ஆய்வு: பாலினப் பாகுபாட்டால் பத்தில் நான்கு பெண்கள் பாதிப்பு

வேலை­யி­டங்­களில் பத்­தில் நான்கு பெண்­கள் பாலி­னப் பாகு­பாட்டை எதிர்­நோக்­கி­யுள்­ள­னர். மாறாக பத்­தில் ஓர் ஆட­வ­ருக்கு மட்­டுமே அத்­த­கைய அனு­ப­வம் ஏற்­பட்­டுள்­ளது.

சிங்­கப்­பூர் சீனர் வர்த்­தக, தொழில் சபை நடத்­திய ஆய்வு மூலம் இந்­தத் தக­வல் தெரி­ய­வந்­துள்­ளது.

பாலி­னப் பாகு­பாட்­டால் பாதிப்­ப­டைந்­தோ­ரில் 12 விழுக்­காட்­டி­னர் மட்­டுமே அது­கு­றித்து புகார் செய்­த­தாக தெரி­விக்­கப்­பட்­டது.

புகார் செய்­த­வர்­கள் அனை­வ­ரும் பெண்­கள்.

புகார் செய்­யப்­பட்­ட­தும் பாலி­னப் பாகு­பாட்­டுக்கு எதி­ராக தங்­கள் வேலை­யி­டத்­தில் திருப்­தி­க­ர­மான நட­வ­டிக்கை எடுக்­கப்­பட்­ட­தாக புகார் செய்­தோ­ரில் பாதி பேர் மட்­டுமே கூறி­னர்.

பெண்­கள் தொடர்­பான விவ­கா­ரங்­கள் தொடர்­பான கலந்­து­ரை­யா­டல் ஜூரோங்­கில் உள்ள வர்த்­த­கச் சங்க மையத்­தில் நேற்று நடை­பெற்­றது. அதில் சமு­தாய, குடும்ப மேம்­பாட்டு துணை அமைச்­சர் சுன் சூலிங் கலந்­து­கொண்­டார்.

இந்­தக் கலந்­து­ரை­யா­ட­லின்­போது ஆய்­வின் முடி­வு­கள் வெளி­யி­டப்­பட்­டன.

கடந்த ஆண்டு நவம்­பர் மாதத்­தி­லி­ருந்து டிசம்­பர் மாதம் வரை நடத்­தப்­பட்ட இந்த ஆய்­வில் 384 பேர் பங்­கெ­டுத்­த­னர்.

அவர்­களில் மூன்­றில் இரு­வர் பெண்­கள். ஆய்­வில் பங்­கெ­டுத்­த­வர்­களில் 58.3 விழுக்­காட்­டி­னர் 41 வய­தி­லி­ருந்து 60 வய­துக்கு உட்­பட்­ட­வர்­கள்.

67.7 விழுக்­காட்­டி­னர் திரு­ம­ண­மா­ன­வர்­கள். 82.6 விழுக்­காட்­டி­னர் பட்­ட­தா­ரி­கள். 80.2 விழுக்­காட்­டி­னர் முழு­நேர வேலை­யில் இருப்­ப­வர்­கள்.

ஆய்­வில் பங்­கெ­டுத்­த­வர்­களில் பெரும்­பா­லா­ன­வர்­கள் நிபு­ணர்­க­ளா­கவோ அல்­லது மேலா­ளர்­க­ளா­கவோ பணி­பு­ரி­ப­வர்­கள்.

வர்த்தகர்கள், நிர்வாகிகள், தொழில்நுட்பர்கள் சிலரும் ஆய்வில் பங்கெடுத்தனர்.

ஆய்­வில் பங்­கெ­டுத்­த­வர்­களில் ஏறத்­தாழ 40 விழுக்­காட்­டி­னர் சிறிய, நடுத்­தர நிறு­வ­னங்­களில் பணி­பு­ரி­ப­வர்­கள்.

ஏறத்­தாழ 35 விழுக்­காட்­டி­னர் பன்­னாட்டு நிறு­வ­னங்­களில் பணி­பு­ரி­ப­வர்­கள்.

எஞ்­சி­யி­ருப்­போர் அர­சாங்க அமைப்­பு­க­ளி­லும் லாப நோக்­க­மற்ற அமைப்­பு­க­ளி­லும் வேலை செய்­ப­வர்­கள்.

பாலி­னத்தை அடிப்­ப­டை­யா­கக் கொண்டு ஒரு­வ­ரின் திற­மையை மதிப்­பி­டும் முறை­யால் பெண்­கள் அதி­கம் பாதிக்­கப்­ப­டு­வ­தாக ஆய்வு தெரி­வித்­துள்­ளது.

இத்­த­கைய வேலை­யி­டக் கலா­சா­ரத்­தால் தங்­க­ளுக்கு பதவி உயர்வு கிடைப்­ப­தில்லை என்று ஆய்­வில் பங்­கெ­டுத்த 45 விழுக்­காடு பெண்­கள் கூறி­னர்.

மாறாக, 30 விழுக்­காடு ஆண்­கள் இக்­க­ருத்­தைத் தெரி­வித்­த­னர்.

ஒரே பத­வி­யில் இருக்­கும் ஆண்­க­ளை­விட தங்­க­ளுக்­குக் குறை­வான சம்­ப­ளம் வழங்­கப்­ப­டு­வ­தா­க­வும் ஆய்­வில் பங்­கெ­டுத்த பெண்­கள் கூறி­னர்.

இருப்­பி­னும், வேலை தொடர்­பான இலக்­கு­களை அடைய தங்­கள் வேலை­யி­டங்­கள் போது­மான ஆத­ர­வு­களை வழங்­கு­வ­தாக பத்­தில் ஆறு பெண்­கள் தெரி­வித்­த­னர்.

வேலை­யி­டங்­கள் தங்­க­ளுக்கு ஆத­ரவு வழங்­கு­வ­தாக நான்­கில் மூன்று ஆட­வர்­கள் கூறி­னர்.

ஆய்­வில் பங்­கெ­டுத்த பெண்­களில் 59.1 விழுக்­காட்­டி­னர் வேலை- வாழ்க்கை சம­நிலை தரும் பணி­களை விரும்­பு­கின்­ற­னர்.

ஒப்­பு­நோக்க 49.6 விழுக்­காடு ஆண்­கள் அத்­த­கைய வேலையை விரும்­பு­கின்­ற­னர்.

51.2 விழுக்­காடு ஆண்­கள் தலைமை அல்­லது நிர்­வா­கப்

பதவி­க­ளுக்கு விருப்­பம் தெரி­வித்­த­னர்.

ஒப்­பு­நோக்க 39.7 விழுக்­காடு பெண்­கள் அத்­த­கைய பத­வி­க­ளுக்கு விருப்­பம் தெரி­வித்­த­னர்.