'வேலையில் பெண்கள் மேம்பட மேலும் பலவற்றைச் செய்ய வேண்டும்'

சிங்­கப்­பூ­ரில் வேலை இடங்­களில் பெண்­கள் முன்­னேறி இருக்­கி­றார்­கள். வேலை பார்க்­கும் மனை­வி­யர் உள்ள சிங்­கப்­பூர்­வாசி தம்­ப­தி­யர் விகி­தம் 2020ல் 60% ஆகக் கூடி இருக்­கிறது.

கண­வர் மட்­டும் வேலை பார்க்கும் தம்பதியர் விகி­தாச்­சாரம் 2010ல் 32.6% ஆக இருந்து 2020ல் 24.9% ஆகக் குறைந்­து­விட்­டது.

சிங்­கப்­பூர் குடி­மக்­கள், நிரந்­த­ர­வா­சி­களை உள்­ள­டக்­கிய சிங்­கப்­பூர்­வாசி தம்­ப­தி­ய­ரைப் பார்க்­கை­யில் 52.5% கண­வன்- மனைவி இரு­வ­ரும் வேலை பார்ப்­ப­வர்­க­ளாக இருக்­கி­றார்­கள். கண­வன்- மனைவி இரு­வ­ரும் சரி­சம கல்­வித் தகு­தி­யு­டன் கூடிய தம்­ப­தியர் விகி­தம் 46.6% ஆக சென்ற ஆண்­டில் அதி­க­ரித்­துள்­ளது.

கண­வ­ரை­விட மனைவி குறைந்த கல்­வித் தகு­தி­யு­டன் இருக்­கும் தம்­ப­தி­யர் விகி­தம் குறைந்து இருக்­கிறது. கண­வ­ரை­விட மனைவி அதிக கல்­வித் தகுதி­யு­டன் இருக்­கும் தம்­ப­தி­யர் விகி­தம் சென்ற ஆண்­டில் 22.5% ஆக உயர்ந்து உள்­ளது.

இந்த நில­வ­ரங்­கள் இரண்டு அம்­சங்­க­ளைக் காட்­டு­வ­தாக கொள்கை ஆய்­வுக் கழ­கத்­தின் ஆளுமை மற்­றும் பொரு­ளியல் துறை தலை­வர் கிறிஸ்­டஃ­பர் கீ தெரி­வித்­தார்.

திரு­மண வாழ்­வில் கண­வன்- மனை­விக்கு இடைப்­பட்ட சமத்­துவம் கூடி இருக்­கிறது. பொரு­ளி­ய­லுக்­குப் பெண்­கள் அதி­கம் தொண்­டாற்றுகிறார்­கள் என்று அவர் கருத்­து­ரைத்­தார்.

வேலை இடங்­களில் பெண்­களின் முழு ஆற்­ற­லும் வெளிப்­பட வேண்­டு­மா­னால் அவர்­க­ளின் பரா­ம­ரிப்பு வேலைச் சுமை­யைக் குறைக்க மேலும் பல­வற்­றைச் செய்ய வேண்­டும் என்று அவர் கூறி­னார்.

அதா­வது பரா­ம­ரிப்­புப் பொறுப்­பு­கள் குடும்­பங்­களில் இருந்து சமூ­கத்­திற்கு மாற வேண்­டும். அல்­லது அவை கட்­ட­ணம் செலுத்தி பெறப்­படும் நிபு­ணத்­துவ சேவை ஏற்­பாடாக ஆக வேண்­டும் என்று திரு கிறிஸ்­டஃ­பர் கீ கூறி­னார்.

இதன் தொடர்­பில் கருத்து தெரி­வித்த சிங்­கப்­பூர் சமூக அறி­வி­யல் பல்­க­லைக்­க­ழ­கத்­தின் பொரு­ளி­யல் வல்­லு­நர் வால்­டர் தெரேசா, நிபு­ணத்­துவ நீண்­ட­கால பரா­ம­ரிப்பு உத­விக்கு மேலும் நிதி தேவை என்­றார்.

வெளி­நாட்­டுப் பணிப்பெண்­கள், குடும்ப பரா­ம­ரிப்­பா­ளர்­கள் ஆகி­யோர் முதி­ய­வர்­க­ளுக்­குத் தேவைப்­படும் சிக்­க­லான மருத்­துவ தேவை­கள் பற்றி நன்கு தெரிந்­து­கொள்­ளும் அள­வுக்­குப் போதிய பயிற்­சியோ அறி­வோ பெற்­ற­வர்­க­ளாக இருப்­ப­தில்லை என்று அவர் விளக்­கி­னார்.

கேர் ஷீல்டுஃலைப் போன்ற அண்­மைய கொள்கை முயற்­சி­கள்­கூட தேவையைப் போதிய அளவுக்கு ஈடு செய்ய இய­லா­மல் போக­லாம் என்று தெரி­வித்த திரு வால்­டர், உடற்­குறை உள்ள குடும்ப உறுப்­பி­ன­ரைக் கொண்ட யாருமே மாதம் கிடைக்­கும் $600 அடிப்­படை தொகை தேவைப்­படும் பரா­ம­ரிப்­புக்­குப் போதாது என்றே சொல்­வார்­கள் என்­றார்.