மாணவர் முரசு
இ-பேப்பர்
சிங்கப்பூர் இந்திய வர்த்தக, தொழில் சபை (சிக்கி), அனைத்துலக வர்த்தகக் கட்டமைப்பான 'புரோக்ஸ்டேரா'வுடன் இணைந்து பெரும் வர்த்தகக் கட்டமைப்பு ஒன்றை உருவாக்கவுள்ளது.
இணையத்தளங்களை மேலும் சிறப்பாகப் பயன்படுத்த அறிவதுடன் புதுப்புது வாய்ப்புகளைக் கண்டறிய சிக்கி அதன் உறுப்பினர்களுக்கு உதவும் வகையில் வர்த்தக ஆவணச் சேவைகளை இக்கட்டமைப்பு வழி உருமாற்றவுள்ளதாகக் கூறப்படுகிறது.
அனைத்துலக அளவில் சிங்கப்பூர் அதன் முக்கியத்துவத்தைத் தக்கவைத்துக்கொள்ள சிக்கி போன்ற வர்த்தக அமைப்புகள் இவ்வாறு உதவலாம் என்றார் சிக்கி தலைவர் டி.சந்துரு.
நிதி இரண்டாம் அமைச்சர் இந்திராணி ராஜாவும் டாக்டர் சந்துருவும் நேற்று நடைபெற்ற கலந்துரையாடல் அமர்வில் பேசிய பிறகு, சிக்கி மற்றும் புரோக்ஸ்டேரா இரண்டும் புரிந்துணர்வு ஒப்பந்தத்தில் கையெழுத்திட்டன.
இந்த பங்காளித்துவத்தால் மேலும் பெரிதளவிலான வர்த்தகச் சூழலுடன் தொழில்முனைவர்கள் இணைந்து, கட்டமைப்பின் பலனை அடைவார்கள் என்றார் டாக்டர் சந்துரு.