூடு­தல் கால அவ­கா­சம் தரப்­பட்­டது.

சென்ற ஏப்­ரல் மாதத்­திற்­கும் இவ்­வாண்டு மார்ச் மாதத்­திற்­கும் இடைப்­பட்ட காலத்­திற்கு நகர மன்­றங்­க­ளின் மதிப்­பீட்டை நிறுத்தி வைத்­துள்­ள­தா­கத் தெரி­வித்த தேசிய வளர்ச்சி அமைச்சு, 2020 நிதி­யாண்­டுக்கு நகர மன்ற நிர்­வாக அறிக்­கையை வெளி­யி­டாது என்­றது. கிருமி முறி­ய­டிப்­புக் கால­கட்­டம், பொதுத்­தேர்­தல் 2020 ஆகி­ய­வற்­றைக் கருத்­தில் கொண்டு இந்த மாற்­றம் செய்­யப்­பட்­டுள்­ள­தாகக் கூறப்­பட்­டது.

அடுத்த ஆண்டு முதல் தேசிய வளர்ச்சி அமைச்சு இரண்டு அறிக்­கை­களை வெளி­யி­டும். குடி­யி­ருப்­புப் பேட்­டை­யின் தூய்மை நிலை, பரா­ம­ரிப்பு, மின்­தூக்­கிச் செயல்­பாடு, சேவை மற்­றும் பரா­ம­ரிப்­புக் கட்­டண நிலுவை நிர்­வா­கம் ஆகிய செயல்­பாட்டு அம்­சங்­க­ளைப் பற்­றிய அறிக்கை ஒவ்­வோர் ஆண்டு மே அல்­லது ஜூன் மாதத்­தில் வெளி­யி­டப்­படும். நிறு­வன ஆளுமை தொடர்­பான அறிக்கை நவம்­பர் அல்­லது டிசம்­பர் மாதத்­தில் வெளி­யி­டப்­படும். புதிய நகர வட்­டா­ரங்­கள், 17 நகர மன்­றங்­கள் ஆகி­யவை தொடர்­பில் இந்த அறிக்­கை­கள் அமைந்­தி­டும்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!