மாணவர் முரசு
இ-பேப்பர்
சமூகத்தில் கொவிட்-19 கிருமித்தொற்றுகள் அதிகரித்து வரும் வேளையில், காற்றில் மிதக்கும் நீர்த்துகள்கள் மூலம் கிருமி பரவும் சாத்தியம் உண்டு என்று ஆதாரங்கள் காட்டுவதால், பொதுமக்கள் கிருமிப் பரவலைத் தடுக்க வடிகட்டும் ஆற்றலுடைய, பாதுகாப்பான முகக்கவசங்களை அணியுமாறு மருத்துவ நிபுணர்கள் ஆலோசனை கூறியுள்ளனர்.
பாதுகாப்பான முகக்கவசங்களை எவ்வாறு தேர்ந்தெடுப்பது என்பதுபற்றி நேற்றைய ஸ்ட்ரெய்ட்ஸ் டைம்ஸ் நாளிதழில் ஒரு வழிகாட்டி விளக்கச் செய்தி வெளியிடப்பட்டது.
அதிக ஆற்றலுடைய வடிகட்டி என்றால் என்ன?
காற்றில் மிதக்கும் நீர்த் துகள் களிலிருந்து சிறந்த முறையில் பாதுகாக்கும் முகக்கவசத்தை வைத்து அதன் வடிகட்டும் ஆற்றல் மதிப்பிடப்படுகிறது.
ஒரு பாதுகாப்பான முகக்கவசம் என்றால், அது மருத்துவ தரநிலை களைக் கொண்டிருக்க வேண்டும். காற்றில் மிதக்கும் நீர்த்துகள்கள் 95% அளவில் நமது சுவாசத்தில் கலப்பதை அது தடுக்கவேண்டும்.
எந்த முகக்கவசத்தை நான் அணிய வேண்டும்?
நீங்கள் மருத்துவ ரீதியில் அங்கீ கரிக்கப்பட்ட முகக்கவசத்தை அணியலாம் அல்லது மக்கள் கழகம், தெமாசெக் அறநிறுவனம் ஆகியவை நாடு முழுவதும் வழங்கிய முகக்கவசங்களை அணியலாம். DET முகக்கவசம், Proshield முகக்கவசம், Livinguard முகக்கவசம் ஆகியவையும் பொருத்தமானவையே. இரண்டு அடுக்கு கொண்ட துணியால் ஆன முகக்கவசத்தையும் பயன்படுத்தலாம்.
எந்த முகக்கவசத்தை நான் அணியக்கூடாது?
ஓர் அடுக்கு உள்ள முகக்கவசம் அல்லது சுவாச வெளியேற்ற அடைப்பான்கள் உள்ள முகக்கவசத்தை அணியக்கூடாது. மற்ற முகக்கவசங்களில் உள்ள பாதுகாப்பு அம்சங்கள் அவற்றில் இல்லை. சுவாச வெளியேற்ற அடைப்பான்கள் உள்ள முகக்கவசங்கள் புகைமூட்டப் பிரச்சினையின்போது கைகொடுக்கலாம். ஆனால், கிருமித்தொற்றுக்கு ஆளான ஒருவர் இருமும்போதோ தும்மும்போதோ, காற்றில் மிதக்கும் நீர்த்துகள்கள் அந்த சுவாச வெளியேற்ற அடைப்பான்கள் வழி உங்கள் சுவாசத்துக்குள் சென்றுவிடும் அபாயம் உண்டு.
எனது முகக்கவசத்தை எத்தனை நாட்களுக்கு ஒரு முறை கழுவ வேண்டும்?
உங்கள் சருமத்தில் ஒட்டிக்கொண்டிருக்கக்கூடிய நுண்ணுயிர்கள் உங்கள் முகக்கவசத்தில் படிந்திருக்கக்கூடும் என்பதால், ஒரு நாளைக்கு ஒரு முறை அதைக் கழுவ வேண்டும். சோப்பு, இளம் சுடுநீர் ஆகியவற்றைக் கொண்டு கைகளால் முகக்கவசத்தைக் கழுவ வேண்டும்.
முகக்கவசங்களை எத்தனை முறை கழுவி மீண்டும் பயன் படுத்த முடியும் என்ற வழிகாட்டிக்கு ஏற்ப, அவற்றைப் பயன்படுத்திய பிறகு அப்புறப்படுத்த வேண்டும். காரணம், குறிப்பிட்ட மறுபயனீட்டுக் காலத்துக்குப் பின் அவற்றின் வடிகட்டும் ஆற்றல் குறைந்துவிடும்.
உதாரணத்துக்கு, தெமாசெக் அறநிறுவனம் வழங்கிய Livinguard முகக்கவசத்தை வாரத்துக்கு ஒரு முறை கழுவ வேண்டும்.
அந்த வகையில் தினந்தோறும் அவற்றை அணிந்த பிறகு வாரத்துக்கு ஒரு முறை கழுவுகிறீர்கள் என்று வைத்துக்கொள்வோம். அவ்வாறு 30 முறை கழுவிய பிறகு, அதாவது ஏழு மாதங்கள் நாள்தோறும் அணிந்த பிறகு அவற்றை அப்புறப்படுத்தி விடலாம்.
நீங்கள் விருப்பப்பட்டால் ஒவ்வொரு நாளுக்குப் பின்னும் அந்த முகக்கவசத்தைக் கழுவலாம். அப்படி செய்தால் அதன் தாக்குப்பிடிக்கும் தன்மை குறைந்து விடும்.
உருமாறிய கிருமிகள் பரவி வருவதால், நான் 2 முகக்
கவசங்களை அணியலாமா?
தேவையில்லை. நீங்கள் நல்ல, தரமான, மூக்கையும் வாயையும் மூடக்கூடிய முகக்கவசத்தைப் பயன்படுத்தி வந்தால் போதுமானது.
நீங்கள் மூடப்பட்ட இடத்துக்கோ கூட்ட நெரிசல் உள்ள இடங் களுக்கோ செல்வதாக இருந்தால், மருத்துவ ரீதியிலான முகக்கவசத்தை அல்லது வடிகட்டிகள் உள்ள ஈரடுக்கு கொண்ட துணியால் ஆன முகக்கவசத்தை அணிந்து செல்வது சிறந்தது.
உங்களுடன் ஒருவர் மட்டுமே உடன் செல்வதையும் அத்தியாவசிய நடவடிக்கைகளுக்கு மட்டுமே செல்வதையும் உறுதிப்படுத்திக்கொள்ளுங்கள்.