நீடித்த பொருளியல் பாதிப்பைத் தவிர்ப்பதே சவால்

கொவிட்-19 சூழலிலிருந்து சிங்கப்பூர் மீண்டுவருவது தொடர்பில் துணைப் பிரதமர் ஹெங் சுவீ கியட்

கொவிட்-19 கொள்­ளை­நோ­யைக் கட்­டுப்­ப­டுத்த சிங்­கப்­பூர் உட்­பட உல­க­ நா­டு­கள் பல முயன்று வரு­கின்­றன. ஆனால் இது நீண்ட, நிச்­ச­ய­மற்ற ஒரு போர் என்­பதை அனைத்து நாடு­களும் நினை­வில் கொள்ள வேண்­டும்.

"உண்­மை­யில், அதிக வீரி­ய­முள்ள கிரு­மி­யு­டன் நாம் போரா­டு­கி­றோம். நம் தற்­காப்­பில் ஒரு குறைபாடு இருந்­தால்­கூட, கிருமி உள்ளே புகுந்து அதி­வே­க­மா­கப் பெரு­கி­வி­டு­கிறது," என்­றார் துணைப் பிர­த­மர் ஹெங் சுவீ கியட்.

'ஆசி­யா­வின் எதிர்­கா­லம்' தொடர்­பில் இணை­யம் வாயி­லாக நடை­பெற்ற 26வது அனைத்­து­லக மாநாட்­டில் நேற்று காலை பேசிய திரு ஹெங், உடனே எதிர்­கொள்ள வேண்­டிய சவால் என்ன என்­ப­தை­யும் விளக்­கி­னார். கொவிட்-19 கிரு­மித்­தொற்­றைக் கட்­டுப்­ப­டுத்­து­வது, பொரு­ளி­ய­லில் ஏற்­ப­டக்­கூ­டிய நீடித்த பாதிப்­பைத் தவிர்ப்­பது ஆகி­ய­வையே அவை என்­றார்.

கடந்த ஆண்டு கொவிட்-19 ஆத­ரவு தொடர்­பான ஐந்து வர­வு­செ­ல­வுத் திட்­டங்­க­ளுக்­காக அர­சாங்­கம் கிட்­டத்­தட்ட 100 பில்­லி­யன் வெள்­ளியை ஒதுக்­கி­யது. இந்­தத் தொகை, மொத்த உள்­நாட்டு உற்­பத்­தி­யில் 20% ஆகும்.

இத்­த­கைய விரி­வான ஆத­ரவை நல்­கி­ய­தன் கார­ணத்­தை­யும் திரு ஹெங் பகிர்ந்­து­கொண்­டார்.

"நிறு­வ­னங்­களை மூடி­னாலோ ஊழி­யர்­களை ஆட்­கு­றைப்பு செய்­தாலோ நிலைமை மேம்­பட்­டா­லும் மீண்­டு­வ­ரும் பய­ணம் கடி­ன­மா­ன­தாக இருக்­கும். அத­னால் அந்த ஆற்­ற­லைத் தக்­க­வைத்­துக்­கொள்­வது மிக முக்­கி­யம்," என்­றார்.

அதே சம­யம் மின்­னி­லக்­க­ம­ய­மா­தல் முதல் நீடித்த நிலைத்­தன்மை வரை­யில் கொவிட்-19 பல்­வேறு மாற்­றங்­க­ளைத் துரி­தப்­ப­டுத்­தி­ய­தை­யும் அவர் சுட்­டி­னார்.

