யங் ராஜாவின் இசையை விமர்சித்த அமெரிக்க தொலைக்காட்சி பிரபலம்

சிங்கப்பூரின் ராப் கலைஞர் யங் ராஜாவின் இசை, அமெரிக்காவின் 'தி டுனைட் ஷோ' நிகழ்ச்சியில் ஒளியேறியது.

இருந்தபோதும் யங் ராஜாவின் 'மாமி' என்ற பாடலை அந்நிகழ்ச்சியின் படைப்பாளர் ஜிம்மி ஃபெல்லன் கேலி செய்தார். ' கேட்கக் கூடாத பாடல்கள்' என்ற நிகழ்ச்சி அங்கத்தில் யங் ராஜாவின் அந்தப் பாடல் சேர்க்கப்பட்டது.

ஃபெல்லனுக்குப் பாடல் பிடிக்கவில்லை என்றாலும் பாடல் ஒலித்துக்கொண்டிருந்தபோது அங்கிருந்த 'குவெஸ்ட்லவ்' என்ற அந்த இசைக்கலைஞர், உடலை அசைத்துக்கொண்டிருந்ததை யங் ராஜா தமது இன்ஸ்டகிராம் பக்கத்தில் குறிப்பிட்டார்.