மாணவர் முரசு
இ-பேப்பர்
கொவிட்-19 சூழலில் வர்த்தகத்தை மேம்படுத்த நிறுவனங்களுக்கு உதவும் வகையில் கூடுதல் அறிவுசார் சொத்து வளங்களை அரசாங்கம் நேற்று அறிவித்தது.
ஏற்கெனவே பயன்பாட்டில் உள்ள புதிய வர்த்தகப் பெயர்கள், வர்த்தகச் சின்னங்கள், இணையத்தளங்கள், சமூக வலைத்தளப் பெயர்கள் ஆகியவற்றைக் காட்டும் தேடுதல் அம்சமும் அதில் அடங்கும்.
அதைப் பயன்படுத்தி
தங்களுக்கெனப் புதிய வர்த்தகப் பெயர், சின்னங்கள் முதலியவை குறித்து வர்த்தகர்கள் முடிவெடுக்கலாம்.
அறிவுசார் சொத்து தொடர்பான விவகாரங்கள் குறித்து கூடுதல் சட்ட ஆலோசனைகளும் நிறு
வனங்களுக்கு வழங்கப்படும்.
நிறுவனங்களுக்காக நடத்தப்படும் வாராந்திர சட்ட ஆலோசனைக் கூட்டங்களில் சேவையாற்றும் அறிவுசார் சொத்து சட்ட நிறுவனங்களின் எண்ணிக்கை அதிகரிக்கப்படும்.
சிங்கப்பூரில் அறிவுசார் சொத்து தொடர்பான சர்ச்சைகளுக்குத் தீர்வு காண்பதை மேம்படுத்த சிங்கப்பூரின் அறிவுசார் சொத்து அலுவலகம், அறிவுசார் சொத்து நிபுணத்துவச் சாட்சிகள் பட்டியலைத்
தயாரித்துள்ளது.
இவர்கள் அறிவுசார் சொத்து தொடர்பான வழக்கு விசாரணை
களிலும் சமரசப் பேச்சுவார்த்தை
களிலும் உதவலாம்.
தற்போதைய பட்டியலில் பொறி
யியல், சுகாதாரப் பராமரிப்பு,
உற்பத்தி, தகவல்தொடர்புத் தொழில்நுட்பம், மருந்தியல் போன்ற துறைகளைச் சேர்ந்த 16 நிபுணத்துவ சாட்சிகள் உள்ளனர்.
அறிவுசார் சொத்து சட்ட ஆலோசனைக் கூட்டங்களின்போது அதில் பங்கெடுக்கும் சட்ட நிறுவனங்கள் சட்டத் துறை மூன்றாம், நான்காம் ஆண்டு மாணவர்களுக்கு வழிகாட்டும் திட்டமும் அறிவிக்கப்பட்டுள்ளது.
சேண்ட்ஸ் எக்ஸ்போ, மாநாட்டு மையத்தில் நடைபெறும் அறிவுசார் சொத்து வாரத்தின் தொடக்க விழாவில் இத்திட்டங்களை சட்ட இரண்டாம் அமைச்சர் எட்வின் டோங் அறிவித்தார்.
"இந்தத் திட்டங்கள் சிங்கப்பூர் நிறுவனங்களும் அறிவுசார் சொத்து நிபுணர்களும் தொடர்ந்து வளர்ச்சி அடைய வழிவகுக்கும் என நம்புகிறோம்.
"அறிவுசார் சொத்து நடுவமாக சிங்கப்பூர் கொண்டுள்ள நிலையை இவை மேலும் பலப்படுத்தும் என்ற நம்பிக்கை எங்களுக்கு இருக்கிறது," என்று அமைச்சர் டோங் தெரிவித்தார்.