தேர்வு: அறுவை சிகிச்சை முகக்கவசம் கட்டாயம்

தொடக்­கப்­பள்ளி இறு­தி­யாண்­டுத் தேர்வு (பிஎஸ்­எல்இ) மற்­றும் ஜிசிஇ வாய்­மொ­ழித் தேர்வு நடைெப­றும்­போது அனைத்து மாண­வர்­களும் வாய்­மொ­ழித் தேர்­வா­ளர்­களும் அறுவை சிகிச்சைக்குப் பயன்படுத்தப்படும்

முகக்­க­வ­சம் அணி­வது கட்­டா­ய­மா­கும்.

அறுவை சிகிச்சை முகக்­க­வ­சம் இல்­லாத மாண­வர்­க­ளுக்கு தேர்வு நடை­பெ­றும் இடத்­தி­லேயே அவற்றை வழங்க ஏற்­பாடு செய்­யப்­பட்­டுள்­ளது.

உரு­மா­றிய கிரு­மி­களை கவ­னத்­தில்­கொண்டு கிரு­மிப்­ப­ர­வல் அபா­யத்­தைக் குறைக்­கும் வகை­யில் இந்த நட­வ­டிக்கை எடுக்­கப்­ப­டு­வ­தாக கல்வி அமைச்­சும் சிங்­கப்­பூர் தேர்வு, மதிப்­பீட்­டுக் கழ­க­மும் நேற்று வெளி­யிட்ட கூட்டு அறிக்­கை­யில் தெரி­வித்­தன.

ஜூன் 1ஆம் தேதி நில­வ­ரப்­படி சுமார் 310,000 மாண­வர்­கள் அதா­வது ஏறக்­கு­றைய தகு­தி­பெற்ற 90 விழுக்­காடு மாண­வர்­கள் தடுப்­பூ­சிக்கு பதிந்து கொண்­டுள்­ள­ளர். மறு­நாள் பள்ளி திறப்­ப­தற்கு முன்பே ஞாயிற்­றுக் கிழமை வரை­ 297,000 மாண­வர்­கள் முதல் தடுப்­பூ­சியை போட்­டுக் கொண்­ட­னர்.

மாண­வர்­க­ளை­யும் பள்ளி ஊழி­யர்­க­ளை­யும் கிரு­மித்­தொற்­றி­லி­ருந்து பாது­காக்­கும் முயற்­சி­யின் ஒரு பகு­தி­யாக மேம்­பட்ட பாது­காப்பு நிர்­வாக நடை­மு­றை­கள் தேர்­வின்­போது அறி­மு­கப்­ப­டுத்­தப்­ப­டு­கிறது என்று அமைச்­சும் கழ­க­மும் அறிக்­கை­யில் குறிப்­பிட்­டன.

வாய்மொ­ழித் தேர்­வு­களில் முக பாவ­னை­கள் கருத்­தில் எடுத்­துக்­கொள்­ளப்படாது. அத­னால் அறுவை சிகிச்சை முகக்­க­வ­சங்­களை அணி­வ­தால் தேர்வு எழு­து ­வோர் பாதிக்­கப்­படமாட்­டார்­கள் என்று கல்வி அமைச்­சும் சிங்­கப்­பூர் தேர்வு, மதிப்­பீட்­டுக் கழ­க­மும் கூறின.

இவ்­வே­ளை­யில் நேர­டி­யாக நடை­பெ­றும் இணைப்­பாட நடவடிக்­கை­கள் ஜூலை மாதம் 12ம் தேதி அன்று மீண்­டும் தொடங்­கும் என்­றும் தெரி­விக்­கப்­பட்­டுள்­ளது. இது முன்­னர் அறி­விக்­கப்­பட்ட தேதியை விட ஒரு வாரம் தள்­ளிப்போகிறது.