புதிய தனியார் வீடுகள் விற்பனை ஐந்தாண்டுகளில் இல்லாத உச்சம்

பொரு­ளி­யல் மீட்­சி­ய­டை­யும் எனும் எதிர்­பார்ப்­பில் சீனப் புத்­தாண்­டிற்­குப் பிறகு புதிய தனி­யார் வீடு­களில் முத­லீடு செய்­வது அதி­க­ரித்­துள்ளது.

இதன் கார­ண­மாக, கடந்த மார்ச் மாதத்­தில் 1,296 புதிய தனி­யார் வீடு­கள் விற்­ப­னை­யா­கின. மார்ச் மாதத்­தைப் பொறுத்­த­மட்­டில், கடந்த 2017ஆம் ஆண்­டை­விட இதுவே அதி­கம். 2021 பிப்­ர­வ­ரி­யில் 645 தனி­யார் வீடு­கள் விற்­கப்­பட்­டன.

2021 முதல் காலாண்­டில் 3,574 புதிய தனி­யார் வீடு­கள் விலை­போ­ன­தாக மதிப்­பி­டப்­பட்­டுள்­ளது.

காலாண்டு அள­வில், 2013 இரண்­டாம் காலாண்­டிற்­குப் பிறகு இதுவே அதி­கம் என்­றும் அப்­போது 4,538 வீடு­கள் விற்­ப­னை­யா­கின என்­றும் 'ஹட்­டன்ஸ் ஏஷியா' நிறு­வனத்­தின் ஆய்வு இயக்­கு­நர் லீ ஸி டெக் கூறி­னார்.

எக்­ச­கி­யூட்­டிவ் கொண்­டோ­மினியம் வீடு­க­ளை­யும் கணக்­கில் எடுத்­துக்­கொண்­டால், மார்ச் மாதத்­தில் 1,373 புதிய வீடு­கள் விற்­கப்­பட்­டன. இது முந்­திய பிப்­ர­வ­ரி­யை­விட 82 விழுக்­கா­டும் ஓராண்­டிற்கு முன்­பி­ருந்­த­தை­விட 52 விழுக்­கா­டும் அதி­கம்.

மார்ச் மாதத்­தில் விலை­போன புதிய தனி­யார் வீடு­களில் 44% வீடு­கள் $1.5 மில்­லி­ய­னுக்­கும் குறை­வா­னவை; 32.9% வீடு­கள் ஒன்று முதல் இரண்டு மில்­லி­யன் வெள்­ளிக்கு இடைப்­பட்­டவை; 23.1% வீடு­கள் $2 மில்­லி­ய­னுக்­கும் அதி­க­மா­னவை.

அவ்­வீ­டு­களை வாங்­கி­யோ­ரில் சிங்­கப்­பூ­ரர்­கள் 82%, நிரந்­த­ர­வா­சி­கள் 13.4%, வெளி­நாட்­டி­னர் 4.3% என்­றும் தெரி­விக்­கப்­பட்­டது.