அஞ்சலக ஊழியர்களுடன் அமைச்சர் ஈஸ்வரன் மெய்நிகர் நோன்புத் துறப்பு

இர்­ஷாத் முஹம்­மது

நோய்ப் பர­வல் சூழ­லி­லும் நாட்­டுக்­கா­க­வும் நாட்டு மக்­க­ளுக்­கா­க­வும் தொடர்ந்து பணி செய்­து­வரும் 'சிங்­கப்­பூர் போஸ்ட்' அஞ்­ச­லக ஊழி­யர்­க­ளுக்கு நன்றி தெரி­விக்­கும் வகை­யில் ஊழி­யர்­க­ளு­ட­னான நோன்­புத் துறப்பு நிகழ்ச்சி நேற்று மாலை நடை­பெற்­றது. ஒவ்­வோர் ஆண்­டும் ஏற்­பாடு செய்­யப்­படும் இந்த நோன்­புத் துறப்பு நிகழ்ச்சி, இம்­முறை நோய்ப் பர­வல் சூழ­லால் மெய்­நி­கர் தளத்­தில் நடை­பெற்­றது.

சிறப்பு விருந்­தி­னர்­க­ளா­கக் கலந்­து­கொண்ட தொடர்பு, தக­வல் அமைச்­சர் எஸ். ஈஸ்­வ­ரன், அமைச்­சின் மூத்த துணை அமைச்­சர் திரு­வாட்டி சிம் ஆன் இரு­வ­ரும் கலந்­து­கொண்ட நூற்­றுக்­கும் மேற்­பட்ட அஞ்­ச­லக ஊழி­யர்­க­ளுக்­குத் நன்­றி­ தெரி­வித்­த­னர்.

நோய்ப் பர­வல் சூழ­லில் மக்­கள் இணை­யத்­த­ளங்­களில் பொருட்­கள் வாங்­கும் பழக்­கம் அதி­க­ரித்த நிலை­யில் அதற்­கான விநி­யோ­கச் சேவை­யைச் சிறப்­பாக ஆற்­றி­யது முக்­கி­ய­மான பங்­க­ளிப்பு என்று அமைச்­சர் ஈஸ்­வ­ரன் குறிப்­பிட்­டார்.

"இங்கு உள்ள சிலர் வெளி­நா­டு­க­ளி­லி­ருந்து இங்கு வந்து வேலை செய்­ப­வர்­க­ளாக இருப்­பீர்­கள். குடும்­பத்­தைப் பிரிந்து தொடர்ந்து இந்­நாட்­டுக்­கா­கப் பணி­யாற்­றும் உங்­க­ளின் கடமை உணர்ச்­சிக்கு நன்றி. கொவிட்-19 சூழ­லி­லும் தொடர்ந்து ஆத­ரவு தந்த உங்­க­ளுக்கு அர­சாங்­கம் சார்­பா­க­வும் சிங்­கப்­பூர் மக்­க­ளின் சார்­பா­க­வும் நன்றி தெரி­விக்­கி­றேன்," என்­றார் அவர்.

இக்­கட்­டான சூழ்­நி­லை­யி­லும் தொடர்ந்து சேவை­யைச் சிறப்­பாக செய்­வது மட்­டு­மல்­லா­மல் புதிய புத்­தாக்­கத் திட்­டங்­க­ளை­யும் செயல்­ப­டுத்தி வரு­வ­தைச் சுட்­டிய மூத்த துணை அமைச்­சர் சிம் ஆன், அனைத்து ஊழி­யர்­க­ளின் கடின உழைப்­புக்­கும் விடா­மு­யற்­சிக்­கும் நன்றி தெரி­வித்­தார்.

நோன்பு வைத்­துக்­கொண்டே சிறப்­பாகச் சேவை­யாற்­றி­வ­ரும் இஸ்­லா­மிய ஊழி­யர்­க­ளுக்­கு நன்றி நல்­கி­னார் சிங்­கப்­பூர் போஸ்ட் நிறு­வ­னத்­தின் தலைமை நிர்­வாக அதி­காரி திரு பால் கோட்ஸ்.

நோன்­புத் துறப்பு நிகழ்ச்­சி­யில் அந்த நிறு­வ­னத்­தில் பணி­பு­ரி­யும் வெளி­நாட்டு ஊழி­யர்­கள் தங்­க­ளின் அனு­ப­வங்­க­ளைப் பகிர்ந்­த­னர்.

ஓராண்­டுக்கு மேலாக இன்­னும் தங்­க­ளின் குடும்­பங்­க­ளைப் பார்க்க இய­லாத வருத்­தத்­தை­யும் கூடிய விரை­வில் அவர்­க­ளைச் சந்­திக்­கக் கூடிய வாய்ப்பு கிடைக்­கும் என்ற நம்­பிக்­கை­யை­யும் அவர்­கள் குறிப்­பிட்­ட­னர்.

இந்­தி­யா­வின் ஆந்­திர பிர­தே­சத்­தி­லி­ருந்து வந்து இந்­நி­று­வ­னத்­தில் கடந்த ஏழு ஆண்­டு­க­ளா­கப் பணி­யாற்­றும் திரு முகம்­மது நௌ‌‌‌ஷாத் அலாம், 33, 2019ஆம் ஆண்­டு­தான் குடும்­பத்­தைக் கடை­சி­யா­கப் பார்த்­த­தா­கக் கூறி­னார்.

கடந்த ஆண்டு மே மாதத்­தில் அவ­ரது தாயார் கால­மா­னார் என்­றும் அப்­போது நோய்ப் பர­வல் சூழ­லால் விமா­னச் சேவை­களில் தடை ஏற்­பட்­ட­தா­க­வும் அத­னால் அப்­போ­து­கூட தாய்­நாட்­டிற்­குச் செல்ல முடி­ய­வில்லை என்­றும் அவர் கூறி­னார். கில்­லினி அஞ்­சல் நிலை­யத்­தின் உதவி கிளை மேலா­ள­ரான அவர், வாடிக்­கை­யா­ளர்­க­ளு­டன் உரை­யாடி, அவர்­க­ளுக்­குத் தேவை­யான சேவையை வழங்­கு­வ­தில் மட்­டற்ற மகிழ்ச்சி அடை­வ­தா­கத் தெரி­வித்­தார். இந்த புனித ரம­லான் மாதத்­தில் கால­மான தனது தாயா­ருக்­காக அதி­க­மான பிரார்த்­த­னை­களை மேற்­கொண்­டு­வ­ரு­வ­தாக அவர் தெரி­வித்­தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!