இடைக்கால வீவக வாடகை வீட்டுக்கான தேவை கூடியது

கொவிட்-19 சூழல் கார­ண­மாக பிடிஓ எனப்­படும் தேவைக்­கேற்ப கட்­டப்­படும் வீடு­க­ளுக்­கான கட்­டு­மா­னம் தாம­தம் அடைந்­த­தைத் தொடர்ந்து, இடைக்­கால வீவக வாடகை வீடு­க­ளுக்­கான தேவை கடந்த ஆண்டு அதி­க­ரித்­து­விட்­டது.

பிபி­எச்­எஸ் எனப்­படும் பெற்­றோர்­ப­ருவ தற்­கா­லிக வீட­மைப்­புத் திட்­டத்­தின்­கீழ் கடந்த ஆண்டு வீட­மைப்பு வளர்ச்­சிக் கழ­கத்­துக்கு 2,350 விண்­ணப்­பங்­கள் வந்­தன. அதற்கு முந்­திய ஆண்­டான 2019ல் இந்த விண்­ணப்­பங்­க­ளின் எண்­ணிக்கை 1,370 ஆக இருந்­தது. இந்த விவ­ரங்­களை தேசிய வளர்ச்சி அைமச்சு கடந்த செவ்­வாய்க்­கி­ழமை நாடா­ளு­மன்­றத்­தில் எழுத்­து­பூர்­வ­மான பதி­லில் குறிப்­பிட்டு இருந்­தது.

2,350 விண்­ணப்­பங்­கள் வந்­த­போ­தி­லும் கடந்த ஆண்டு பிபி­எச்­எஸ் திட்­டத்­தின் கீழ் வழங்க 160 வீடு­கள் மட்­டுமே காலி­யாக இருந்­தன.

அத­னால் விண்­ணப்­பித்த பெரும்­ பா­லா­னோ­ருக்கு வீடு கிடைக்­க­வில்லை.

புதிய பிடிஓ வீடு­களை வாங்­கி­யோர் அந்த வீடு­கள் கட்டி முடிக்­கப்­படும் வரை இடைக்­கா­லத்­தில் தங்கி இருக்க பிபி­எச்­எஸ் திட்­டம் கைகொ­டுக்­கிறது. அதற்­கான வீடு­கள் குலுக்­கல் முறை­யில் தேர்ந்­தெ­டுத்து வழங்­கப்­ப­டு­கின்­றன. இத்­த­கைய வீடு­க­ளுக்­கான வாடகை அறை­க­ளை­யும் இடங்­க­ளை­யும் பொறுத்து வேறு­ப­டு­கிறது.

மார்­சி­லிங் பகு­தி­யில் ஈரறை வீட்­டின் வாடகை $400. அதே

­நே­ரம் ஹவ்­காங்­கில் மூவறை வீட்­டின் வாடகை $600. தியோங் பாரு வட்­டார நான்­கறை வீட்­டிற்­கான இடைக்­கால வாடகை $1,500.

இந்த வீடு­க­ளுக்­கான விண்­ணப்­பங்­கள் அதி­க­ரித்த அதே­வேளை தேர்ந்­தெ­டுக்­கப்­பட்­டோ­ரில் 40 விழுக்­காட்­டி­னர் வீட்­டைத் தேர்வு செய்ய வரு­வ­தில்லை என்று அமைச்சு தெரி­வித்­தது. எல்லா விண்­ணப்­ப­தா­ரர்­க­ளுக்­குமே உட­ன­டி­யாக வீடு தேைவப்­ப­டா­மல் இருந்­தி­ருக்­க­லாம் அல்­லது அவர்­கள் வேறு தெரி­வு­க­ளைக் கொண்­டி­ருந்திருக்கலாம் என்­றது அமைச்சு.

தற்­போது சிங்­கப்­பூர் முழு­வ­தும் 110 ஈரறை வீடு­கள், 570 மூவறை வீடு­கள், 60 நான்­கறை வீடு­கள் பிபி­எச்­எஸ் திட்­டத்­தின்கீழ் இடம்­பெற்றுள்­ளன.

தற்­கா­லிக வீடு தேவைப்­படும் குடும்­பங்­க­ளுக்கு அதி­கத் தெரி­வு­க­ளை­யும் சீரான விநி­யோ­கத்­தை­யும் நோக்­கிச் செயல்­பட்டு வரு­

வ­தாக வீவக தெரி­வித்­தது. பிடிஓ கட்­டு­மா­னத் திட்­டங்­களில் ஏற்­பட்ட தாம­தம் இத்­த­கைய வீடு­க­ளுக்­கான தேவையை அதி­க­ரித்­து­விட்­டது. தற்­போது கட்­டு­மா­னப் பணி­களில் ஈடு­பட்­டி­ருக்­கும் 89 திட்­டங்­களில் கிட்­டத்­தட்ட 85 விழுக்­காடு ஆறு மாதம் முதல் ஒன்­பது மாதம் வரை­யிலான தாம­தத்­தைச் சந்­தித்­தன. அதன் காரணமாக 43,000 குடும் பங்கள் பாதிப்புக்குள்ளாயின.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!