‘நமது காலத்தின் செயல்வீரர்கள்’ கண்காட்சியில் வெளிநாட்டு ஊழியர்களின் கலைப் படைப்புகள்

சிங்­கப்­பூ­ரில் கொவிட்-19 கிரு­மித்­தொற்று உச்­சத்­தில் இருந்­த­போது சொகு­சுக் கப்­பல் அறை­களில் தங்க வைக்­கப்­பட்ட ஆயி­ரக்­க­ணக்­கான வெளி­நாட்டு ஊழி­யர்­களில் திரு தமி­ழும் ஒரு­வர்.

அப்­போது அவ­ருக்­குக் கிடைத்த நீண்ட ஓய்வு நேரத்தை தமது பொழு­து­போக்­கான பென்­சில் ஓவி­யங்­களை வரை­வ­தில் செல­விட்­டார்.

மரினா பே சொகு­சுக் கப்­பல் முனை­யத்­தில் நிறுத்­தப்­பட்­டி­ருந்த கப்­பல் அறை­யில் தம்­மு­டன் இருந்த நண்­பர்­கள், அங்­குள்ள அறை­கலன்­கள் போன்­ற­வற்றை வரைந்­தார்.

கிரு­மித்­தொற்­றுக்கு ஆளா­கிய திரு தமிழ் கடந்த ஆண்டு ஆகஸ்ட் மாதத்­தில் குண­ம­டைந்­த­வு­டன், சொகு­சுக் கப்­ப­லில் தற்­கா­லி­க­மா­கத் தங்கவைக்­கப்­பட்­டார்.

தென்­னிந்­தி­யா­வைச் சேர்ந்த 20 வய­து­களில் உள்ள திரு தமிழ், 2016லிருந்து சிங்­கப்­பூ­ரில் வேலை செய்து வரு­கி­றார்.

சொகு­சுக் கப்­ப­லில் இருந்த வெளி­நாட்டு ஊழி­யர்­க­ளுக்கு நிகழ்ச்­சி­களை ஏற்­பாடு செய்த 'ஹெல்த்­செர்வ்' எனும் அரசு சார்­பற்ற அமைப்­பின் ஊழி­ய­ரான திருவாட்டி சுவென் லோ, திரு தமி­ழின் பென்­சில் ஓவி­யங்­க­ளைப் பார்க்க நேர்ந்­தது.

நுண்­க­லை­க­ள் கற்­றி­­ருந்த திரு­வாட்டி லோ, பென்­சில் ஓவி­யங்­களில் உள்ள பல்­வேறு நுணுக்­கங்­களை திரு தமி­ழுக்­குச் சொல்­லிக் கொடுத்­த­து­டன் அவர் தொடர்ந்து வரை­வ­தற்கு பென்­சில்­களும் தாட்­களும் பெற்­றுத் தந்­தார்.

கொவிட்-19 முன்­களப் பணி­யாளர்­க­ளைக் கௌர­விக்­கும் நோக்­கத்­தில் ஐயோன் கலைக் காட்­சிக்­கூ­டத்­தில் அமைக்­கப்­பட்­டி­ருந்த கண்­காட்­சி­யில் திரு தமி­ழின் பென்­சில் ஓவி­யங்­களும் இடம்­பெற்­றன.

'நமது காலத்­தின் செயல்­வீ­ரர்­கள்' எனும் தலைப்பு கொண்ட அக்­கண்­காட்­சி­யில் சிங்­கப்­பூர் கலைச் சங்­கத்­தின் ஓவி­யர்­கள், மாண­வர்­கள் வெளி­நாட்டு ஊழி­யர்­கள் ஆகி­யோ­ரின் 200க்கு மேற்­பட்ட கலைப்­படைப்­பு­கள் காட்­சிக்கு வைக்­கப்­பட்­டி­ருந்­தன.

சிங்­கப்­பூர் கலைச் சங்­க­மும் தேசிய சுகா­தா­ரப் பரா­ம­ரிப்­புக் குழு­ம­மும் ஏற்­பாடு செய்த இக்­கண்­காட்சி இம்­மா­தம் 13ஆம் தேதி முதல் 17ஆம் தேதி வரை நடை­பெற்­றது.

கண்­காட்­சி­யில் வைக்­கப்­பட்­டுள்ள பிர­தான ஓவி­யம் 1.8 மீட்­டர் அக­ல­மும் 3 மீட்­டர் நீள­மும் கொண்­டது. அதை சிங்­கப்­பூர் கலைச் சங்­கத்­தின் 18 ஓவி­யர்­கள் உரு­வாக்­கி­னர்.

