மாணவர் முரசு
இ-பேப்பர்
கொரோனா கிருமித்தொற்று பரவல் காலத்தில் சிங்கப்பூரில் பொதுமக்களைக் குறிவைத்துத் தொடர்ந்து மோசடி செய்து வந்த கும்பல்களின் கவனம் தற்போது தடுப்பூசியின் பக்கம் திரும்பி உள்ளது.
அண்மைக் காலமாக சீனாவிலிருந்து அதிகாரிகள் பேசுவதுபோல இங்குள்ள மக்கள் தவறு செய்ததாக மிரட்டி ஆள்மாறாட்ட மோசடி செய்த சம்பவங்கள் பற்றி புகார்கள் செய்யப்பட்டன.
கிட்டத்தட்ட அதே மாதிரியான மோசடி நடவடிக்கைகளில் சில கும்பல்கள் ஈடுபட்டு வருகின்றன.
தனது அமைச்சின் அதிகாரிகள் போல பேசி தடுப்பூசி தொடர்பான மோசடிகள் செய்யப்பட்டு வருவதாக இவ்வாண்டின் தொடக்கத்திலேயே சுகாதார அமைச்சு எச்சரிக்கை செய்திருந்தது.
தடுப்பூசிக்குப் பதிவு செய்ய உதவுவதுபோல அந்த மோசடிப் பேர்வழிகள் முன்வருகிறார்கள் என்றும் அவர்கள் பயன்படுத்தும் இணையத்தளங்கள், மின்னஞ்சல் முகவரிகள், குறுந்தகவல்கள் மற்றும் தொலைபேசி அழைப்புகள் ஆகியன பற்றி தான் அறிந்திருப்பதாகவும் அமைச்சு கூறியிருந்தது.
ஆக அண்மையில் மோசடியைச் சந்தித்த ஒருவர், மோசடிக்கு எதிரான scamalert.sg என்னும் அரசாங்க இணையத்தளத்தில் புகார் ஒன்றைப் பதிவு ெசய்திருந்தார். தேசியக் குற்றத் தடுப்பு மன்றம் இந்த இணையத்தளத்தை நிர்வகிக்கிறது.
மே 19ஆம் தேதி பதிவு செய்யப்பட்ட அந்தப் புகாரில், சுகாதார அமைச்சில் இருந்து பேசுவதுபோல மர்ம நபர் தொடர்புகொண்டு தடுப்பூசி பெறுவதற்கு உதவி செய் வதாகவும் அதற்காக தொலை
பேசியில் '9' என்னும் எண்ணை அழுத்துமாறும் தம்மைக் கேட்டுக்கொண்டாகக் கூறினார்.
அந்தத் தானியக்க குரல் தகவல் ஆங்கிலம், மலாய் ஆகிய மொழிகளில் இருந்ததாகவும் அவர் குறிப்பிட்டார்.
தாம் ஏற்கெனவே இரு தடுப்பூசிகளையும் போட்டுக்கொண்ட பின்னர் இதுபோன்ற அழைப்பு வந்ததால் சந்தேகமடைந்து புகார் தெரிவிப்பதாக அவர் கூறினார்.
இதுபோன்ற மோசடிகளில் பொதுமக்களை நம்ப வைப்பதற்காக மோசடிக்காரர்கள் பல உத்தி களைப் பின்பற்றுவதாக காவல்
துறையின் உளவியல் சேவைப் பிரிவு முதன்மை உளவியல் நிபுணரான திருவாட்டி கேரொலின் மிசிர் தெரிவித்துள்ளார்.
தடுப்பூசி தொடர்பான குறிப்பு எண்ணையும் ரெம்டெசிவிர் போன்ற நோய் எதிர்ப்பு மருந்தைப் போன்ற ஒன்றையும் சொல்லி நம்பகத்தன்மையை ஏற்படுத்த மோசடிக்காரர்கள் முயலக்கூடும் என்றார் அவர்.
தடுப்பூசி தொடர்பான மோசடிகள் பற்றி காவல்துறை அறிந்துள்ளதாக ஸ்ட்ரெய்ட்ஸ் டைம்ஸ் அறிகிறது.
மேலும் இம்மோசடிகளில் சிலர் பணம் இழந்திருப்பதையும் தான் அறிந்திருப்பதாக அந்த செய்தித்தாள் குறிப்பிட்டுள்ளது.