பெட்ரோல் குண்டு வீசியதாக ஆடவர் ஒப்புதல்

தமது முன்­னாள் மனை­வி­யின் தரை­வீட்­டிற்­குள் பெட்­ரோல் குண்டு வீசி­யதை ஆட­வர் ஒரு­வர் ஒப்­புக்­கொண்டா். அந்த 32 வயது பெண்­ணின் வீட்­டுச் சுவ­ரை­யும் உண­வக மேலா­ள­ரா­கப் பணி­பு­ரி­யும் 36 வயது இஸ்­மா­யில் டிடே இப்­ரா­ஹிம் சேதப்­ப­டுத்­தி­னார்.

தமது முன்­னாள் மனைவி கடன்­மு­த­லை­யி­ட­மி­ருந்து கடன் வாங்­கா­த­போ­தி­லும் அவரை அவ­மா­னப்­ப­டுத்­தும் வகை­யில் வீட்­டுச் சுவ­ரில் 'வாங்­கிய கட­னைத் திருப்­பிக் கொடுக்­க­வும்' என்ற வாச­கத்தை சாயத்­தால் கிறுக்­கி­னார்.

இந்த வாச­கத்­தைப் பார்த்து அந்­தப் பெண்­ம­ணிக்கு கடன்­மு­தலை தொல்லை கொடுப்­ப­தாக விசா­ரணை நடத்­திய போலிஸ் அதி­கா­ரி­கள் முத­லில் நினைத்­த­னர்.

வீட்­டிற்­குள் வீசப்­பட்ட பெட்­ரோல் வெடி­குண்­டால் யாரும் காயம் அடை­ய­வில்லை. ஆனால் அந்­தச் சம்­ப­வம் இஸ்­மா­யி­லின் முன்­னாள் மனை­வியை வெகு­வா­கப் பாதித்­தது. இதன் கார­ண­மாக மன­நல ஆலோ­ச­க­ரைப் பார்க்­கும் நிலை அவ­ருக்கு ஏற்­பட்­டது.

பாது­காப்பை வலுப்­ப­டுத்த தெலுக் குராவ் வட்­டா­ரத்­தில் உள்ள தமது தரை­வீட்­டைச் சுற்றி அவர் கண்­கா­ணிப்பு கேம­ராக்­க­ளைப் பொருத்­தி­யுள்­ளார். இதற்கு அவர் ஏறத்­தாழ $600 செலவு செய்­தார்.

அது­மட்­டு­மல்­லாது, சுவ­ரில் ஏற்­பட்ட சேதத்தை சரி­செய்ய கிட்­டத்­தட்ட $6,000 செல­வா­ன­தாக அர­சாங்க வழக்­க­றி­ஞர் கூறி­னார்.

இழப்­பீட்­டுத் தொகை­யாக தமது முன்­னாள் மனை­விக்கு இஸ்­மா­யில் $5,000 தந்­துள்­ளார். அத்­து­டன் தமது முன்­னாள் மனை­வி­யின் விருப்­பப்­படி மூன்று அற­நி­று­வ­னங்­க­ளுக்கு $3,000 நன்­கொடை அளித்­துள்­ளார்.

பாதிக்­கப்­பட்ட பெண்­ணும் இஸ்­மா­யி­லும் 2017ஆம் ஆண்­டில் திரும­ணம் செய்­து­கொண்­ட­னர். ஆனால் இரண்டு ஆண்­டு­கள் கழித்து இரு­வ­ரும் மண­மு­றிவு பெற்றனர். $20,000 பிணை­யில் இஸ்­மா­யில் விடு­விக்­கப்­பட்­டுள்­ளார். இந்த வழக்கு தொடர்­பாக வரும் ஜூன் மாதம் 21ஆம் தேதி­யன்று தீர்ப்பு அளிக்­கப்­படும்.

குற்­றம் நிரூ­பிக்­கப்­பட்­டால் இஸ்­மா­யி­லுக்கு ஏழு ஆண்­டு­கள் வரை சிறைத் தண்­ட­னை­யும் அப­ரா­த­மும் விதிக்­கப்­ப­ட­லாம்.