அந்த 'அக்­ரி­லிக்' ஓவி­யத்­தில் கொள்­ளை­நோயை எதிர்த்து நாடு மேற்­கொண்ட பல்­வேறு நட­வ­டிக்­கை­களில் ஈடு­பட்ட தனிப்­பட்ட பாது­காப்பு உடை, சாத­னங்­க­ளைப் பயன்­ப­டுத்­திய சுகா­தா­ரப் பரா­ம­ரிப்பு ஊழி­யர்­கள், கொள்­ளை­நோய் எதிர்ப்பு மையங்­களில் ஒன்­றான தொற்­று­நோய்­க­ளுக்­கான தேசிய நிலை­யம், சமூக பரா­ம­ரிப்பு வசிப்­பி­ட­மா­கச் செயல்­பட்ட சிங்­கப்­பூர் எக்ஸ்போ ஆகி­ய­வற்­றின் படங்­கள் சித்­தி­ரிக்­கப்­பட்­டுள்­ளன.

இந்த ஓவி­யத்­தை ஓவியர்கள் வரைந்து முடிக்க ஆறு மாதங்­கள் பிடித்­தது குறிப்­பி­டத்­தக்­கது.

கண்­காட்­சிக்­குப் பிறகு இந்­தப் பிர­தான கலைப்­ப­டைப்பு தொற்­று­நோய்­க­ளுக்­கான தேசிய நிலை­யத்­துக்கு நன்­கொ­டை­யாக வழங்­கப்­படும் என்றும் தெரிவிக்கப்பட்டது.

அந்த ஓவி­யத்­தில் இடம்­பெற்­றுள்ள தேசிய சுகா­தா­ரப் பரா­ம­ரிப்­புக் குழு­மத்­தின் கல்வி மற்­றும் ஆய்­வுப் பிரி­வின் துணை தலைமை நிர்­வா­கி­யான திரு பெஞ்­ச­மின் சீட், "கொள்­ளை­நோய் காலத்­தில் தாதி­கள் போன்ற முன்­க­ளப் பணி­யா­ளர்­க­ளின் பங்கு பெரி­தும் முக்­கி­யம் வாய்ந்­த­தாக இருந்­தது.

"அவர்­க­ளின் முகங்­களை நாம் பார்த்­தி­ருக்க மாட்­டோம். அவர்­களின் பெயர்­களை நாம் அறிந்­தி­ருக்க மாட்­டோம். ஆனால், அவர்­கள் நோயா­ளி­க­ளைக் கவ­னித்­துக்­கொள்­ளும் மிகப் பெரிய பொறுப்பை ஏற்­றுக்­கொண்­டிருந்தனர்.

"இந்த ஓவி­யம் அவர்­க­ளின் பங்­க­ளிப்­பை­யும் தியா­கத்­தை­யும் சிறப்பாகப் பிர­தி­ப­லிக்­கிறது," என்று கருத்து உரைத்தார்.

கண்­காட்­சி­யில் இடம்­பெற்ற கலைப்­ப­டைப்­பு­களை சிங்­கப்­பூர் கலைச் சங்­கத்­தின் இணை­யத் தளத்­தி­லும் ஆசிய அறி­வி­ய­லா­ளர் சஞ்­சிகை மற்­றும் ஹெல்த்­செவ் ஃபேஸ்புக் பக்­கங்­க­ளி­லும் பார்க்­க­லாம்.

திரு தமிழ், தமது முத­லா­வது பென்­சில் ஓவி­யத்தை 'ஃபுரோஸன்' எனும் பிர­பல உயி­ரோ­விய திரைப்­படத்­தில் வரும் 'எல்சா' எனும் கதா­பாத்­தி­ரத்தை மைய­மா­கக் கொண்டு வரைந்­தார். அந்தத் திரைப்படத்தை அவர் இணையத்தில் பார்த்தார்.

தமது உடன்­பி­றப்­பு­க­ளின் பிள்ளை­க­ளைக் காணாது ஏங்­கும் திரு தமிழ், அவர்­க­ளின் உரு­வப்­படங்­களை­யும் பென்­சில் ஓவி­யங்­களாக வரைந்­துள்­ளார்.

இப்­போது வேலை செய்ய அலு­வ­ல­கத்­துக்­குத் திரும்­பி­யுள்ள அவர், ஓவி­யம் வரை­வ­தற்கு நேரத்தை ஒதுக்கி அதில் தொடர்ந்து கவ­னத்­தைச் செலுத்­து­கி­றார்.

இந்­தக் கண்­காட்­சிக்கு 20க்கு மேற்­பட்ட வெளி­நாட்டு ஊழி­யர்­கள் தங்­கள் ஓவி­யங்­கள், பீங்­கான் பொருட்­கள், மட்­பாண்­டங்­கள் என பல்­வேறு கலைப் படைப்­பு­கள் வழங்­கி­னார்­கள் என்­றும் தெரி­விக்­கப்­பட்­டது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!