இதற்­கா­கவே, எதிர்­கா­லப் பொரு­ளி­யல் மன்­றத்­தின் கீழ் தொழில்­துறை உரு­மாற்ற வரை­வுத் திட்­டங்­கள் 2016ல் தொடங்­கப்­பட்­ட­தாக அவர் குறிப்­பிட்­டார். உற்­பத்தி, கட்­ட­டச் சூழல், வர்த்­த­கம் மற்­றும் இணைப்­புத்­தன்மை, அத்­தி­யா­வ­சிய உள்­நாட்­டுச் சேவை­கள் என மொத்­தம் 23 தொழில்­து­றை­கள் உரு­மாறு­வ­தற்­கான வருங்­கா­லத் திட்­டங்­களே இவை. கொவிட்-19க்குப் பிந்­திய உல­கில் புது வாய்ப்­பு­க­ளைப் பயன்­ப­டுத்­திக்­கொள்ள, இந்த வரை­வுத் திட்­டங்­கள் மீண்­டும் புது­வ­டி­வம் காணும். மேலும் வலிமை பெற்று எழு­வ­தற்­கான பணிக்­குழு முன்­வைக்­கும் பரிந்­து­ரை­க­ளைச் சேர்த்­துக்­கொள்­வ­து­டன் ஆராய்ச்சி, புத்­தாக்­கம் ஆகிய அம்­சங்­கள் வரை­வுத் திட்­டங்­களில் மேலும் நன்கு ஒருங்­கி­ணைக்­கப்­படும். அத்­து­டன் வேலை­கள், திறன்­கள் ஆகி­ய­வற்­றி­லும் புதிய வரை­வுத் திட்­டங்­கள் கவ­னம் செலுத்­தும்.

"பல பொரு­ளி­யல் நட­வ­டிக்­கை­கள் நடந்­தே­றும் விதம் தொடர்­பான விதி­மு­றை­களை கொவிட்-19 மாற்றி­விட்­டது. மேலும் வலிமை பெற்று எழு­வ­தற்­கான பணிக்­குழு தந்­துள்ள அறிக்­கை­யைக் கொண்டு நம் திட்­டங்­களில் அதை இணைப்­பேன்," என்­றார் துணைப் பிர­த­மர் ஹெங்.

அமெ­ரிக்க, சீன உற­வில் உல­கின் கவ­னம் இருந்­தா­லும் சிங்­கப்­பூர் அதன் பங்­கா­ளி­க­ளு­டன் கொண்­டுள்ள நல்­லு­ற­வு­ அதை­யும் தாண்­டி­யது என்­றார் திரு ஹெங். பயன்­மிக்க போட்­டித்­தன்­மை­யால் புத்­தாக்­கம் வளர்­வ­து­டன் புதுத் தீர்­வு­களும் பிறக்­கும் என்று அவர் வலி­யு­றுத்­தி­னார்.

"அனைத்­து­லக உற­வு­கள் எனும் நிலை­யில் அனை­வ­ரை­யும் உள்­ள­டக்­கிய ஒரு திறந்த அணு­கு­முறையை நாம் கடைப்­பி­டிப்­போம் என்­பதே என் விருப்­பம்," என்­றார் அவர்.

அனைத்­து­லக ஒத்­து­ழைப்பு,

திட­மான உலக ஒழுங்கு அவ­சி­யம்

இந்­நி­லை­யில், அனைத்­து­லக ஒத்­து­ழைப்பை வலு­ப­டுத்­திக்­கொள்­ளா­வி­டில் உல­க­நா­டு­கள் தீரா தொற்று அலை­களில் சிக்­கிக்­கொள்­ளும் என்­றார் திரு ஹெங். திட­மான அனைத்­து­லக ஒழுங்­கு­முறை இருந்­தால் மட்­டுமே இந்த ஒத்­துழைப்பு சாத்­தி­யம் என்­றார் அவர்.

வல்­ல­ர­சு­க­ளுக்கு இடையே கருத்து வேறு­பா­டு­கள் நில­வு­வ­தும் செல்­வாக்கு தொடர்­பில் போட்டி ஏற்­ப­டு­வ­தும் வழக்­க­மா­னது என்று குறிப்­பிட்ட திரு ஹெங், அந்­தப் போட்டி ஆக்­க­பூர்­வ­மான முறை­யில் நடப்­ப­து­டன் நம்­பிக்­கையை வளர்ப்­ப­தா­க­வும் அமைய வேண்­டும் என்­றார். இது பதற்­ற­நி­லை­யைப் போக்­கு­வ­து­டன் ஒத்­து­ழைக்க மறுத்து அது பின்­னா­ளில் ஆயு­தம் ஏந்­திய மோத­லில் முடி­யா­மல் இருப்­ப­தை­யும் தவிர்க்­கும் என்­றார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!