மாணவர் முரசு
இ-பேப்பர்
உணவங்காடிக் கடைகளில் அமர்ந்து உணவு உண்ண தடை விதிக்கப்பபட்டு இருந்ததால் பல கடைக்காரர்கள் பெரிதும் பாதிக்கப்பட்டனர்.
ஆனால் தோ பாயோ வெஸ்ட்டில் 'கம் டெய்லி ஃபிரைடு ஹாக்கியன் பிரான் மீ' என்ற கடையை நடத்தும் ஜேசன் ஹூவாங் என்பவர், 53 ஆண்டுகளாக நடந்து வரும் தனது குடும்ப வியாபாரத்தை நசிய விடாமல் காப்பாற்றி வருகிறார்.
அந்த மூன்றாம் தலைமுறை கடைக்காரர் உணவு விநியோகச் செயலி எதையும் சார்ந்து செயல்படவில்லை.
அதற்குப் பதிலாக, அவர் தனியார் வாடகை வாகனத்தை ஓட்டிவரும் ரோனி டே, 32, என்பவருடன் கூட்டு சேர்ந்தார்.
திரு ஜேசன், தனது கடையில் நாள் ஒன்றுக்கு 250 மீ சாப்பாடு பொட்டலங்களைத் தயாரிக்கிறார். கடைக்கு வருவோருக்கு அவற்றில் பாதியை விற்கிறார்.
மற்றவற்றை வாகன ஓட்டுநர் மூலம் பல இடங்களுக்கும் அனுப்புகிறார். ரோனி டேயுடன் கூட்டு சேர்ந்து செயல்படுவதன் மூலம் திரு ஜேசன், செயலி பயன்பாட்டுக்குக் கொடுக்க வேண்டிய 35% வரைப்பட்ட தரகுத்தொகையை மிச்சப்படுத்துகிறார்.
கைபேசி முலம் அல்லது ஃபேஸ்புக் வழியாக ஒரு நாள் முன்னதாக தருவிப்பு ஆணைகளைப் பெறுகிறார். இவரும் தனியார் வாகன ஓட்டுநரும் செய்துகொண்டுள்ள ஏற்பாடு, உச்ச நேரமற்ற இதர நேரங்களிலும் இருவரும் சுறுசறுப்பாகச் செயல்பட வழி வகுக்கிறது.
ஒரு தடவைக்கு இவ்வளவு கட்டணம் என்று அந்த வாகன ஓட்டுநருக்குத் தொகை கொடுக்கப்படுகிறது.
இது அவருக்குப் பகலில் கிடைக்கும் துணை வருவாயாக இருக்கிறது. திரு ரோனி டே இரவில் வாடகை வாகனம் ஓட்டிச் சம்பாதிக்கிறார்.