சாதாரண குளிர்பதன வெப்பநிலையில் 'ஃபைசர்' தடுப்பூசி ஒரு மாத காலமாக வைக்கப்படலாம்

ஃபைசர் நிறு­வ­னத்­தின் கொவிட்-19 தடுப்­பூ­சியை 2 முதல் 8 டிகிரி செல்­சி­ய­ஸுக்கு இடைப்­பட்ட சாதா­ரண குளிர்­ப­த­னப் பெட்டி வெப்­ப­நி­லை­யில் ஒரு மாத காலம் வரை சேமித்து வைத்­தி­ருக்க சுகா­தார அறி­வி­யல் ஆணை­யம் ஒப்­பு­தல் அளித்­துள்­ளது.

சிங்­கப்­பூ­ரின் தேசிய அள­வி­லான தடுப்­பூ­சித் திட்­டத்தை ஒருங்­கி­ணைக்க இந்த நட­வ­டிக்கை உத­வும் என்று கூறப்­ப­டு­கிறது.

அமெ­ரிக்க உணவு, மருந்து நிர்­வா­கத் துறை கடந்த வாரம் இது­போன்ற முடிவு எடுத்­தி­ருந்­த­தைத் தொடர்ந்து சுகா­தார அறி­வி­யல் ஆணை­யம் இதற்கு ஒப்­பு­தல் தெரி­வித்­துள்­ளது.

கடந்த டிசம்­ப­ரில் ஃபைசர்-பயோ­என்­டெக் தடுப்­பூ­சிக்கு ஒப்­பு­தல் அளிக்­கப்­பட்­டி­ருந்­தது. அந்­தத் தடுப்­பூ­சி­யைச் சேமித்து வைப்­ப­தற்­கான நிபந்­த­னை­கள் கடு­மை­யா­ன­தாக இருந்­தன.

உறை­நி­லைக்­குக் கீழ் 70 டிகிரி செல்­சி­யஸ் வெப்­ப­நி­லை­யில் தடுப்­பூ­சி­யைச் சேமித்து வைக்க வேண்­டி­யி­ருந்­தது. சாதா­ரண குளிர்­ப­த­னப் பெட்­டி­யின் வெப்­ப­நி­லை­யில் ஐந்து நாட்­கள் வரை சேமித்து வைக்­க­லாம் என்று தெரி­விக்­கப்­பட்­டி­ருந்­தது.

ஃபைசர் தடுப்­பூ­சி­யைச் சாதா­ரண உறை­வூட்டி வெப்­ப­நி­லை­யில் (உறை­நி­லைக்­குக் கீழ் 20 டிகிரி செல்­சி­யஸ்) இரு வாரங்­கள் வரை சேமித்து வைக்­க­லாம் என்று சுகா­தார அறி­வி­யல் ஆணை­யம் பிப்­ர­வ­ரி­யில் தெரி­வித்­தி­ருந்­தது.