செய்திக்கொத்து

'லூயிஸ் ஊட்டன்' நவநாகரிக உடை நேரடி மேடைக்காட்சி

பிரான்சின் புகழ்பெற்ற 'லூயிஸ் ஊட்டன்' நாகரிக உடை நிறுவனம் சிங்கப்பூரில் நவநாகரிக உடை மேடைக் காட்சியை நேரடியாக நடத்துகிறது. பாரிஸ், லண்டன், மிலான் ஆகிய நகர்களில் நடக்கவிருந்த நேரடி மேடைக் காட்சிகள் கொவிட்-19 காரணமாக முற்றிலும் மின்னிலக்க ரீதியில் அரங்கேறின.

ஆனால் சிங்கப்பூரில் இளவேனிற்கால/கோடை கால காட்சி 2021, கலை அறிவியல் அருங்காட்சியத்தில் நேரடியாக நடக்கவிருக்கிறது.

நண்பகல், பிற்பகல் 4 மணி, இரவு 7.30 மணி என மூன்று காட்சிகள் நடக்கும். ஒவ்வொன்றிலும் 112 விருந்தினர்கள் கலந்துகொள்வர்.

ஒரு மீட்டர் இடைவெளி, முகக்கவசம் எல்லாம் கட்டாயம். முகக்கவசம் இல்லாமல் 41 அழகிகள் மேடையில் வலம் வருவார்கள். அவர்களை 3 மீட்டருக்கு அப்பால் இருந்துதான் வருகையாளர்கள் காணலாம்.

மைக்ரோசாஃப்ட் ஊடுருவல்: சிங்கப்பூரில் பாதிப்பு ஆபத்து

உல­கில் பர­வ­லாக பயன்­ப­டுத்­தப்­படும் மைக்­ரோ­சா­ஃப்ட் மின்னஞ்­சல் மென்­பொ­ரு­ளில் பெரிய அள­வில் ஊடு­ரு­வல் இடம்­பெற்­றதன் விளை­வாக சிங்­கப்­பூ­ரில் நூற்­றுக்­க­ணக்­கான கணினிச் சேமிப்­புத் ­த­ளங்­கள் (சர்­வர்) பாதிக்­கப்­படும் ஆபத்து இருப்­ப­தாக தெரி­விக்­கப்­பட்­டுள்­ளது.

சட்­ட­வி­ரோ­த­மாக இடம்­பெற்­றுள்ள அந்த ஊடுருவல் கார­ண­மாக உல­கம் முழு­வ­தும் ஆயி­ரக்­க­ணக்­கான கணினித் தக­வல் சேமிப்­புத் தளங்­கள் ஆபத்தை எதிர்­நோக்குகின்­றன. அந்த ஊடு­ரு­வல் டிசம்­ப­ரில் தெரி­விக்­கப்­பட்ட 'சோலார் விண்ட்ஸ்' என்ற ஊடு­ரு­வ­லை­விட மோசம் என்­பது தக­வல்­கள் மூலம் தெரியவருகிறது.

சிங்­கப்­பூ­ரில் பல நிறு­வ­னங்­க­ளின் கட்­ட­டங்­களில் செயல்­படும் ஏறத்­தாழ 380 மைக்­ரோ­சா­ஃப்ட் எக்ஸ்­சேஞ்ச் சேமிப்­புத் தளங்­கள் அடை­யா­ளம் காணப்­பட்­டுள்­ள­தாக 'போலோ ஆல்டோ நெட்­வொர்க்ஸ்' என்ற இணை­யப் பாது­காப்பு நிறு­வ­னம் சென்ற வாரம் கூறி­ய­தாக ஸ்ட்­ரெய்ட்ஸ் டைம்ஸ் தெரி­வித்­துள்­ளது. அந்நிறுவனம் இது பற்றி மேல் விவரங்களைத் தெரிவிக்கவில்லை.

இது பற்றிக் கருத்துத் தெரி­வித்த சிங்­கப்­பூர் இணை­யப் பாது­காப்பு முகவை, சிங்­கப்­பூ­ரில் அத்­த­கைய ஆபத்து தொடர்­பி­லான பாதிப்பு பற்றி தனக்­குப் புகார் எது­வும் வர­வில்லை என்று தெரி­வித்­தது.

ஆயுதப் படைப் பயிற்சிகள்

சிங்கப்பூர் ஆயுதப் படைகள், சிலேத்தார், மார்சிலிங், ஜாலான் பகார், நியோ டியோ, லிம் சூ காங், ஜாலான் குவோக் மின், துவாஸ், அப்பர் ஜூரோங், ஹோங் கா, அமா கெங், பாசிர் ரிஸ், பிடோக் படகுத் துறை, கிராஞ்சி, லெண்டோர், சிம்பாங், செம்பவாங், மண்டாய் ஆகிய இடங்களில் மார்ச் 22 முதல் மார்ச் 29 வரை ராணுவப் பயிற்சிகளை நடத்தும். வெற்றுவேட்டுகளும் வாண வெடிகளும் பயன்படுத்தப்படும்.

உண்மையான குண்டுகளைப் பயன்படுத்திப் பயிற்சி மேற்கொள்ளப்படும் பாசிர் லாபாவில் மார்ச் 22 முதல் மார்ச் 29 வரை உண்மையான குண்டுகளைப் பயன்படுத்தும் பயிற்சிகளை ஆயுதப்படைகள் நடத்தும்.

அச்சமடைய வேண்டாம் என்றும் பயிற்சிப் பகுதிகளை விட்டு விலகி இருக்கும் படியும் பொதுமக்களுக்கு சிங்கப்பூர் ஆயுதப் படைகள் ஆலோசனை கூறி உள்ளன.