இதர வகை தடுப்பூசிகளையும் சுகாதார அமைச்சு அனுமதிக்கும்

சிங்­கப்­பூ­ரில் தடுப்­பூசி போட்­டுக்­கொள்­ளும் மக்­கள் அளவைக் கூடு­மான அள­வுக்கு வேக­மாக அதி­க­ரிக்க வகை செய்­யும் முயற்­சி­களை ஒட்டி சிறப்பு வழி ஏற்­பாடு மூலம் இதர வகை கொவிட்-19 தடுப்­பூ­சி­கள் இங்கு வர சுகா­தார அமைச்சு அனு­ம­திக்­கும்.

ஜான்­சன் அண்ட் ஜான்­சன், ஆக்ஸ்­போர்ட் ஆஸ்ட்ராஸெனகா, சினோ­ஃபாம் ஆகி­யவை இந்த இதர ஊசி மருந்­து­களில் அடங்­கும். தனி­யார் சுகா­தாரப் பரா­ம­ரிப்பு துறை மூலம் அவை பெறப்­படும்.

சிறப்பு வழி ஏற்­பாடு என்­பது பதிவு செய்­யப்­ப­டாத மருந்­து­களை இறக்­கு­மதி செய்து விநி­யோ­கிக்க அனு­ம­திக்­கும் இப்­போ­தைய நடை­மு­றை­யா­கும். சிங்­கப்­பூ­ரில் இரண்டு நிறு­வ­னங்­க­ளின் தடுப்­பூ­சிக்கு சுகா­தார அமைச்சு இப்­போது அங்கீகாரம் வழங்கி இருக்­கிறது.

ஃபைசர் பயோ­என்­டெக், மொடர்னா ஆகிய அந்த இரண்டு ஊசி மருந்­தும் தேசிய தடுப்­பூ­சித் திட்­டத்­தில் பயன்­ப­டுத்­தப்­ப­டு­கின்­றன. பல்­வேறு மருத்­து­வக் கார­ணங்­க­ளுக்­காக சிலர் இந்­தத் தடுப்­பூ­சி­க­ளைப் போட்­டுக்­கொள்ள முடி­ய­வில்லை.

உலக சுகா­தார நிறு­வ­னம் அவசர உதவிப் பட்­டி­ய­லில் அங்­கீ­கரித்­துள்ள கொவிட்-19 தடுப்­பூசி மருந்­து­கள் இங்கு கிடைக்க இந்த சிறப்பு வழி ஏற்­பாட்­டைப் பயன்­படுத்த அதி­கா­ரி­கள் அனு­மதி வழங்கு­வார்­கள்.

இந்தத் தடுப்பூசி­களை உலக சுகா­தார நிறு­வ­னம் அங்கீ­ரித்­துள்ள நெறிமுறை­க­ளின்­ப­டி­, யாருக்­குப் பொருத்­தமோ அவர்­க­ளுக்­குப் பயன் ­ப­டுத்த வேண்­டும்.

தடுப்­பூசி பட்­டி­ய­லில் இடம்­பெற்­ற­தும் அந்த மருந்தை உரி­மம் பெற்ற தனி­யார் சுகா­தார பரா­ம­ரிப்பு நிறு­வ­னம் இங்கு கொண்­டு­வந்து தனிப்­பட்­ட­வர்­க­ளுக்­குப் போட­லாம் என்று சிறப்­புப் பணிக்­கு­ழு­வின் தலை­வர்­களில் ஒரு­வ­ரான சுகா­தார அமைச்­சர் ஓங் யி காங் நேற்று நடந்த செய்­தி­யா­ளர்­கள் கூட்­டத்­தில் தெரி­வித்­தார்.

உலக சுகா­தார நிறு­வ­னத்­தின் பட்­டி­ய­லில் சினோ­வாக் தடுப்­பூசி இடம்­பெற்­றால் அதைப் பயன்­படுத்­தலாம். சிங்­கப்­பூ­ருக்கு இந்த ஆண்டு பிப்­ர­வ­ரி­யில் இந்­தத் தடுப்­பூசி வந்­தது.

உலக சுகா­தார நிறு­வ­னம் தனது அவ­சர பய­னீட்­டுப் பட்­டி­ய­லில் சினோ­வாக் மருந்­தைச் சேர்த்­தால் அதைத் தரு­விக்க அனு­ம­திக்­கும்­படி கேட்டு உரி­மம் பெற்­றுள்ள சுகா­தார பரா­ம­ரிப்பு நிறு­வ­னம் அமைச்­சுக்­குக் கோரிக்கை விடுக்­க­லாம்.

இப்­போது கைவ­சம் உள்ள 200,000 குப்பி தடுப்­பூசி மருந்தை விரும்­பு­வோ­ருக்­குப் போட­லாம் என்று அமைச்­சர் கூறி­னார்.

சிறப்பு வழி ஏற்­பாட்­டைப் பயன்­படுத்தி பதி­யப்­ப­டாத தடுப்­பூசி மருந்தை கொண்­டு­வ­ரு­வது ஒரு குறிப்­பிட்ட காலத்­திற்கு மட்­டுமே அனு­ம­திக்­கப்­படும். இந்த ஏற்­பாட்­டின் கீழ் போடப்­படும் தடுப்­பூ­சிக்கு அர­சாங்­கம் மானி­யம் கொடுக்­காது.

இதன்­படி ஊசி போட்­டுக்­கொள்­வோ­ருக்­குப் பாதிப்பு ஏதேனும் ஏற்­பட்­டால் அவர்­கள் அர­சாங்கத்தின் தடுப்பூசி பாதிப்பு நிதி உதவிச் செயல்திட்டத்தின்கீழ் இழப்பீடு எதை­யும் கோர முடி­யாது என்பது குறிப்பிடத்தக்கது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!