தொடர்ந்து ஐந்தாவது காலாண்டாக ஏற்றம்

வீடமைப்பு வளர்ச்சிக் கழக மறுவிற்பனை வீட்டு விலைகள்

வீட­மைப்பு வளர்ச்­சிக் கழக (வீவக) மறு­விற்­பனை வீட்டு விலை­கள் தொடர்ந்து ஐந்­தா­வது காலாண்­டாக உய­ர்ந்­தன.

எனி­னும், அண்­மை­யில் உச்­சத்தை எட்­டி­யி­ருந்த வீட்டு விலை­கள் சற்று தணிந்­து உள்­ள­தாக நேற்று வெளி­யி­டப்­பட்ட முன்­னோட்ட மதிப்­பீ­டு­கள் காட்­டின.

இவ்­வாண்­டின் முதல் மூன்று மாதங்­க­ளு­டன் ஒப்­பு­நோக்க, கடந்த ஜூன் மாதம் வரை­யி­லான மூன்று மாதங்­களில் மறு­விற்­பனை வீட்டு விலை­கள் 2.8 விழுக்­காடு உயர்ந்­தன. மாறாக, இவ்­வாண்­டின் முதல் காலாண்­டில் வீட்டு விலை­கள் 3 விழுக்­காடு கூடி­யி­ருந்­தன.

ஆண்டு அடிப்­ப­டை­யில், மறு­விற்­பனை விலை­கள் 10.8 விழுக்­காடு அதி­க­ரித்­தன.

வீட்­டின் விலை மதிப்­புக்கு மேலாக கூடு­தல் பணம் செலுத்த வீடு வாங்­கு­ப­வர்­கள் தயக்­கம் காட்டு­வதே விலை உயர்வு மெது­வடைந்­த­தற்கு கார­ண­மாக இருக்­க­லாம் என்று சொத்து விற்­பனை நிறு­வ­ன­மான ஹட்­டன்ஸ் ஏஷி­யா­வின் ஆய்­வுப் பிரிவு இயக்­கு­நர் லீ சி டெக் கூறி­னார்.

2013ஆம் ஆண்­டின் இரண்­டாம் காலாண்­டில் வீவக மறு­விற்­பனை வீட்டு விலை­கள் உச்­சத்தை எட்­டி­ இருந்­தன. அவற்­று­டன் ஒப்­பி­டு­கை­யில், கடந்த காலாண்­டின் விலை­கள் வெறும் 2.1 விழுக்­காடு குறைவு என்­றார் ஆரஞ்­சுடீ & டை நிறு­வ­னத்­தின் ஆய்வு, பகுப்­பாய்­வுப் பிரி­வின் மூத்த துணைத் தலை­வர் கிறிஸ்­டின் சுன்.

வீட்டு விலை உயர்­வும் வீடு­களுக்­கான தேவை­யும் இதே வேகத்­தில் தொடர்ந்­தால், 2013ல் இருந்­த­தைப்­போல இவ்­வாண்டு பிற்­பா­தி­யில் மறு­விற்­பனை விலை­கள் உச்­சத்தை எட்­டக்­கூ­டும் என்று அவர் தெரி­வித்­தார்.

இவ்­வாண்­டின் முதல் பாதி­யில் வீட்டு விலை­கள் 5.9 விழுக்­காடு கூடின. இந்த விலை உயர்வு, 5 முதல் 9 விழுக்­காடு வரை­யி­லான தமது முழு ஆண்டு மதிப்­பீட்­டிற்­குள் அடங்­கு­வ­தாக திரு­மதி சுன் குறிப்­பிட்­டார்.

26ல் 20 நகரங்­களில் மறு­விற்­பனை இடை­நிலை வீட்டு விலை­கள் உயர்ந்­த­தாக அவர் கூறி­னார்.

மத்­தி­யப் பகு­தி­யில்­தான் இடை­நிலை வீட்டு விலை­கள் ஆக அதி­க­மாக உயர்ந்­தன. அவை 37.2 விழுக்­காடு அதி­க­ரித்து $738,000 ஆகின. மரின் பரேட்­டில் விலை­கள் 14.8 விழுக்­காடு உயர்ந்து $520,000 ஆகின. கிள­மெண்­டி­யில் விலை­கள் 13.5 விழுக்­காடு அதி­க­ரித்து $488,000ஐ எட்­டின.

தேவைக்­கேற்ப கட்டி விற்­கப்­படும் (பிடிஓ) வீடு­க­ளுக்­கான கட்டு­மா­னப் பணி­களில் தாம­தம் ஏற்­பட்டு உள்­ள­தால் வீடு வாங்­கு­வோர் மறு­விற்­பனை சந்தை பக்­கம் திரும்பி­யுள்­ள­தாக திரு­மதி சுன் கூறி­னார். அதோடு, தனி­யார் சொத்து­களை விற்­ற­வர்­களும் மறு­விற்­பனை வீடு­களை வாங்கி வரு­கின்­ற­னர்.

இவ்­வாண்­டின் முதல் காலாண்­டு­டன் ஒப்­பு­நோக்க, இரண்­டாம் காலாண்­டில் கைமா­றிய வீடு­க­ளின் எண்­ணிக்கை 8 விழுக்­காடு குறைந்­த­தாக ஹட்­டன்ஸ் ஏஷியா நிறு­வ­னத்­தின் தலைமை நிர்­வாகி மார்க் யிப் தெரி­வித்­தார்.

புக்­கிட் மேரா, சுவா சூ காங், மரின் பரேட் ஆகிய வட்­டா­ரங்­ளைத் தவிர்த்து, மற்ற வீவக பேட்­டை­களில் சற்று குறை­வான வீடு­கள் மறு­விற்­ப­னை­யா­னதை அவர் சுட்­டி­னார்.