மூத்த தமிழ் ஆசிரியர் ஜான்சன் மாணிக்கம் காலமானார்

இந்து இளங்கோவன்

ஓய்­வு­பெற்ற மூத்த தமிழ் ஆசி­ரி­யர் திரு ஜான்­சன் மாணிக்­கம் நேற்று முன்தினம் கால­மா­னார். அவ­ருக்கு வயது 96. மகன், மகள், 14 பேரப்­பிள்­ளை­கள், கொள்ளுப் பேரப்­பிள்­ளை­களை அவர் விட்­டுச்­சென்­றார்.

இவர் மறைந்த முன்­னோடி தமிழ் ஆசி­ரி­ய­ரும் சிங்­கப்­பூர் தமிழ் ஆசி­ரி­யர் சங்­கத்­தின் முன்­னாள் தலை­வ­ரு­மான திரு ஸ்டீ­பன் மாணிக்­க­தின் சகோ­த­ரர்.

கிட்­டத்­தட்ட 1950களில் தமிழ் கற்­பிப்­ப­தற்கு இந்­தியாவி­லி­ருந்து சிங்­கப்­பூருக்கு வந்த இவர், பீட்டி தமிழ் நிலை­யத்­தில் தனது ஆசி­ரி­யர் பணியைத் துவங்­கி­னார்.

தற்­போ­தைய தமிழ் ஆர்­வ­லர்­கள், சமூகத் தலை­வர்­கள் பல­ருக்கு 50களில் தமிழ் கற்­றுக்­கொ­டுத்த பெருமை இவரைச் சேரும்.

தெலுக் ஆயர் தமிழ்மொழி நிலை­யம், பெக் சியா தமிழ்மொழி நிலை­யம் போன்ற அன்­றைய தமிழ் நிலை­யங்­களில் பணி­யாற்­றி­யி­ருக்­கி­றார்.

திரு ஜான்சன் மாணிக்கம் 1980ஆம் ஆண்டில் பணியிலிருந்து ஒய்வுபெற்றார்.

"1970களி­லி­ருந்து 1985 வரை பெக் சியா தமிழ்மொழி நிலை­யத்­தில் அவ­ரு­டன் தமிழ் ஆசி­ரி­ய­ராகப் பணி­யாற்­றி­யி­ருக்­கி­றேன். தமி­ழி­லும் தமிழ் இலக்­கி­யத்­தி­லும் ஆழ்ந்த புலமை உடை­ய­வர் அவர். இளம் ஆசி­ரி­யர்­க­ளான எங்­க­ளுக்கு ஏதே­னும் சந்­தே­கங்­கள் இருந்­தால் அவ­ரி­டம்­தான் கேட்டு தெரிந்­து­கொள்­வோம்," என்று சிங்­கப்­பூர் தமி­ழா­சி­ரி­யர் சங்­கத்­தின் முன்­னாள் தலை­வர் திரு சி. சாமிக்­கண்ணு தெரிவித்தார்.

நல்ல இசை ஞானம் உடை­ய­வ­ராகப் பல­ருக்கு பரிட்­ச­ய­மான திரு ஜான்­சன் வய­லின் போன்ற இசை கரு­வி­களை விரும்பி வாசித்­தார். திரு ஜான்­ச­னின் மகள் திரு­மதி கேத்­த­ரின் ஜெய­சீ­ல­னும் பல ஆண்டுகள் தமிழ் கற்­பித்து ஓய்­வு­ பெற்ற தமிழ் ஆசி­ரி­யர் ஆவார்.