மாணவர் முரசு
இ-பேப்பர்
இவ்வாண்டில் முதல்முறையாக பயனீட்டாளர் விலைக் குறியீடு புதிய நம்பிக்கையை ஏற்படுத்தியுள்ளது.
சிங்கப்பூரின் ஒட்டுமொத்த பணவீக்கம் முதல்முறையாக சாதகமான சூழ்நிலைக்கு மாறியுள்ளதை விலைக் குறியீடு காட்டுகிறது.
சேவைத்துறையில் மட்டும் சிறிதளவு சரிவு ஏற்பட்டுள்ளது. கார் விலைகள் மற்றும் வீட்டு வாடகையிலும் சரிவு காணப்படுகிறது.
ஆண்டுக்கு ஆண்டு அடிப்படையில் கடந்த மாதம் அனைத்துப் பொருட்களின் பணவீக்கம் 0.2 விழுக்காடாக இருந்தது. இதற்கு முந்தைய மாதத்தில் இது பூஜ்யம் ஆக இருந்தது. கடந்த பிப்ரவரி மாதத்திற்குப் பிறகு பணவீக்கம் முதல்முறையாக பூஜ்யத்திலிருந்து அதிகரித்தது. இதற்கிடையே தங்குமிடம், தனியார் சாலைப் போக்குவரத்து செலவினம் ஆகியவற்றை தவிர்த்த மூலதார பணவீக்கம் கடந்த ஜனவரியில் பூஜ்யத்துக்குக் கீழ் 0.2 விழுக்காடாக இருந்தது. இது, கடந்த டிசம்பரில் -0.3 விழுக்காடாக இருந்தது என்று சிங்கப்பூர் நாணய ஆணையம் மற்றும் வர்த்தக, தொழில் அமைச்சின் அறிக்கை தெரிவித்தது.
முக்கிய பணவீக்கம் சரிந்துவந்த நிலையில் கடந்த மாதம் மிதமடைந்தது. பயனீட்டாளர் விலையில் ஏற்பட்டுள்ள மாற்றங்களை பிரதான பணவீக்கம் பிரதிபலிக்கிறது.
நாணய கொள்கையை பரிசீலிப் பதற்காக இந்த அளவீட்டை சிங்கப்பூர் நாணய ஆணையம் தொடர்ந்து அணுக்கமாகக் கண்காணித்து வருகிறது.
கடந்த மாதம் தனியார் போக்கு வரத்து செலவினம் 4.2 விழுக்காடு உயர்வைப் பதிவு செய்தது. இது, ஜனவரியில் 1.9 விழுக்காட்டிலிருந்து அதிகரித்துள்ளது.
கார் விலைகள் கூடியதும் பெட்ரோல் விலையில் ஏற்பட்ட சிறிய சரிவும் இதற்கு காரணமாகும்.
சேவைக் கட்டணங்களும் அதி கரித்துள்ளன. 0.5 விழுக்காட்டை எட்டி பின்னர் 0.3 விழுக்காட்டுக்கு இது குறைந்தது.
பொதுச் சுகாதார ஆயத்தநிலை மருந்தகங்களிலும் பலதுறை மருந்தகங்களிலும் சுவாசக் கோளாறு தொடர்பான சிகிச்சைக்கு அரசாங்கம் கழிவுகளை அறிவித்து இருந்ததை அமைச்சும் ஆணையமும் சுட்டிக்காட்டியிருந்தன.
இந்தக் கழிவுகள், இவ்வாண்டு பிப்வரவரியில் வெளிநோயாளி சிகிச்சை பணவீக்கத்தில் சிறிய அளவில் மாற்றத்தை ஏற்படுத்தி யிருந்தது.