சிங்கப்பூரில் புதிய அனைத்துலக மையம்

கடல்துறையில் கரிம வெளியீட்டைக் குறைக்க முயற்சி

கடல்­துறை நிறு­வ­னங்­கள் ஒருங்­கிணைந்து செயல்­பட்டு, ஆய்வு மேற்­கொண்டு, கரிம வெளி­யீட்­டைக் குறைக்­கும் வகை­யில் சிங்­கப்­பூ­ரில் புதி­ய­தோர் அனைத்­து­லக மையம் அமை­ய­வி­ருக்­கிறது.

அந்த அனைத்­து­லக கரி­ம­நீக்க மையம் குறித்த மேல­திக விவ­ரங்­களைக் கடல்­துறை, துறை­முக ஆணை­யம் இவ்­வா­ரத்­தில் வெளி­யி­டும். 2.5 ஹெக்­டர் பரப்­ப­ள­விலான முன்­னாள் பாசிர் பாஞ்­சாங் மின்­நி­லை­யம் அல்­லது 1.55 ஹெக்­டர் பரப்­ப­ளவு கொண்ட மரினா சௌத் திட­லில் அம்­மை­யம் அமைக்­கப்­ப­ட­லாம் என அறி­யப்­ப­டு­வ­தாக ஸ்ட்ரெய்ட்ஸ் டைம்ஸ் செய்தி தெரி­வித்­தது.

வரும் வெள்­ளிக்­கி­ழ­மை­வரை நடை­பெ­றும் 15வது சிங்­கப்­பூர் கடல்­துறை வாரத்­தின் நேற்­றைய தொடக்க விழா­வில் கலந்­து­கொண்டு பேசி­ய­போது போக்­கு­வரத்து அமைச்­சர் ஓங் யி காங் இத்­திட்­டம் குறித்த அறி­விப்பை வெளி­யிட்­டார்.

கடல்­துறை, துறை­முக ஆணை­யத்­தின் ஆத­ர­வு­டன் சிங்­கப்­பூர் கடல்­துறை அற­நி­று­வ­னத்­தால் கடந்த ஆண்டு தொடங்­கப்­பட்ட 'கடல்­துறை கரி­ம­நீக்க அனைத்­துலக ஆலோ­ச­னைக் குழு'வின் மற்­றப் பரிந்­து­ரை­களும் இவ்­வா­ரம் இடம்­பெ­றும் நிகழ்ச்­சி­க­ளின்­போது வெளி­யி­டப்­படும்.

கரி­ம­நீக்­கம், மின்­னி­லக்­க­ம­யம், திற­னா­ளர் ஈர்ப்பு ஆகிய கருப்­பொருள்­களை மையப்­ப­டுத்தி நடை­பெ­றும் இந்த ஒரு வார கருத்­த­ரங்­கில், உல­கம் முழு­வ­து­மி­ருந்­தும் பெரும்­பா­லும் இணை­யம் வழி­யாக ஏறத்­தாழ 6,000 பேர் கலந்­து­கொள்­வர் என எதிர்­பார்க்­கப்­ப­டு­கிறது.

கொவிட்-19 நெருக்­க­டி­யா­லும் அண்­மை­யில் சூயஸ் கால்­வா­யைக் கப்­பல் ஒன்று அடைத்­துக்­கொண்டு நின்­ற­தா­லும் கடல்­துறை பாதிப்­பைச் சந்­தித்­துள்ள நிலை­யில், புதிய அனைத்­து­லக மையம் குறித்த அறிவிப்பு வெளி­யாகி இருக்­கிறது.

முக்­கி­யக் கடல் வழி­க­ளைத் திறந்து வைப்­பது எவ்­வ­ளவு அவ­சி­யம் என்­பதை இவ்­விரு நெருக்­கடி­களும் வலி­யு­றுத்தி இருப்­ப­தாக அமைச்­சர் ஓங் குறிப்­பிட்­டார்.

கப்­பல்­கள் மோதல், தரை­தட்­டு­தல் போன்ற அபா­யங்­களை முன்­கூட்­டியே கண்­ட­றிந்து கூறும் வித­மாக சிங்­கப்­பூர் தனது செயல்­முறை­களை­யும் அமைப்­பு­க­ளை­யும் தொடர்ந்து மேம்­ப­டுத்­தும் என்­றும் கடற்­கொள்­ளைக்கு எதி­ரான போரைத் தொட­ரும் என்­றும் தெரி­விக்­கப்­பட்­டது.

அனைத்­து­லக விநி­யோ­கத் தடங்­கள் மீட்சி பெற, தேச வேறு­பா­டின்றி கட­லோ­டி­கள் அனை­வ­ரும் கொவிட்-19 தடுப்­பூசி போட்­டுக்­கொள்ள வேண்­டி­ய­தும் முக்­கி­யம் என்­றும் வலி­யு­றுத்­தப்­பட்­டது.

நிகழ்ச்­சி­யின்­போது 'டிஜிட்­டல்­போர்ட்@எஸ்ஜி ஃபேஸ் 2' எனும் மின்­னி­லக்க முறையை அமைச்­சர் ஓங் அறி­மு­கப்­ப­டுத்­தி­னார். இதன்­மூ­லம் ஆத­ரவு, திட்­ட­மி­டல் சேவை­கள் விரை­வு­ப­டுத்­தப்­பட்டு, கப்­பல்­கள் இங்கு நின்று செல்­லும் நேரம் குறை­யும்.