இந்த ஆண்டின் சாலைப் பாதுகாப்பு மாதம் தொடக்கம்

சிங்­கப்­பூர் சாலைப் பாது­காப்பு மாதம் 2021 இயக்­கம் நேற்று தொடங்­கி­யது.

நிலப் போக்­கு­வ­ரத்து ஆணை­யம், கல்வி அமைச்சு, மக்­கள் கழ­கம், சிங்­கப்­பூர் மோட்­டார் வாகனச் சங்­கம் ஆகி­ய­வற்­றின் ஆத­ர­வு­டன் சிங்­கப்­பூர் சாலை பாது­காப்பு மன்­ற­மும் போக்கு வரத்து போலி­சும் 'அனை­வ­ருக்­கும் சாலைப் பாது­காப்பு' என்ற கருப்­பொ­ரு­ளு­டன் அந்த இயக்­கத்­தைத் தொடங்கி உள்­ளன.

சாலைச் சந்­திப்­பு­களில் செயல்­படும் சிவப்பு விளக்­கு­கள், அள­வுக்கு அதிக வேகத்­தில் செல்­வது ஆகி­யவை தொடர்­பான புரிந்­து­ணர்வை மேம்­ப­டுத்­த­து­வ­தில் இந்த இயக்­கம் ஒரு­மித்த கவ­னம் செலுத்­தும்.

பொது போதனைத் திட்­டத்தை ஒட்டி இரண்டு காணொ­ளி­கள் தயா­ரிக்­கப்­பட்டு உள்­ளன. அவை ஃபேஸ்புக், யூடி­யூப் உள்­ளிட்ட தளங்­க­ளி­லும் தேசிய தொலைக்­காட்­சி­லும் இடம்­பெ­றும்.

சாலை­யில் மோட்­டார்­ வா­க­னங்­கள் வரு­வ­தைப் பார்த்து பாது­காப்­பாக வாக­னம் ஓட்­டிச் செல்­வது முக்­கி­ய­மா­னது என்­பதைப் புரி­ய­வைக்க 'பாது­காப்­பான மோட்­டார் ஓட்­டு­நரை அடை­யா­ளம் காணு­தல்' என்ற ஒரு­ மாத கால செயல்­திட்­டம் ஜூன் 27 வரை நடப்­பில் இருக்­கும். அதன்­படி சாலை­களில் விதி­களை மீறா­மல் செல்­லும் வாகன ஓட்­டு­நர்­க­ளுக்கு வெகு­ம­தி­கள் கிடைக்­கும்.

உள்­துறை, தேசிய வளர்ச்சி துணை அமைச்­சர் இணைப் பேரா­சி­ரி­யர் டாக்­டர் முகம்­மது ஃபைசல் இப்­ரா­ஹிம், சாலை பாது­காப்பு மாதம் தொடக்க நிகழ்ச்­சி­யில் கலந்­து­கொண்டார்.