மூன்றாவது முறையாக வர்த்தக முன்னுரைப்பு அதிகரிப்பு

சிங்­கப்­பூர் இவ்­வாண்டு மூன்­றா­வது முறை­யாக அதன் வர்த்­தக முன்­னுரைப்பை உயர்த்­தி­யுள்­ளது. இதற்கு மின்­ன­ணுப் பொருட்­கள், எரி­பொ­ருள் சார்ந்த ரசா­ய­னப் பிரிவு­களில் இரண்­டாம் காலாண்­டில் பதி­வான அதி­க­ளவு வளர்ச்­சியே கார­ணம் என்று கூறப்­ப­டு­கிறது.

இந்­நி­லை­யில், 2021ல் எண்­ணெய் சாரா உள்­நாட்டு ஏற்­று­மதி, ஏழு முதல் எட்டு விழுக்­காடு வளர்ச்சி காணும் என்று 'எண்­டர்­பி­ரைஸ் சிங்­கப்­பூர்' நேற்று அறி­வித்­தது. இதற்­கு­முன் மே மாதத்­தில் அமைப்­பின் முன்­னு­ரைப்பு, ஒன்று முதல் மூன்று விழுக்­காடு வளர்ச்சி என்ற நிலை­யில் இருந்­தது. இதற்­கி­டையே, எண்­ணெய் விலை­களும் தொடர்ந்து அதி­க­ரிக்­கும் சாத்­தி­யம் உள்­ள­தால் மொத்த விற்­பனை வளர்ச்சி காணும் என்று முன்­னு­ரைக்­கப்­ப­டு­கிறது.

இரண்­டாம் காலாண்­டான ஏப்­ரல் முதல் ஜூன் வரை, எண்­ணெய் சாரா உள்­நாட்டு ஏற்­று­மதி 10.1 விழுக்­காடு அதி­க­மாக பதி­வா­கி­யது. அதற்­கு­முன் இவ்­வாண்­டின் முதல் மூன்று மாதங்­களில் இது 9.7 விழுக்­கா­டாக இருந்­தது.

மின்­னணு அல்­லாத பொருட்­களால் ஏற்­று­ம­தி­யில் 8.5% அதி­கரிப்பு ஏற்­பட்­ட­தா­கக் கூறப்­பட்­டது.

இருப்­பி­னும், எண்­ணெய் சாரா உள்­நாட்டு ஏற்­று­ம­தி­யின் கால் பங்­கைக் கொண்­டுள்ள மின்­ன­ணு­வியல் பிரிவு, ஐந்­தா­வது காலாண்­டாக வளர்ச்சி கண்டு வந்­துள்­ளது.

மொத்த விற்­ப­னைப் பொருள் வர்த்­த­க­மும் எண்­ணெய் சாரா உள்­நாட்டு ஏற்­று­ம­தி­யும் மே மாதம் எதிர்­பார்த்­த­தை­விட அதி­க­மா­கவே வளர்ச்சி கண்­டுள்­ள­தாக இஎஸ்ஜி குறிப்­பிட்­டது.

இதற்­கி­டையே, மொத்த உள்­நாட்டு உற்­பத்­தி­யின் முன்­னுரைப்பை ஆறு முதல் ஏழு விழுக்­கா­டாக நேற்று வர்த்­தக, தொழில் அமைச்சு உயர்த்­தி­யது.