மணமக்களும் ஒப்பந்ததாரரும் சமரசம் காண அமைச்சு உதவி

கொவிட்-19 கட்­டுப்­பா­டு­க­ளால் பாதிக்­கப்­பட்ட திரு­மண நிகழ்­வு­கள் தொடர்­பில் சம்­பந்­தப்­பட்ட தரப்­பு­கள் சம­ர­சத்தை எட்ட உதவ சட்ட அமைச்சு முன்­வந்­துள்­ளது.

அந்­தத் திரு­மண விழாக்­கள் இவ்­வாண்டு மே 8ஆம் தேதிக்­கும் ஜூலை 31ஆம் தேதிக்­கும் இடையே நடத்­தத் திட்­ட­மி­டப்­பட்­டி­ருக்க வேண்­டும்.

எடுத்­துக்­காட்­டாக, திரு­ம­ணத் தேதியை மாற்­று­வது அல்­லது பொருள், சேவை வழங்­கு­வது தொடர்­பான ஒப்­பந்­தத்­தைக் குறைப்­பது தொடர்­பில் மண­மக்­களுக்­கும் ஒப்­பந்­த­தா­ரர்க்­கும் இடையே உடன்­பாடு எட்­டப்­ப­டா­மல் போனால் சம­ர­சம் காண உதவி வழங்­கப்­படும்.

இவ்­வாண்டு மே 16ஆம் தேதி முதல் இம்­மா­தம் 11ஆம் தேதி வரை திரு­மண வர­வேற்பு நிகழ்ச்சி­களை நடத்­து­வ­தற்கு அனு­மதி வழங்­கப்­ப­ட­வில்லை.

இரு­த­ரப்­பி­ன­ரும் உடன்­ப­டு­வதாக இருந்­தால், பிரச்­சி­னை­யில் சம­ர­சத்தை எட்ட வழி­வகை செய்­வதற்கு அமைச்­சால் நிய­மிக்­கப்­பட்ட பயிற்­சி­பெற்ற வல்­லு­நர் ஒரு­வர் உத­வு­வார். இந்­தச் சம­ரச உதவி இல­வ­ச­மாக வழங்­கப்­படும். இதன்­மூ­லம், பிரச்­சி­னைக்­குத் தீர்வு­காண நீதி­மன்­றத்தை நாடு­வது தவிர்க்­கப்­ப­ட­லாம்.

ஆர்­வ­மு­டைய தரப்­பி­னர் இன்று முதல் வரும் செப்­டம்­பர் மாதம் 10ஆம் தேதி­வரை https://go.gov.sg/request-for-mediation என்ற இணை­யப் பக்­கம் வழி­யாக தங்­களது கோரிக்­கை­களை முன்­வைக்­க­லாம்.

கோரிக்கை விடுக்­கப்­பட்ட இரு வாரங்­க­ளுக்­குள் சம­ர­சப் பேச்­சுக்­கான அமர்வை நடத்த சட்ட அமைச்சு இலக்கு கொள்­ளும். பொது­வாக, அந்த அமர்வு இணை­யம் வழி­யாக, கிட்­டத்­தட்ட இரண்டு மணி நேரம் நடத்­தப்­படும்.