செய்திக்கொத்து

ஏப்ரல் 12 முதல் கை சுத்திகரிப்பான் திரவத்தை இலவசமாகப் பெறலாம்

சிங்கப்பூரில் எல்லா குடும்பங்களும் ஏப்ரல் 12ஆம் தேதி முதல் 500 மி.லி. கை சுத்திகரிப்பான் திரவத்தை இலவச மாகப் பெற்றுக்கொள்ளலாம். சிங்கப்பூர் முழுவதும் உள்ள எல்லா 108 சமூக நிலையங்களிலும் சமூக மன்றங்களிலும் உள்ள தானியக்க இயந்திரங்களில் ஏப்ரல் 25ஆம் தேதி வரை இதனைப் பெற்றுக்கொள்ளலாம் என தெமாசெக் அறநிறுவனம் தெரிவித்துள்ளது. தெமாசெக் கடைவீடுகளி லும் இத்திரவம் வழங்கப்படும். ஆல்கஹால் ரசாயனக் கலவை அற்ற கை சுத்திகரிப்பான் திரவத்தைப் பெற குடியிருப்பாளர்கள் சுத்தமான இரண்டு காலி போத்தல்கள் வரை கொண்டு செல்லலாம். மார்ச் அல்லது ஏப்ரல் மாதத்திற்கான பயனீட்டுக் கட்டணப் படிவத்தை அவர்கள் தம்முடன் எடுத்துச் செல்ல வேண்டும். அந்தப் படிவத்தில் 'க்யூஆர்' குறியீடு இருப்பது அவசியம். இதற்குப் பதில் சிங்கப்பூர் பவர் நிறுவனத்தின் தங்களது கணக்கு எண்ணைத் தெரிவிக்கலாம். தெமாசெக் அறநிறுவனம் கை சுத்திகரிப்பான் திரவத்தை இலவசமாக வழங்குவது

இது இரண்டாவது முறை. ஏற்கெனவே கடந்த ஆண்டு மார்ச் மாதம் அதனை அந்நிறுவனம் வழங்கியது.

ரயிலில் பேசுவதைத் தவிர்க்க இன்று முதல் புதிய பிரசார நடவடிக்கை

பொதுப் போக்­கு­வ­ரத்­தில் கொவிட்-19 பர­வும் அபா­யத்­தைத் தணிக்க புதிய பிர­சார நட­வ­டிக்கை இன்று முதல் மேற்­கொள்­ளப்­ப­டு­க­றிது. 'தய­வு­செய்து பேசு­வ­தைத் தவிர்க்­க­வும்' என்று எழு­தப்­பட்ட வாச­கங்­கள் கொண்ட அறி­விப்­பை எம்­ஆர்டி நிலைய ஊழி­யர்­கள் ஒவ்­வொரு எம்­ஆர்டி நிலை­யத்­தி­லும் ஏந்தி நிற்­பர். ரயி­லில் பய­ணம் செய்­யும்போது பிற பய­ணி­க­ளி­டமோ கைபே­சி­யிலோ பேசுவதைப் பய­ணி­கள் தவிர்க்கவேண்­டும் என்­பதை உணர்த்த இந்த முயற்சி எடுக்­கப்­பட்டுள்­ளது. வரும் திங்­கட்­கி­ழமை முதல் 75 விழுக்­காட்டு ஊழி­யர்­கள் அலு­வ­ல­கம் செல்­லும் வகை­யில் சிங்­கப்­பூர் அதன் கொவிட்-19 கட்­டுப்­பா­டு­களை தளர்த்­தி­யதைத் தொடர்ந்து புதிய பிர­சார நட­வ­டிக்­கைக்கு ஏற்­பாடு செய்­யப்­பட்டுள்­ளது. இப்­போது வரை இது 50 விழுக்காடாக உள்ளது.

தடுப்பு மருந்தின் புதிய ஆற்றல் குறித்து நிபுணர்கள் கருத்து

கொவிட்-19 தடுப்­பூசி மருந்தை மூக்கு வழி­யா­கவோ வாய் வழி­யா­கவோ எடுத்­துக்­கொள்­ளும்­போது மேல் சுவா­சப்பாதை­ யில் கிரு­மி­யைத் தடுக்­கும் ஆற்­றல் கூடு­த­லா­கக் கிடைக்­கும் என்­றும் இது கிரு­மிப் பர­வ­லைக் குறைக்­கும் என்­றும் சிங்­கப்­பூ­ரின் தொற்­று­நோ­யி­யல் நிபு­ணர்­கள் தெரி­வித்துள்ளனர். இருப்­பி­னும் தடுப்பு மருந்தை அவ்­வாறு எடுத்­துக்­கொள்­வது பாது­காப்­பா­னதா என்­பது பற்­றி­யும் அதன் ஆற்­றல் குறித்­தும் இன்­னும் ஆய்­வ­கப் பரி­சோ­தனை முடி­வு­கள் நிரூ­பிக்­க­ப்பட வில்லை என்­கின்­ற­னர் அவர்­கள்.

81% பட்டதாரிகளுக்கு வேலை

சிங்­கப்­பூர் தொழில்­நுட்­பம் மற்­றும் வடி­வ­மைப்பு பல்­க­லைக்­க­ழ­கத்­தின் (எஸ்­யு­டிடி) பட்­ட­தா­ரி­களில் கிட்­டத்­தட்ட 81 விழுக்­காட்­டி­ன­ருக்கு கடந்த ஆண்­டில் முழு­நேர வேலை கிடைத்­தது. அதே­நே­ரம் இதர நான்கு உள்­ளூர் பல்­க­லைக்­க­ழ­கங்­களில் பட்­டம் பெற்­ற­வர்­களில், 70 விழுக்­காடு, அதா­வது 10ல் எழு­வ­ருக்­குக் கடந்த ஆண்டு வேலை கிடைத்­தது.

வரு­டாந்­திர பட்­ட­தா­ரி­கள் வேலை­வாய்ப்பு ஆய்­வில் சிங்­கப்­பூர் தேசிய பல்­க­லைக்­க­ழ­கம், நன்­யாங் தொழில்­நுட்­பப் பல்­க­லைக்­க­ழ­கம், சிங்­கப்­பூர் நிர்­வா­கப் பல்­க­லைக்­க­ழ­கம், சிங்­கப்­பூர் சமூக அறிவியல் பல்­க­லைக்­க­ழ­கம் ஆகி­ய­வற்­றின் பட்­ட­தா­ரி­கள் கலந்­து­கொண்­ட­னர்.