இன்று முதல் தொடக்கநிலை 1 மாணவர் சேர்க்கை

தொடக்­க­நிலை 1 மாண­வர் சேர்க்கை இன்று தொடங்­கு­கிறது. கொவிட்-19 பர­வல் கார­ண­மா­கக் கடந்த ஆண்­டைப் போலவே இம்­மு­றை­யும் மாண­வர் சேர்க்கை முழு­வதும் இணை­யம் வழி­யா­க இடம்­பெ­றும்.

இந்த ஏழு கட்ட நட­வ­டிக்­கை­யின் முதற்­கட்­ட­மாக, பள்ளி மாண­வர்­க­ளின் உடன்­பி­றந்­தோர்க்­கான சேர்க்கை இன்று காலை 9 மணிக்­குத் தொடங்­கு­கிறது. இந்த முறை­யின்­கீழ் பதி­வு­செய்­யும் குழந்­தை­கள் அனை­வர்க்­கும் பள்­ளி­களில் இடம் கிடைப்­பது உறுதி.

தங்­கள் பிள்­ளை­க்காகப் பதி­வு­செய்ய, பெற்­றோர்­கள் இணை­ய­வழி விண்­ணப்­பத்­தைப் பூர்த்தி செய்ய வேண்­டும். அக்­கு­ழந்­தை­யின் மூத்த சகோ­தரி அல்­லது சகோ­த­ரன் படிக்­கும் பள்­ளி­யைக் குறிப்­பிட வேண்­டும். சேர்க்கை விவ­ரங்­க­ளைப் பள்ளி வழங்­கும்.

நாளை மாலை 4.30 மணி­யு­டன் முதற்­கட்ட மாண­வர் சேர்க்கை நட­வ­டிக்கை நிறை­வ­டை­யும்.

ஒட்­டு­மொத்­தத்­தில், இவ்­வாண்டு 181 தொடக்­கப் பள்­ளி­களில் 41,888 இடங்­கள் உள்­ளன. பள்­ளி­க­ளின் எண்­ணிக்கை கடந்த ஆண்­டைக் காட்­டி­லும் இவ்­வாண்டு ஐந்து குறைவு என்­பது குறிப்­பி­டத்­தக்­கது.

2015ஆம் ஆண்­டில் சிங்­கப்­பூ­ரில் பிறந்த 37,681 குழந்­தை­களும் அடுத்த ஆண்­டில் தொடக்­க­நிலை 1ல் சேரத் தகு­தி­பெ­று­வர்.

2A1 கட்ட மாண­வர் சேர்க்கை ஜூலை 7ஆம் தேதி வியா­ழக்­கிழமை தொடங்­கும். இந்­தக் கட்­டம், பள்­ளி­க­ளின் முன்­னாள் மாண­வர் சங்க உறுப்­பி­னர்­க­ளாக இருப்­பவர்­க­ளின் அல்­லது பள்ளி ஆலோ­சனைக் குழு உறுப்­பி­னர்­கள் அல்­லது நிர்­வா­கக் குழு­வில் இருப்­போ­ரின் பிள்­ளை­க­ளுக்­கா­னது.

அத­னைத் தொடர்ந்து, 2A2 கட்­டம் ஜூலை 14-15 தேதி­களில் இடம்­பெ­றும். இதில் பங்­கேற்­கும் குழந்­தை­க­ளின் பெற்­றோர்­கள் அல்­லது உடன்­பி­றந்­தோர், பள்­ளி­க­ளின் முன்­னாள் மாண­வர்­க­ளாக இருக்க வேண்­டும் அல்­லது பெற்­றோர், பள்ளி ஊழி­ய­ரா­கப் பணி­யாற்ற வேண்­டும். தொடக்­கப் பள்ளி வளா­கங்­களி­லேயே மனி­த­வள அமைச்­சால் நடத்­தப்­படும் பாலர் பள்­ளி­களில் பயி­லும் குழந்­தை­களும் இந்தக் கட்டத்தில் பங்­கேற்­க­லாம்.

பள்­ளி­களில் தொண்­டூ­ழி­யர்­களா­கப் பணி­யாற்­றும் பெற்­றோர்­கள், பள்­ளி­க­ளு­டன் இணைந்த தேவா­ல­யங்­கள் அல்­லது குல­ம­ர­புச் சங்­கங்­க­ளின் உறுப்­பி­னர்­கள், சமூ­கத் தலை­வர்­க­ளாக இருப்­போ­ரின் குழந்­தை­க­ளுக்­கான 2B கட்ட மாண­வர் சேர்க்கை ஜூலை 26ஆம் தேதி நடை­பெ­றும்.

கடந்த 2014ஆம் ஆண்­டில் இருந்து, பள்­ளி­க­ளு­டன் முன்­னர் எந்த வகை­யி­லும் தொடர்பு இல்­லாத குழந்­தை­க­ளுக்­காக 2B கட்­டத்­தில் 20, 2C கட்­டத்­தில் 20 என ஒவ்­வொரு பள்­ளி­யும் 40 இடங்­களை ஒதுக்கி வரு­கிறது.

2A1, 2A2, 2B ஆகிய மூன்று கட்ட மாண­வர் சேர்க்­கை­யி­லும் பெற்­றோர்­கள் இணை­யம் வழி­யாக விண்­ணப்­பிக்க வேண்­டும்.

பள்­ளி­க­ளு­டன் எவ்­வ­கை­யி­லும் தொடர்­பில்­லாத குழந்­தை­கள், ஆகஸ்ட் 3 முதல் 5 வரை இடம்­பெ­றும் 2C கட்ட மாண­வர் சேர்க்­கை­யின்­போது பதி­வு­செய்ய வேண்­டும்.

அது­வ­ரை­யி­லும் பதிவு செய்­யா­த­வர்­கள், ஆகஸ்ட் 19ஆம் தேதி தொடங்­கும் '2C துணை' கட்­டத்­தின்­போது தொடக்­க­நிலை 1 இணைய முறை மூல­மா­கப் பதி­வு­செய்­ய­லாம்.

முன்­னைய கட்­டங்­களில் சிங்­கப்­பூ­ரர்­கள், நிரந்­த­ர­வா­சி­கள் அனை­வர்க்­கும் இடம் ஒதுக்­கப்­பட்ட பிறகு இடம்­பெ­றும் 3ஆம் கட்­டத்­தின்­போது அனைத்­து­லக மாண­வர்­கள் பதிவு­செய்­ய­லாம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!