மாணவர் முரசு
இ-பேப்பர்
சிங்கப்பூரில் மில்லியன் வெள்ளிக்கும் அதிக விலையுள்ள வீடமைப்பு வளர்ச்சிக் கழக மறுவிற்பனை அடுக்குமாடி வீடுகள் அண்மையில் பிரபலமாகி வருகின்றன.
கொவிட்-19 தொற்று காலத்திலும் கூட 2020ல் குறைந்தபட்சம் $1 மில்லியன் விலையுள்ள மொத்தம் 82 வீவக மறுவிற்பனை வீடுகள் கைமாறி இருக்கின்றன. 2019ல் இவற்றின் எண்ணிக்கை 64 ஆக இருந்தது.
குவீன்ஸ்டவுனில் மெய் லிங் ஸ்திரீட்டில் உள்ள புளோக் 149ல் இருக்கும் 150 சதுர மீட்டர் பரப்பளவுள்ள எக்சிகியூட்டிவ் அடுக்குமாடி வீடுதான் 2012 ஜூலையில் கை மாறிய முதல் மில்லியன் வெள்ளி வீடு என்று தெரிகிறது.
அதற்கு மூன்று மாதங்கள் கழித்து, பீஷான் ஸ்திரீட் 13ல் இருக்கும் 194வது புளோக்கில் அமைந்துள்ள 163 சதுர மீட்டர் பரப்பளவுள்ள அடுக்குமாடி வீடு, 2012 அக்டோபரில் $1.01 மில்லியன் விலைக்கு வாங்கப்பட்டது.
சிங்கப்பூரில் சென்ற மாதம் வரை, மில்லியன் வெள்ளிக்கும் அதிக விலையுள்ள 338 வீடுகள் விற்பனையாகி இருக்கின்றன என்பது எஸ்ஆர்எக்ஸ் என்ற சொத்துச் சந்தை இணையவாசல் மூலம் தெரிய வருகிறது.
இருந்தாலும் கைமாறும் வீவக மறுவிற்பனை வீடுகளில் மில்லியன் வெள்ளி வீடுகளின் விகிதம் 0.3%தான் என்பதும் குறிப்பிடத்தக்க தாக இருக்கிறது.
பினெக்கல்@டக்ஸ்டன் புளோக் 1-பியில் உள்ள $1.258 மில்லியன் ஐந்தறை வீடுதான் இதுவரை கைமாறிய வீடுகளில் ஆக அதிக விலையுள்ள வீடாக உள்ளது.
வீவக மறுவிற்பனை வீட்டை வாங்க குறைந்தபட்சம் ஒரு சிங்கப்பூரரைக் கொண்ட அல்லது இரண்டு நிரந்தரவாசிகளைக் கொண்ட குடும்பம் தகுதி பெறுகிறது. இதற்கு வருவாய் வரம்பு எதுவும் கிடையாது.
இருந்தாலும் வீவக வீட்டு மானியத்துக்கும் கடனுக்கும் வரம்பு உண்டு. இத்தகைய விலை அதிகம் உள்ள வீவக மறுவிற்பனை வீடுகளை வாங்குவோர், தனியார் வீடுகளை வாங்கும் அளவுக்கு வசதி படைத்தவர்கள்.
ஆனாலும் இந்த விலைக்கு பிரதான இடத்தில் சிறிய தனியார் வீட்டைதான் அவர்களால் வாங்க முடியும் என்று சொத்துத்துறை பகுப்பாய்வாளர்கள் கூறுகிறார்கள்.
இத்தகைய மில்லியன் வெள்ளி வீவக மறுவிற்பனை வீட்டை வாங்கு வோரில் தனியார் வீடுகளில் வசித்து வந்தவர்களே அதிகம்.
பணக்கார சிங்கப்பூரர்களும் 20 களில் வயதுள்ள இளம் தம்பதியரும் மற்றவர்கள்.
இதனிடையே, வீவக மில்லியன் வெள்ளி வீடுகள் பிரபலம் அடைவதன் காரணத்தால், முக்கியமான இடங்களில் வீடுகளை வைத்துள்ள சிலர் பணம் பார்க்கலாம் என்ற நம்பிக்கையில் தங்கள் வீட்டை விற்பனைக்குக் கொடுக்க முன்வரக்கூடும் என்றும் தெரிகிறது.
விற்பனைக்கு வரும் வீடுகள் பற்றிய விவரங்களைப் பார்க்கையில் இது தெரியவருகிறது.
'புராப்பர்ட்டி குரு' என்ற நிலச் சொத்து இணையவாசலில் சனிக்கிழமை நிலவரப்படி 206 வீவக மறுவிற்பனை வீடுகள் விற்பனைக் குக் கொடுக்கப்படும் என்று அறிவிக்கப்பட்டு இருந்தது. அவற்றின் விலை தலா $1 மல்லியனுக்கும் அதிகம். அதேபோல் '99.co' என்ற இணைய வாசலில் அத்தகைய 223 வீடுகள் விற்பனைக்கு வந்தன.
