மாணவர் முரசு
இ-பேப்பர்
லெங்கோக் பாருவில் உள்ள 'எனேபலிங் வில்லேஜ்' வளாகத் தில் அமைக்கப்பட்டுள்ள புதிய பல் மருந்தகம் மாற்றுத் திறனாளிகள், சிறப்புத் தேவை உள்ளோர், வசதி குறைந்தவர்கள் ஆகியோருக்குக் குறைந்த கட்டணத்தில் சேவை வழங்கும்.
'மவுண்ட் அல்வேனியா மருத்துவமனையின் சமூகத் தொடர்பு நடவடிக்கையின் பகுதியாக பல் மருந்தகம் தொடங்கப்பட்டது. அதில் வழக்கமான பல் சுத்தி கரிப்பு, ஓட்டைகளை அடைத்தல், பல் பிடுங்குதல் போன்ற சிகிச்சைகள் வழங்கப்படும். மானியத்துடன் கூடிய அவற்றுக்கான கட்டணம், $30 அல்லது அதற்கும் குறைவாக இருக்கும்.
மவுண்ட் அல்வேனியா மருத்துவமனை 'எனேபலிங் வில்லேஜ்' வளாகத்தில் கடந்த 2015ஆம் ஆண்டு தொடங்கிய மருந்தகத்தில் கூடுதலாக வசதியாக புதிய பல்மருந்தகம் அமைக்கப்பட்டுள்ளது. மவுண்ட் அல்வேனியாவின் முழுமையான நிதி உதவியில் செயல்படும் இந்த மருந்தகத்தில் உடற்குறையுள்ளோருக்கான அட்டை போன்ற எத்தகைய சலுகை அட்டையை வைத்திருப்போரும் சிகிச்சை பெறலாம்.
தனிமையில் உள்ள முதியவர்கள், முன்னாள் குற்றவாளிகள் போன்ற பாதிக்கப்படக்கூடிய சமூகங்களைச் சேர்ந்தவர்களும் சமூக சேவை அமைப்புகளால் பரிந்துரைக்கப்பட்டால் இங்கு சேவைகளைப் பெறலாம்.
இப்பல்மருந்தகத்தின் சிறப்பம் சங்களில் ஒன்றாக சக்கரநாற்காலி பயன்படுத்துவோர் அதில் அமர்ந்தபடியே சிகிச்சை பெற வசதி செய்து தரப்பட்டுள்ளது.