மாணவர் முரசு
இ-பேப்பர்
எப்படி, எங்கு பார்க்கலாம் என்பன பற்றிய விவரங்கள்
காலை மணி 9 - 9.45
தேசிய தின அணிவகுப்பு வரும் 21ஆம் தேதிக்குத் தள்ளிவைக்கப்பட்டுள்ள நிலையில், 600 பேர் நேரடியாகவும் 200 பேர் இணையம் வழியாகவும் பங்குபெறும் சிறிய அளவிலான சடங்குபூர்வ அணிவகுப்பு மரினா பே மிதக்கும் மேடையில் இன்று நடைபெறும்.
NDPeeps ஃபேஸ்புக், யூடியூப் கணக்குகள் வழியாக அந்த அணிவகுப்பைக் காணலாம்.
காலை 9.50 மணி முதல் 10.35 வரை, தலா இரு ஏஎச்-அப்பாச்சி ஹெலிகாப்டர்கள் புடைசூழ, இரண்டு சினூக் ஹெலிகாப்டர்கள் ஆயிரம் அடி உயரத்தில் தேசிய கொடியைப் பறக்கவிட்டபடி இரு வழித்தடங்களில் பறக்கும்.
கிழக்குத் தடம்: ஈஸ்ட் கோஸ்ட், சாங்கி, பாசிர் ரிஸ், பிடோக், பொங்கோல், காத்திப்
மேற்குத் தடம்: வெஸ்ட் கோஸ்ட், ஜூரோங், புக்கிட் பாஞ்சாங், புக்கிட் தீமா, சுவா சூ காங்.
அதே வேளையில், ஆறு எஃப்-15எஸ்ஜி போர் விமானங்கள் 1,500 அடி உயரத்தில் மணிக்கு 600 கி.மீ. வேகத்தில் வானில் பறக்கும். காலை 9.50 மணிக்குத் தொடங்கும் இந்தச் சாகச நிகழ்வு கிட்டத்தட்ட அரைமணி நேரம் நீடிக்கும்.
தோ பாயோ, அங் மோ கியோ, இயோ சூ காங், ஈசூன், உட்லண்ட்ஸ், சுவா சூ காங், புக்கிட் தீமா, ஜூரோங், கிளமெண்டி, குவீன்ஸ்டவுன், தியாங் பாரு, ஈஸ்ட் கோஸ்ட், பிடோக், தெம்பனிஸ், பாசிர் ரிஸ், பொங்கோல், ஹவ்காங், கேலாங் ஆகிய பகுதிகளுக்கு மேலே அவை பறக்கும்.
பிற்பகல் மணி 1 - 7
ஜூ கூனில் உள்ள சிங்கப்பூர் டிஸ்கவரி சென்டரில் குடும்பத்திற்கு உகந்த நடவடிக்கைகள் இடம்பெறும். மேல்விவரங்களுக்கு https://www.sdc.com.sg/nd21 என்ற இணையப் பக்கத்தை நாடலாம்.
இரவு மணி 8 - 9
ஷபீர் உள்ளிட்ட உள்ளூர்க் கலைஞர்கள் பங்குபெறும் ஒரு மணி நேர தேசிய தின இசைக் கச்சேரி இடம்பெறும். ஒளிவழி 5லும் 'meWatch'லும் இதைக் காணலாம்.
இரவு மணி 7.30 - நள்ளிரவு
இம்மாதம் முழுதும் இரவு 7.30 மணி முதல் நள்ளிரவு வரை மத்திய தீயணைப்பு நிலையம், குட் ஷெப்பர்ட் தேவாலயம், சிங்கப்பூர் தேசிய அரும்பொருளகம், அப்ஜெக்டிஃப்ஸ் சென்டர், தேசிய வடிவமைப்பு மையம், ஸ்டாம்ஃபர்ட் கலைகள் மையம், தி கெத்தே ஆகிய ஏழு கட்டடங்கள் சிவப்பு-வெள்ளையில் ஒளியூட்டப்படும்.