மாணவர் முரசு
இ-பேப்பர்
உடல் எடையைக் குறைக்க உதவுவதாகக் கூறி இணையத்தளத்திலும் சமூக ஊடகங்களிலும் விற்கப்படும் நான்கு மருந்துகளில் தடை செய்யப்பட்ட 'சிபுடிராமைன்' கலந்துள்ளது. 'சிபுடிராமைன்' பக்கவாதம் அல்லது மாரடைப்பு போன்ற பக்கவிளைவுகளை ஏற்படுத்தக்கூடியது.
நான்கில் 'ஃபிளாஷ் ஸ்லிம்' எனும் மருந்தை எடுத்துக்கொண்ட ஒருவருக்கு வாந்தி, தூக்கமின்மை, இதயப் படபடப்பு போன்ற பக்க விளைவுகள் ஏற்பட்டதாக சுகாதார அறிவியல் ஆணையம் தெரிவித்தது. அந்த மருந்து, எளிதல் அகற்ற முடியாத கொழுப்பைக் கரைத்து ஓரிரு நாட்களில் வித்தியாசம் தெரியும் எனறு உறுதியளித்திருந்தது.
இதனை பொதுமக்கள் வாங்கவோ சாப்பிடவோ கூடாது என்று எச்எஸ்ஏ வலியுறுத்தியது.
இந்தப் பொருளை விற்பனையிலிருந்து அகற்ற மின்வர்த்தகத் தளம் மற்றும் சமூக ஊடகங்களுடன் தொடர்பு கொண்டுள்ளதாகவும் அது கூறியது.
'லீடீ பொட்டானிக்கல் பெவரேஜ் மிக்ஸ் பைனாப்பிள் ஜூஸ் பவுடர் வித் ஆஃப்ரிக்கன் மேங்கோ', 'குவின் எஸ் ஆமையேரா', 'ஷோகோலைட் டபுள் சாக்லேட் குக்கீஸ் வித் ஹுடியா கோர்டோனி எக்ஸ்ட்ராட் அண்ட் எல் கார்னைடைன்' ஆகியவை சிபுடிராமைன் கலந்துள்ள இதர மூன்று மருந்து களாகும்.
"இந்த உடல் எடையைக் குறைக்கும் மருந்துகள் விரைவில் கொழுப்பைக் கரைத்துவிடுவதாகவும் ஏழு முதல் 14 நாட்களுக்குள் வித்தியாசத்தைக் காணலாம் என்று விளம்பரப்படுத்தப்படுவதாக எச்எஸ்ஏ குறிப்பிட்டது.
'சிபுடிராமைன்' மாயத்தோற்றம் போன்ற இதர பக்கவிளைவுகளையும் ஏற்படுத்தக்கூடும்.